Yobe 7:20 - MUKANDA WA MYIDI MUKULU

²⁰ Nansha meme muena tshibawu, bidi bikutonda bua tshinyi, paudi musue amu kutentekela bantu? Ndi mukuenze bujitu anyi? Udi uludika mikete yebe, bua inkuate amu meme bua tshinyi?

Mukanda wa Nzambi Dihungila Dikulukulu ne Dihungila Dihia-dihia 2003

²⁰ Bingikala muenze bibi, ndi mua kukuenzela tshinyi, wewe, mulami wa bantu? Bualu kai wewe wakunteka bu tshimanyinu tshia kuasaku mikete yebe, tô ne hakalua bualu ebu bujitu kundi?

Yobe 7:20 ပူးပေါင်းရင်းမြစ်များ

Nehemya 9:6

Wewe nkayebe ke udi Maweja-Nangila! Udi mufuke diulu dialabale, ne mitotu yonsu! Udi mufuki wa buloba ne bionsu bidipu, wa mayi manene ne bionsu bidi binyungamu. Udi upesha tshifukibua tshionsu muoyi. Makole onsu a mu diulu adi akukukuila.

Yobe 10:14

Uvua musue kujikidila ngenza bubi bua umone mua kunnyoka ku kalema konsu kandi naku!

Yobe 10:2

Nenkandike Mvidi Mukulu ne: kumfundidi tshibawu to. Kadi ummanyishe tshilumbu tshindi natshi!

Yobe 10:6

Kadi udi ukeba kumanya bilema bianyi bua tshinyi? Udi musue kutandula bubi buanyi bua tshinyi?

Yobe 13:26

Udi ungasa bilumbu bikole be. Udi unnyoka nansha bua bilema bia ku buana.

Yobe 14:16

Diba adi, nansha wewe unkenketa konsu kundi nya, kuakubala bungi bua bilema bianyi kabidi to.

Yobe 22:5

Nansha kakese. Kadi udi ukunyoka bua buenzayi buebe. Ne bua bilema biudi wenza amu kuenza.

Yobe 3:24

Pandi mumvue mua kudia, ndi ntua amu mikemu. Mbila yanyi ya dikenga idi ipatuka mukana, bu mudi mayi apueka amu kupueka.

Yobe 31:33

Mvua musokoke bilema bianyi anyi? Mvua muyile ntupakanyi yanyi anyi? Nansha bantu bavule benze nanku, kadi meme, tshivua muenze nanku to.

Yobe 33:27

Udi wimba misambu, wambila bantu bonsu ne: “Mvua muenze bibi. Tshivua mukumbaje mikenji. Kadi Mvidi Mukulu ki mmunnyoke to, mmumfuile luse.

Yobe 33:9

“Meme tshiena ne bualu, tshiena mutombokele Mvidi Mukulu. Tshiena muenze tshilema. Ndi amu mundi emu.

Yobe 35:3

Wewe udi umukonka ne: nansha meme tshiyi ne bualu, bidi bindengelela ku tshinyi? Meme kabidi ndi mpeta tshinyi?

Yobe 35:6

Paudi wenza bibi udi ukengesha Mvidi Mukulu anyi? Bilema biebe bionsu bipite bungi, bidi bimuenzela tshinyi? Tshintu nansha tshimue.

Yobe 6:4

Eyowa, Mvidi Mukulu wa bukole buonsu, mmungase miketa. Lulengu luayi ndumbuele mu lungenyi. Bionsu bidi Mvidi Mukulu mulongolole bua kukuatshisha nabi bantu bowa, bidi binyunguluke biela mualu wa mvita.

Misambu 21:12

Padibu bakeba kukuenzela bibi, bakuelela bipangu, kabakukuenzela bualu to.

Misambu 36:6

Maweja-Nangila, bulenga buebe mbutue ne mu diulu. Biudi wamba, udi ubikumbaja ne mu mavuba.

Misambu 80:4

Mvidi Mukulu, utulongeshe, utupingaje kuudi, nanku netupande.

Muadi 3:12

Kunanaye buta buende, kunteka bu tshintu tshia kulongela ndudi.