Yobe 6:4 - MUKANDA WA MYIDI MUKULU

⁴ Eyowa, Mvidi Mukulu wa bukole buonsu, mmungase miketa. Lulengu luayi ndumbuele mu lungenyi. Bionsu bidi Mvidi Mukulu mulongolole bua kukuatshisha nabi bantu bowa, bidi binyunguluke biela mualu wa mvita.

Mukanda wa Nzambi Dihungila Dikulukulu ne Dihungila Dihia-dihia 2003

⁴ Bualu bua mikete ya Wa Bukole Buonso idi munda muanyi, muoyo wanyi udi unua lulengu luai; malu adi Nzambi untshinyisha nʼau adi mela mualu wa nvita ku mpala kuanyi.

Yobe 6:4 ပူးပေါင်းရင်းမြစ်များ

Yobe 16:9

Wewe kunduisha, kusumakaja menu ne tshiji, wewe kundondakaja. Wewe muluishi wanyi, udi untangila ne lukinu.

Yobe 19:12

Bashipianganyi bende bonsu badi bunguile muaba umue, bapanda njila bua kufika too ne kundi, bannyungulukila ne mitanda yabu.

Yobe 20:16

Bivuaye mulake, bivua lulengu lua nyoka. Bidi bishipangana bu lulengu lua nyoka wa ntoka, musuma muntu.

Yobe 21:20

Bena malu mabi ke bavua mua kubuela mu dikenga, ke bavua mua kumvua pambidi pabu tshiji tshidi Mvidi Mukulu wa bukole buonsu natshi.

Yobe 30:15

Bowa budi bunkuata nseke yonsu. Buneme buanyi mbupepuka bu buambula kudi lupepele. Diakalenga dianyi ndimane kujimina bu mudi divuba dipita.

Yobe 31:23

Bualu ndi ntshina Mvidi Mukulu udi mua kunyoka. Tshiena mua kuenza bidiye ubenga to.

Yobe 34:6

Nansha meme tshiyi ne bualu, kena ukosa nsambu yanyi pa yoyi to. Udi untapa mputa, ukeba kunshipa anu patupu.”

Yobe 7:20

Nansha meme muena tshibawu, bidi bikutonda bua tshinyi, paudi musue amu kutentekela bantu? Ndi mukuenze bujitu anyi? Udi uludika mikete yebe, bua inkuate amu meme bua tshinyi?

Yobe 9:17

Udi unzaza amu bua bualu bukese. Udi untapa amu kuntapa mputa, kayiyi bualu,

Misambu 143:7

Maweja-Nangila, ungitabe lukasa, ndi mushikile. Kundekedi, tshianana nemfue.

Misambu 18:14

Maweja-Nangila kudidisha makubakuba mu diulu. Mvidi Mukulu Muena kulu kuela diyi.

Misambu 21:12

Padibu bakeba kukuenzela bibi, bakuelela bipangu, kabakukuenzela bualu to.

Misambu 38:2

Maweja-Nangila, kuena mua kumpisha, nansha wewe ne tshiji, kuena mua kunnyoka, nansha wewe mumfikile munda.

Misambu 38:3

Udi mungase mikete yebe, muntuute, munkulule panshi.

Misambu 45:5

Nana buta, enda diakalenga, banda pa kabalu, uye ku mvita. Uluangane bua buakane, usungidile bapele. Bu muudi ne dikanda, neutshimune baluishi.

Misambu 7:13

Padi muluishi kayi udilengeja, udi unona muele wende wa mvita. unana buta buende, uludikila.

Nsumuinu 14:10

Muntu yonsu udi mudimanye nkayende kanyinganyinga ne disanka bidi mu muoyi wende. Muntu mukuabu nansha umue kena mua kubiumvua menemene to.

Nsumuinu 18:14

Padi muntu utekemena ne: nempande, udi upanda. Udi kayi utekemena lupandu, udi mua kufua lukasa.

Yeshaya 28:19

Dinda dionsu, tshipupu netshinukuate, nansha bufuku katshiakunushila muaba. Bantu pumvuabu batshitela, nebafue bowa bunene!

Muadi 2:4

Bu muluishi, kunanaye buta buende. Kushalaye mubunane ne diboku diende dia balume. Kudilejaye mudiye muluishi wetu. Kunyangaye bionsu bivua bitulengelela ku mesu. Kuitshikijaye tshiji tshiende bu kapia pa nzubu wa Mvidi Mukulu wa mu Yerushalayime.

Muadi 3:3

Amu meme nkayanyi, ke udiye ukengesha matuku onsu kayi upungila.

Marke 15:34

Diba dia isatu, Yezu kuela lubila lukole ne: — Eloyi, Eloyi, lama sabaktanyi? (mmomumue ne: “Mvidi Mukulu wanyi, Mvidi Mukulu wanyi, udi mundekele bua tshinyi?”)

2 Korente 5:11

Tudi bamanye mutudi ne bua kutshina Mfumu. Ke patudi tukeba kufikisha bantu ku ditaba. Mvidi Mukulu mmutumanye muetu muonsu mutudi. Ndi ntekemena kabidi ne: nuenu munda muenu nudi bammanye kabidi muanyi muonsu mundi.

Dielulula 32:42

Mikete yanyi neitampakane mashi, muele wanyi neukose munyinyi. Baluishi banyi bonsu nebabutuke, nembakuate; nebatapike mputa.’ ”

Rute 1:20

Kadi Nowemi kubandamuna ne: — Kanumbikidi kabidi ne Nowemi (mmuena diakalenga), kadi numbikile ne: Mara (Kabungama), bualu Mvidi Mukulu wa bukole buonsu mmunkengeshe bikole.