Yobe 40:2 - MUKANDA WA MYIDI MUKULU

² Wewe udi musue kuelangana mpata pa malu adi Mvidi Mukulu wa bukole buonsu mulongolole anyi? Utshidi umuasa tshilumbu anyi? Neupuwe anyi, peshi utshidi ne bua kuandamuna ku bindi ngamba.

Mukanda wa Nzambi Dihungila Dikulukulu ne Dihungila Dihia-dihia 2003

² Muntu udi udiula mei andi neasue kubambakasha mei ne Wa Bukole Buonso, anyi? Muntu udi utetangana mei ne Nzambi, itabe makonka andi.

Yobe 40:2 ပူးပေါင်းရင်းမြစ်များ

Yobe 10:2

Nenkandike Mvidi Mukulu ne: kumfundidi tshibawu to. Kadi ummanyishe tshilumbu tshindi natshi!

Yobe 13:3

Meme ndi musue kuyukila ne Mvidi Mukulu wa bukole buonsu. Ndi musue kudilumbuluila kumpala kuende.

Yobe 23:4

Diba adi mvua mua kumuleja tshilumbu tshianyi patoke, mvua mua kudilumbuluila bua amanye tshindi ngela meji.

Yobe 27:2

Ndi nditshipa mu dina dia Mvidi Mukulu udi ne muoyi, udi kayi musue kukosa nsambu yanyi biakane, mu dina dia Wa bukole buonsu udi unkengesha.

Yobe 3:20

Mvidi Mukulu udi utshishila bena dikenga dituku, bua tshinyi? Bena kanyinganyinga kabena bafue bua tshinyi?

Yobe 3:23

Ndi bu muntu udi mupange kudiye mua kuya, Mvidi Mukulu mmuntshintshimike nseke yonsu, mundamatshishe ku tshimana.

Yobe 30:21

Ukadi unkengesha ne tshikisu. Udi musue kundeja bukole buudi nabu.

Yobe 31:35

Wampetela muntu udi mua kunteleja nnganyi? Ku miaku yanyi imvua muambe, ndi mua kuela tshiala. Mvidi Mukulu wa bukole buonsu angandamune! Mukanda uvua muluishi wanyi mufunde bua kunsonguela,

Yobe 33:13

Tshilumbu tshiudi mumuase ntshilumbu kaayi? Bualu kena musue kuandamuna ku nkonku yebe anyi?

Yobe 38:3

Kadi bidi amu bimpe, juka, uleje muudi kalume ka mukaba, nenkuele lukonku bua ungandamune.

Yobe 40:1

Maweja-Nangila kubikila Yobe kumukonka ne:

Yobe 40:3

Nanku Yobe kuandamuna Maweja-Nangila ne:

Yobe 7:12

Wewe udi untekela bantentekedi bua tshinyi? Ndi mayi manene malabale nansha mushipa wa tshidika anyi?

Yobe 9:3

Nuenu basue kuelangana nende mpata, wewe mumuele nkonku nansha tshinunu, kena mua kuandamuna nansha lumue.

Muambi 6:10

Bionsu bidi bienzeka lelu, mbamane kubijadika kale. Tudi bamanye kabidi muntu muende mudiye: kena mua kuelangana mpata ne udi mumupite makanda to.

Yeshaya 40:14

Bua kupeta meji, Mvidi Mukulu uvua muyukile ne nganyi? Uvua mumulongeshe, mumuleje mua kupita, mumumvuije njila wa kulonda nnganyi mene awu?

Yeshaya 50:8

Bualu Maweja-Nangila udi nanyi. Yeye ke udi mumbingishe. Muntu udi ukimina kumbanda tshilumbu nnganyi? Afike, tuye nende kudi ndumbulula! Amfunde, adileje patoke, meme mumumone!

Yirmeya 50:24

Wewe ditunga dia Babilone, mvua mukulongoluele buteyi! Buteyi kukukuata, kuyi nansha mua kudimuka! Bavua bakasangana mukuata mu buteyi! Bualu uvua unduisha meme Maweja-Nangila,”

Yezekiyele 18:2

— Mmunyi munudi nuela kasumuinu mu ditunga dia Izrayele, nuamba nuambulula ne: Baledi bakadia tumuma tubishi, bana kumvua buanji ku menu.

Matayi 20:11

Kadi, bamane kupeta difutu diabu, kutontololabu bivua muena budimi bua nwinyo muenze,

1 Korente 10:22

Tudi basue kujula Mfumu mukawu anyi? Nudi nuela meji ne: tudi bamupite bukole anyi?

1 Korente 2:16

Ke padi Mukanda wa tshijila wamba ne: “Udi mumanye lungenyi lua Mfumu nnganyi? Udi mua kumupesha lungenyi udiku anyi?” Kadi lungenyi lua Kristu, tuetu tudi nalu.