Yobe 32:13 - MUKANDA WA MYIDI MUKULU

¹³ Kadi, kanuambi ne: “Tudi tuela meji ne: anu Mvidi Mukulu udi mua kupisha Yobe, ki ntuetu to.”

Mukanda wa Nzambi Dihungila Dikulukulu ne Dihungila Dihia-dihia 2003

¹³ Nudimuke bua nuenu kanuambi bienu ne, Tuakusangana meji munda muandi; Nzambi udi mua kumutamba bukole, muntu kena mua kuenza nunku.

Yobe 32:13 ပူးပေါင်းရင်းမြစ်များ

Genese 14:23

Tshiena mua kulenga kantu ka ku bianza biebe, nansha buanda, nansha nshinga wa bisabata, bualu udi mua kuamba ne: “Meme ke udi munemeshe Abrame.”

Yobe 1:21

Wamba ne: Panu bavua bandele butaka, nengumuke kabidi panu amu butaka. Maweja-Nangila kumpesha bionsu, amu yeye kubiangata tshiakabidi. Ndi ntumbisha amu kutumbisha Maweja-Nangila.

Yobe 12:2

Bushuwa, amu nuenu nkayenu ke badi ne meji, nuenu bafua, meji adi afua kabidi.

Yobe 19:21

Nudi balunda banyi. Nanku nungumvuile luse. Tshianza tshia Mvidi Mukulu ke tshidi tshintuta nenku.

Yobe 19:6

Kadi numanye ne; Mvidi Mukulu ke udi mungenzele bibi ebi, ke udi munjingile bukondu buende.

Yobe 2:10

Yobe kuandamuna mukajende ne: — Udi wakula bu mukaji udi kayi ne lungenyi to. Patudi tupeta masanka mavule kudi Mvidi Mukulu, tudi tumuanyisha, mutudi mua kumubenga bua makenga adiye ututumina mbishi? Yobe kavua mujane Mvidi Mukulu nansha mu makenga makuabu aa avua mamukuate!

Yobe 31:40

Eyi, padibi nanku, mitshi ya meba ne bisosa bia tshianana, bimene mu madimi anyi, pa muaba wa ntete ya kuenza bukula ya mishindu mishilangane. Ke muvua miaku ya ndekelu ya Yobe nanku.

Yobe 32:12

Mvua munuteleje ne ntema. Kadi muntu nansha umue wa kunudi kena mupishe Yobe to. Kavua muandamune ku nkonku yende to.

Yobe 32:14

Bidi Yobe muambe, kabiena bintangila meme nansha. Binudi nuenu nuamba, kabiena bingambuluisha bua meme kuandamuna Yobe nansha.

Yobe 4:9

Badi benza nanku, badi bakeba tshiji tshia Mvidi Mukulu. Tshidi tshibashipa, tshiya nabu bu mudi lupepele lua mvunde luenza.

Yobe 6:4

Eyowa, Mvidi Mukulu wa bukole buonsu, mmungase miketa. Lulengu luayi ndumbuele mu lungenyi. Bionsu bidi Mvidi Mukulu mulongolole bua kukuatshisha nabi bantu bowa, bidi binyunguluke biela mualu wa mvita.

Yeshaya 48:5

Meme kudianza kukuambila malu aa onsu, kaayi manji kukukuata. Meme kukulejawu, kaayi manji kumueneka. Nanku kuambi ne: “Lupingu luanyi ke ludi luenza bualu ebu. Mvidie wanyi wa mutshi, nansha wa tshiamu tshikunze, ke udi ukumbaja bualu ebu.”

Yeshaya 48:7

Ebu ki mbualu bua kale to. Malu aa neamueneke amu mpindiewu. Kuvua mumvue lumu luawu kumpala kua dituku dia lelu, bua kuambi ne: tukadi bamane kumanya bualu ebu.

Yeshaya 5:21

Bantu bonsu badi baditangila bu bena meji, ne bena lungenyi, mbena diakabi!

Yirmeya 9:23

Pikala muntu musue kuditambisha, aditambishe anu pikalaye mummanye meme Maweja-Nangila, kabidi mumanye ne: meme Maweja-Nangila ndi ne luse, ndi nkosa nsambu pa yoyi, ndi nkumbaja malaya anyi pa buloba bujima. Bantu ba mushindu ewu, ke badi bansankisha.” Ke mudi Maweja-Nangila wamba nanku.

Yezekiyele 28:3

Ndi mvidie. Bu mudi mvidie yonsu, ndi nsomba mu nkuasa wa bukalenga munkatshi mua mayi manene’. Udi uditeka mulongu umue ne mvidie. Kadi udi amu muntu. Kuena mvidie nansha kakese to. Adi wela meji ne: ndi mupite Danele ku meji; ndi mua kumvua malu masokome onsu.

Zekâya 12:7

Maweja-Nangila neadianze kuambuluisha meku a Yuda, bua ndelanganyi ya Davide, ne bena Yerushalayime, kabadimonyi ne: tudi ku mutu kua bena Yuda bakuabu.

Yowanane 19:11

Yezu kumuandamuna ne: — Kuena ne bumfumu nansha bumue pambidi panyi, pa kumusha buvua Mvidi Mukulu mukupeshe. Nanku muntu uvua mmufile kuudi, udi ne tshibawu tshipite tshiebe.

1 Korente 3:18

Muntu kaditshimbishi. Pikala muntu wa kunudi uditangila bu muena meji wa panuapa, adienze mupale, bua apete meji a bushuwa.

Balombodi 7:2

Maweja-Nangila kuambila Ngideyone ne: — Bena mvita bebe mbapite bungi. Tshiena mua kubambuluisha bua batshimune bena Madiyane. Bualu bena Izrayele badi mua kuditambisha ne: tudi batshimune ku bukole buetu. Nanku bena Izrayele badi mua kudiangatshila butumbi budi buanyi.