Yobe 3:19 - MUKANDA WA MYIDI MUKULU

¹⁹ Ku bafue, bantu banene ne bakese badi amu mushindu umue. Mupika kena ne mfumuende to.

Mukanda wa Nzambi Dihungila Dikulukulu ne Dihungila Dihia-dihia 2003

¹⁹ Bahuekele ne baneme badiku, muhika udi ne budishikaminyi kudi mukelenge wandi.

Yobe 3:19 ပူးပေါင်းရင်းမြစ်များ

Yobe 21:26

Kadi bonsu aba badi amu balala munda mua buloba, anu matuku makese, bikusu bikadi bibadia.

Yobe 21:33

Bantu bonsu badi bamushindikija. Bantu ba bungi badi basempela kumpala kua tshitalu tshiende. Nansha buloba mene budi bupepele pambidi pende.

Yobe 3:18

Koku aku, nansha bena lukanu mbapete dikisha. Kabena bumvua kabidi mbila ya badi babalama.

Yobe 3:20

Mvidi Mukulu udi utshishila bena dikenga dituku, bua tshinyi? Bena kanyinganyinga kabena bafue bua tshinyi?

Yobe 30:23

Ndi mumanye ne ukadi untuma ku bafue, muaba udi bonsu batshidi ne muoyi ne bua kusangila.

Misambu 49:2

Bisamba bionsu telejayi! Bonsu badi basombe pa buloba, teyayi matshi!

Muambi 12:5

Wewe neutshine mua kubanda pa kakuna. Newende utetuka, mufuane kudishinda panshi. Nsuki yebe neitoke. Neufuane mutshi udi ne bilongu bitoke. Uvua utupika bu mpasu, mpindiewu ukadi ukalaba panshi. Kuakumvua kabidi nzala, nansha wewe muele ndungu mivule mu biakudia! Dituku dikuabu nebaye kukujika ku nzubu webe wa kashidi. Badidi ba miadi ya madilu benda badila mu misesu, bualu badi bindila diba adi.

Muambi 12:7

Diba adi, mubidi wa muntu neupingane mu buloba muvuawu mufume. Mueyelu wa muoyi neupingane kudi Mvidi Mukulu uvua mumupeshawu.

Muambi 8:8

Muntu nansha umue kena ne mushindu wa kushala ne muoyi panu. Muntu nansha umue kena mua kuseja dituku dia lufu luende panyima. Ke mvita idi muntu nansha umue kayi mua kunyema. Muena tshibawu nebamunyoke kamuyi mpata.

Ebrewu 9:27

Muntu yonsu udi ne bua kufua musangu umue. Kunyima kua lufu, Mvidi Mukulu neamulumbuluishe.