Yobe 4:3 - MUKANDA WA MYIDI MUKULU

³ Wewe uvua mulongeshe bantu ba bungi, mukoleshe bantu bavua bapungile mu maboku.

Mukanda wa Nzambi Dihungila Dikulukulu ne Dihungila Dihia-dihia 2003

³ Tangila, wewe wakuyisha bantu ba bungi, wakukolesha bianza biakadi bitekete.

Yobe 4:3 ပူးပေါင်းရင်းမြစ်များ

Genese 18:19

Ndi mumusungule bua alongeshe bana bende ne ndelanganyi yende mikenji yanyi, bua babikumbaje bikale bantu bakane. Bobu bakumbaje bionsu ebi, meme Maweja-Nangila nengenzele Abrahame bionsu bindi mumulaye.

Ezela 6:22

Pashishe kuenzabu ne disanka tshibilu tshia mampa kaayi mela buanga matuku muanda mutekete malondangane. Disanka adi bavua badipeta kudi Maweja-Nangila, bualu ke yeye uvua mupeshe mukalenga munene wa bena Ashure muoyi wa kalolu, wa kuenzela bena Izrayele bidibu bajinga. Ke bivua bibakolesha ku muoyi, bua batungunuka ne mudimu wa kuenzulula nzubu wa Mvidi Mukulu wa bena Izrayele.

Yobe 16:5

Mvua mua kunukolesha ku muoyi, kadi anu ne miaku. Mvua mua kunusamba, kadi anu mukana patupu.

Yobe 29:11

Bonsu bavua bangumvua, bavua bangela kalumbandi. Pavuabu bammona, bavua bangangata ne mushinga.

Yobe 29:15

Mvua bu mesu a mpofu, nansha bu makasa a mutebuki.

Yobe 29:16

Meme kushala tatu wa bakengi. Meme kuambuluisha benyi mu ntatu yabu yonsu.

Yobe 29:21

Diba adi, bantu bavua banteleja, bindila. Bavua bapuwa bua meme kuamba tshimvua muele meji.

Yobe 4:4

Wewe uvua wimanyika kulu bavua bakeba kudishinda. Uvua ujula bavua bapungile ne bujitu.

Nsumuinu 10:21

Miaku ya muntu muakane idi iludika bantu ba bungi. Kadi bapote badi bafue bua dibenga kuela meji.

Nsumuinu 15:7

Miaku ya muena meji idi itangalaja dimanya. Kadi batshimbakane badi mu mitu mutupu.

Nsumuinu 16:21

Muntu udi ujingulula malu ne meji udi muena lungenyi. Padiye ulongesha ne miaku idi isankisha bantu, ibatua ku muoyi, nebamuitabe lukasa.

Yeshaya 35:3

Koleshayi mu maboku bantu badi bapungile, kankamikayi binu bidi bitenkakana.

Yeshaya 50:4

Maweja-Nangila Mvidi Mukulu uvua mundongeshe tshindi ne bua kuamba. Ke yeye udi ummanyisha miaku, indi mua kuambuluisha nayi muntu ukadi mupungile. Dinda dionsu, Maweja-Nangila udi umbisha, mpeta kudiye dijinga dikole dia kumuteleja, bu mudi balongi bajinga kuteleja mulongeshi wabu.

Yezekiyele 13:22

Panudi nushima bantu, nudi nutekesha bantu ba nsongu ku muoyi, bantu bamvua tshiyi musue kukengesha. Kadi, nudi nuambuluisha bantu babi bua batungunuke ne malu abu mabi, bafuane kujimija muoyi wabu.

Sefanya 3:16

Dituku nedifike, diambilabu Yerushalayime ne: “Tshimenga tshia Siyone, kutshinyi, kutekeshi muoyi nansha!

Luke 22:32

Kadi meme kukulombela kudi Mvidi Mukulu, bua kulenduki mu njila wa ditaba. Nanku pawapingana kundi, ukankamike bana benu.

Luke 22:43

Ke mutumibue wa Mvidi Mukulu kumumuenekela ufuma mu diulu bua kumukankamika.

Efeze 4:29

Kanuakudi muaku wa nsenda nansha umue. Kadi nuakule anu miaku milenga, idi ikolesha bantu ku muoyi, ilengelela badi banuteleja.

Dielulula 3:28

Ulongeshe Yoshuwa malu onsu. Umukoleshe ku muoyi, ashindike muoyi wa munda. Bualu yeye nealombole bena Izrayele, bua kusabukabu musulu wa Yardene, too ne muafikabu mu ditunga diudi umona edi.”

Kolose 4:6

Miaku yenu ibasankishe, ibalengelele. Numanye mua kuandamuna muntu yonsu bimpe.

Ebrewu 12:12

Nenku bandishayi bianza bienu bidi bipungile, koleshayi mikolu yenu idi mitekete!