Yobe 7:11 - MUKANDA WA MYIDI MUKULU

¹¹ Ke pandi tshiyi mua kupuwa kashidi to. Bu mundi ne kanyinganyinga kakole mu muoyi wanyi, ndi amu ne bua kuakula. Dibungama dianyi ndipite, ndi amu ne bua kuamba bidi bintonda.

Mukanda wa Nzambi Dihungila Dikulukulu ne Dihungila Dihia-dihia 2003

¹¹ Meme kabidi tshiena mbuikila mukana muanyi; nengambe di ne kanyinganyinga ka mutshima wanyi; nentontolole bua ntatu ya mu muoyo wanyi.

Yobe 7:11 ပူးပေါင်းရင်းမြစ်များ

Genese 42:21

Kuambilanganabu ne: — Ee, mbatunyoke mpindiewu, bualu tuvua bakengeshe muakunyetu Yozefe. Yeye kututendakena ulomba luse, tuetu kubenga kumufuila luse. Ke mutudi lelu mu dikenga amu dia momumue.

Yobe 10:1

Bia panu bidi bindukisha, tshiena ndekela kutua mikemu, tshiena mua kupuwa to, bualu ndi nyingalala bikole.

Yobe 10:15

Nenku meme muenze bibi, ndi muena diakabi! Kadi meme muenze bimpe, kabena bangangata ne mushinga to. Ndi amu ne bua kufua bundu, kubuela mu dikenga.

Yobe 13:13

Puwayi, ngakula meme! Bidi mua kuenzeka, nebingenzekele.

Yobe 16:6

Kadi pandi ngakula, dikenga dianyi kadiena diteketa nansha. Meme mupuwe, dikenga kadiena dijika.

Yobe 21:25

Kadi bakuabu badi bafua ne kanyinganyinga kakole, kabayi bapeta disanka panu nansha dimue.

Yobe 23:2

Tshivua musue bua bantu bumvue mikemu yanyi. Kadi nansha mpindiewu, ntshidi ntua anu mikemu.

Yobe 36:21

Kadi kupinganyi ku malu mabi, bualu ke avua makukebele dikenga.

Yobe 6:26

Nudi nungasa tshilumbu bua miaku imvua muambe, kanuena numona ne nya muntu udi kayi mua kutekemena kabidi tshintu anyi?

Yobe 9:27

Meme kuamba ne: mbimpe kupua ntatu yanyi muoyi, meme kusanka, kutua mimuemue.

Misambu 39:3

Nanku meme kushala bu kamama, tshiyi ngakula, meme kubenga kuamba bualu. Kadi dikenga dianyi kukola amu kukola.

Misambu 40:9

Mvidi Mukulu wanyi, ndi musue kukumbaja biudi ujinga. Ndi mulame mikenji yebe mu muoyi wanyi.

Yeshaya 38:15

Kadi tshingambila Maweja-Nangila ntshinyi? Udi muenze bionsu ebi ki nYeye anyi? Ndi ngendakana panu, mpitshisha matuku, amu ne kanyinganyinga kakole munda.

Yeshaya 38:17

Eyowa, kanyinganyinga nkandamuke diakalenga. Udi munnange bushiwa, mungumushile lufu. Wewe kuangata bilema bianyi bionsu, kubiela panyima kule kutambe.

Luke 22:44

Bowa bukole buvua bukuata Yezu. Ke kutendelelaye bikole bipite. Tshisululu tshiende tshifua tshiandamuka mashi, amata panshi.]

2 Korente 2:4

Eyowa, mvua munufundile mukanda awu ne kanyinganyinga kakole, kabidi ne dipampakana, ne binsonji bivule. Kadi tshivua musue kunubungamija nansha. Mvua musue kunuleja mundi mununange bikole.

1 Samuele 1:10

Ane uvua mubungame bikole. Pavuaye udila, uvua ulomba Mvidi Mukulu ne: “Maweja-Nangila Mvidi Mukulu wa Izrayele, tangila mundi mu dikenga!