Yobe 7:6 - MUKANDA WA MYIDI MUKULU

⁶ Matuku anyi a panu adi aya lubilu bu lua buatu bua mashinyi a mutedi wa bilamba. Adi enda ajika, tshiyi mua kutekemena tshintu.

Mukanda wa Nzambi Dihungila Dikulukulu ne Dihungila Dihia-dihia 2003

⁶ Matuku anyi adi ahita mundongo wa mukumi wa bilulu kuenda lubilu, adi afika kunshikidilu kuau tshiyi ne ditekemena.

Yobe 7:6 ပူးပေါင်းရင်းမြစ်များ

Yobe 13:15

Nansha Mvidi Mukulu musue kunshipa, anshipe, tshindi mua kutekemena kabidi ntshinyi? Kadi ndi anu musue kudilumbuluila, kumpala kuende.

Yobe 14:19

Mayi neapande mabue, mvula mukole neanyange madimi. Ke muudi wewe ujimija ditekemena didi muntu nadi.

Yobe 16:22

Eyowa, angambuluishe, bualu matuku anyi mmabale ku minu. Ndi nya mu njila udibu kabayi batua bapingana.

Yobe 17:1

Ndi ngeyela ne lutatu, muoyi wanyi mmushikile munda, lukita luanyi lukadi buashi.

Yobe 17:11

Matuku anyi a panu mmamane kusemena, bimvua muele meji bua kuenza, bimvua mujinge kabiakukumbana nansha.

Yobe 17:15

Tshindi meme mua kutekemena kabidi ntshinyi? Kudi muntu udi mua kutshindeja anyi?

Yobe 17:16

Bindi mutekemene bidi biya nanyi mu dijimba dia bafue. Tudi tuya kuikisha nabi mu lupuishi.

Yobe 19:10

Udi mumbutule nseke yonsu, bu mudibu bashimbula tshimana. Mmumushe ditekemena dimvua nadi, bu mudibu batula mutshi ne miji yawu.

Yobe 6:11

Kadi tshiena ne bukole bua kumvua makenga kabidi. Nenshale ne muoyi bua tshinyi? Tshindi mua kutekemena kabidi ntshinyi?

Yobe 9:25

Matuku anyi adi apita lukasa, mapite muntu udi unyema lubilu, adi ajimina tshiyi muanji kusanka dituku nansha dimue.

Misambu 102:11

Bualu udi ne tshiji, udi mufike munda, ke paudi mungambule, mungimanshe kule.

Misambu 144:4

Muntu udi amu bu lupepela, matuku ende a panu adi bu mundidimbi udi ujimina.

Nsumuinu 14:32

Malu mabi adi muntu mubi wenza adi amufila ku kabutu. Kadi muntu muakane udi utekemena kudi Mvidi Mukulu, nansha pakadiye pa kufua.

Yirmeya 2:25

“Wewe Izrayele, udimuke! Paudi unyema lubilu lukole neutapike ku makasa, muminu webe neume ne nyota!” Kadi, wewe udi wamba ne: “Lekela kulengelela, ndi munange mvidie ya bantu ba bisamba bikuabu. Ndi musue kuyitendelela.”

Efeze 2:12

Mu tshikondu atshi kanuvua pabuipi ne Kristu. Nuvua benyi. Kanuvua ba mu tshisamba tshia Izrayele, tshivua Mvidi Mukulu musungule. Ndondu ivua Mvidi Mukulu mutue ne bantu bende, ne malaya avuaye mubalaye, kabivua binutangila. Nuvua basombe panu, kanuyi batekemene tshintu, kanuyi ne Mvidi Mukulu.

Yakobe 1:11

Diba didi dibanda ne luya luadi, diumisha bisosa. Tshilongu tshidi tshipona panshi, bulenga buatshi budi bujika. Ke mudi muena biuma ujimina munkatshi mua midimu yende.

Yakobe 4:14

Kanuena bamanye bidi mua kunuenzekela maloba! Bualu nudi bu dibungi dikese didi dimueneka katupa, ditenduka.

1 Petro 1:13

Nanku nudilongolole bua numone mua kukuata mudimu. Nutabale muenu muonsu, batekemene bikole dipa dianupeshabu dituku diamueneka Yezu Kristu.

1 Petro 1:24

Ke mudibu bafunde mu Mukanda wa tshijila ne: “Bantu bonsu badi bu bisosa. Lumu luabu luonsu ludi amu bu bilongu bia mu mpata. Bisosa bidi biuma, bilongu bipopoka.