Yobe 37:5 - MUKANDA WA MYIDI MUKULU

⁵ Tshiona tshikole tshidi tshikemesha bantu, bualu ntshishima tshidibu kabayi mua kujingulula.

Mukanda wa Nzambi Dihungila Dikulukulu ne Dihungila Dihia-dihia 2003

⁵ Nzambi udi ukunguisha mukungulu ne dî diandi didi dikemesha bantu; udi wenza malu manene atudi katuyi bamanye mua kujingulula.

Yobe 37:5 ပူးပေါင်းရင်းမြစ်များ

Yobe 11:7

Kadi wewe udi mua kumanya malu adi munda mua Mvidi Mukulu anyi?

Yobe 26:14

Ebi bidi amu midimu mikese ya Mvidi Mukulu itudi tutela, bualu ku bionsu bidiye muenze, bitudi bamanye mbikese. Udi mua kujingulula bunene buende nnganyi?

Yobe 36:26

Eyowa, Mvidi Mukulu mmunene. Katuena mua kujingulula bunene buende. Kabena mua kubadika bidimu biende to.

Yobe 37:14

Yobe, bionsu ebi ubiteleje ne ntema. Juka, utangile malu a dikema adi Mvidi Mukulu muenze.

Yobe 37:16

Udi mumanye mudi mavuba malembelele mulu anyi? Amu udi mumanye bionsu, ke udi mua kuenza tshishima tshia nanku.

Yobe 37:2

Telejayi, telejayi, mudi diyi dia Mvidi Mukulu dikungula, mudi makubakuba apatukila mukana muende.

Yobe 37:4

Mukungulu wa mvula udi ulonda mikenya, udi utuma tshiona tshikole, diakamue Mvidi Mukulu udi upenyisha mikenya mikuabu.

Yobe 40:9

Udi ne bukole bundi meme nabu anyi? Diyi diebe ndikole bu dianyi anyi?

Yobe 5:9

Yeye ke udi wenza malu manene, adi muntu kayi mua kujingulula. Udi wenza bishima bungi kabuyi kubala.

Yobe 9:10

Malu adiye muenze mmanene, muntu kena mua kuajingulula. Kena nansha mua kubala bishima biende bungi buabi.

Misambu 18:14

Maweja-Nangila kudidisha makubakuba mu diulu. Mvidi Mukulu Muena kulu kuela diyi.

Misambu 29:3

Mvidi Mukulu wa lumu udi ukungula. Diyi dia Maweja-Nangila didi diumvuika pa mayi. Maweja-Nangila udi uleja pa mayi manene, mudiye ne bumfumu.

Muambi 3:11

Bionsu bidi Mvidi Mukulu muenze bidi bimpe, udi ubikumbaja ne tshikondu tshiabi. Uvua mutupeshe kabidi ne dijinga dia kumanya bia kale ne bitshidi kumpala. Kadi katuena mua kujingulula bionsu bidi Mvidi Mukulu wenza, biangatshile ku ntuadijilu too ne ku ndekelu nansha.

Yeshaya 40:28

Kuena mumanye anyi? Kuena mumvue bamba ne: Maweja-Nangila udi Mvidi Mukulu wa tshiendelele. Uvua mufuke buloba bujima. Katshia kena uteketa, kena upungila. Meji ende kabena mua kuajingulula.

Rome 11:33

Bubanji bua Mvidi Mukulu mbunene be! Meji ende ne dimanya diende mbiondoke! Udi mua kumvuija bidiye wenza nnganyi? Udi mua kujingulula meji adiye nawu, udiku anyi?

Didimanyisha 15:3

Bavua bimba musambu wa Moshe, muntu wa Mvidi Mukulu, kabidi ne musambu wa Muana wa mukoku ne: “Maweja-Nangila Mvidi Mukulu wa bukole buonsu, udi muenze malu manene a dikema! Mukalenga wa bisamba bionsu, malu audi wela meji, ne audi ukumbaja, adi mimpe, aleja muudi muena diyi dimue.