Yobe 27:2 - MUKANDA WA MYIDI MUKULU

² Ndi nditshipa mu dina dia Mvidi Mukulu udi ne muoyi, udi kayi musue kukosa nsambu yanyi biakane, mu dina dia Wa bukole buonsu udi unkengesha.

Mukanda wa Nzambi Dihungila Dikulukulu ne Dihungila Dihia-dihia 2003

² Bu mudi Nzambi ne muoyo, wakunyenga kulumbulula kuakane kundi, ne bu mudi Wa Bukole Buonso, wakunyingalasha mutshima wanyi bikole;

Yobe 27:2 ပူးပေါင်းရင်းမြစ်များ

2 Samuele 2:27

Yowabe kuandamuna ne: — Bu mudi Maweja-Nangila ne muoyi, ndi nkujadikala ne: bu wewe kuyi mulombe bua bantu balekele kuluishangana, butuku ebu bujima bantu banyi bavua anu ne bua kunulondakaja.

1 Bakalenga 17:1

Muambi Eliya uvua mu musoku wa Tishebe, mu ditunga dia Ngilaade. Kuambilaye mukalenga Akabe ne: — Bu mudi Maweja-Nangila ne muoyi, Mvidi Mukulu wa bena Izrayele undi ngenzela mudimu, ndi ngamba ne: “Bidimu bidi kumpala ebi, lumuma kaluena mua kumata kabidi, mvula kena mua kuloka, amu meme mumulombe.”

1 Bakalenga 18:15

Muambi Eliya kuandamuna ne: — Bu mudi Maweja-Nangila ne muoyi, Maweja-Nangila wa bukole buonsu, undi nkuatshila mudimu, ndi nkujadikila ne: lelu netumonangane ne Akabe.

2 Bakalenga 4:27

Kadi, mukaji ufika pabuipi ne muambi Elisha ku mukuna wa Karmele, kudiela panshi, kumukuata ku makasa. Ngeyazi uvua musue kumusakila. Kadi Elisha kumukandika ne: — Mulekela! Udi ne dibungama. Tshiena mumanye kudidi difuma, bualu Mvidi Mukulu kena mungambile.

Yobe 10:3

Paudi unkengesha nenku, udi wipatshila tshinyi? Udi upepeja tshiudi wewe mufuke bua tshinyi? Muudi useka paudi umona meji adi bantu babi bela mbishi?

Yobe 16:11

Mvidi Mukulu mmumfile kudi bansonga bena buenzayi, mmunteke mu bianza bia bantu babi kabayi ne mikenji.

Yobe 19:6

Kadi numanye ne; Mvidi Mukulu ke udi mungenzele bibi ebi, ke udi munjingile bukondu buende.

Yobe 23:16

Bualu Mvidi Mukulu udi muntekeshe mu maboku. Udi unkuatshisha bowa, bualu udi wa bukole buonsu.

Yobe 34:5

Yobe udi wamba ne: “Tshiena ne bualu bubi bundi muenze nansha. Kadi Mvidi Mukulu kena muanyishe malu makane andi ngenza to.

Yobe 35:2

Yobe, paudi wambila Mvidi Mukulu ne: tshiena ne bualu, udi wenza bimpe anyi?

Yobe 40:8

Udi ubenga mundi nkosa nsambu anyi? Udi musue kumpisha bua wewe kubinga anyi?

Yobe 9:17

Udi unzaza amu bua bualu bukese. Udi untapa amu kuntapa mputa, kayiyi bualu,

Yobe 9:18

Kena musue bua meme kueyela, kuikisha katupa. Udi untatshisha, unyingalaja bikole.

Yeshaya 40:27

Wewe Izrayele, tshisamba tshia Yakobe, bua tshinyi udi wamba ne: “Maweja-Nangila kena umona makenga adi ankuata. Mvidi Mukulu kena utangila, badi bankengesha tshianana!”

Yirmeya 12:16

Bena mutumba bavua balongesha bantu bua baditshipe mu dina dia mvidie Baale. Kadi pikalabu balonge mua kuenza malu mimpe, adi bantu banyi ne bua kuenza, pikalabu bamanye mua kuditshipa bamba ne: “Ndi nditshipa mu dina dia Maweja-Nangila udi ne muoyi…”, nembape muaba wabu munkatshi mua bantu banyi.

Yirmeya 4:2

Wewe muikale muntu wa muoyi umue, wa buakane ne wa luse, wewe muditshipe muambe ne: “Ndi nditshipa mu dina dia Maweja-Nangila udi ne muoyi”, nanku bisamba bia bantu bakuabu nebindombe bua meme kubiela lupemba. Nebisanke bualu buanyi meme Maweja-Nangila.

Yirmeya 5:2

Padi bena mu Yerushalayime baditshipa bamba ne: “Tudi tuditshipa mu dina dia Maweja-Nangila udi ne muoyi…”, mitshipu eyi nya dishima.

Yezekiyele 33:11

Nanku, telejayi mudibu banuambila kudi Maweja-Nangila Mvidi Mukulu udi ne muoyi. Tshiena musue bua bantu babi bafue nansha. Ndi njinga amu ne: balengeje nsombelu yabu, bikale ne muoyi. Nanku ndi nnulomba nuenu bena Izrayele ne: kanuenji kabidi bibi to! Nudi basue kufua bua tshinyi?”

Dibadika 14:21

Kadi ndi nditshipa ne: bu mundi ne muoyi, kabidi bu mudi buloba bujima buwule ne butumbi buanyi,

Rute 3:13

Nanku, anji lala tulu. Patshiabu ne dinda, pikalaye muitabe bua kukupiana, mbimpe. Kadi padiye ubenga, meme ndi nkujadikila kumpala kua Maweja-Nangila udi ne muoyi ne: nenkukumbajile malu onsu awu.

1 Samuele 14:39

Bu mudi Maweja-Nangila, Musungidi wa bena Izrayele ne muoyi, ndi nditshipa ne: muntu udi muenze bibi neafue, nansha yeye muananyi wa balume Yonatane. Munkatshi mua bena mvita bonsu, muntu nansha umue kena muandamune to.

1 Samuele 14:45

Kadi bena mvita kuambila Shawule ne: — Yonatane udi mupeteshe bena Izrayele ditshimuna mu mvita eyi minene, neafue bua tshinyi? Kabiena mua kuenzeka to. Bu mudi Maweja-Nangila ne muoyi, katuena tuitabe nansha bua lusuki lua Yonatane lumate panshi to. Bualu bionsu bidiye muenze lelu ebi, mmuenze ne diambuluisha dia Mvidi Mukulu. Nanku, bena mvita kusungidila Yonatane bua kafu to.

1 Samuele 20:21

Pashishe nentume muana muena mudimu wanyi, bua kukeba miketa ayi. Pangambila muena mudimu ne: “Tangila, miketa kayena kule to, pingana uyangule,” neujadike ne: kakuena bualu to. Diba adi udi mua kupingana bualu kakuena njiwu to. Ndi nkujadikila bualu ebu, kumpala kua Maweja-Nangila.

1 Samuele 25:26

Mpindiewu bu mudi Maweja-Nangila ne muoyi, ne bu muudi wewe ne muoyi, Maweja-Nangila nkayende akukandike bua kushipianganyi, bua kudisombuedi wewe mukalenga to. Kadi baluishi bebe, ne bonsu badi bakuenzele bibi, babanyoke mudibu ne bua kunyoka Nabale.

1 Samuele 25:34

Bulelela, bu mudi Maweja-Nangila Mvidi Mukulu wa bena Izrayele ne muoyi, yeye ke udi munkandike bua tshienji bibi to. Nanku, ndi nkujadikila ne: bu wewe kuyi mufike lukasa bua kusambakena nanyi, malaba dinda mvua mbutula bantu bonsu ba mu diku dia Nabale.