Yobe 22:13 - MUKANDA WA MYIDI MUKULU

¹³ Kadi wewe udi amu webeja ne: “Tshidi Mvidi Mukulu mua kumanya ntshinyi? Udi mua kukosa nsambu yetu padi mavuba amusokoka anyi?

Mukanda wa Nzambi Dihungila Dikulukulu ne Dihungila Dihia-dihia 2003

¹³ Kadi wewe udi wamba ne, Nzambi udi mumanye tshinyi? Hadiye utangila mu midima mikole, yeye udi mua kulumbulula bilumbu, anyi?

Yobe 22:13 ပူးပေါင်းရင်းမြစ်များ

Yobe 34:22

Miidima nansha yoyi mikole bishi, kayena mua kusokoka benji ba malu mabi, bua Mvidi Mukulu kabamanyi.

Misambu 10:11

Muntu mubi udi wela meji ne: “Mvidi Mukulu kena bualu ne bindi ngenza. Kena musue kubimanya, kena musue kubimona!”

Misambu 139:11

Meme muambe ne: “Miidima imbuikile, butuku bungidile!”

Misambu 139:7

Nenkusokome muaba kaayi? Muaba kaayi undi mua kukunyema?

Misambu 59:7

Badi bapingana dilolu mu tshisumbu, banyunguluka tshimenga tshijima, bela mikunda bu mbua.

Misambu 64:5

Badi bayasa bantu ba nsongu mu musokoku, kabayi babadimuja, kabayi babanemeka.

Misambu 73:11

Batu bebeja ne: “Tshidi Mvidi Mukulu mumanye ntshinyi? Yeye udi mulu muamua, tuetu panshi!”

Yeshaya 29:15

Bantu badi benza malu mu musokoku, basokoka Maweja-Nangila meji adibu bela, benza malu abu mu miidima, mbena diakabi! Badi bela meji ne: “Watumona nnganyi? Wamanya tshitudi tuenza nnganyi?”

Yirmeya 23:24

Maweja-Nangila udi webeja ne: pikala muntu usokoma, tshiena ne mushindu wa kumumona anyi? Ndi miaba yonsu: mu diulu ne pa buloba. Kanuena bamanye bualu ebu anyi?

Yezekiyele 8:12

Mvidi Mukulu kunkonka ne: — Yezekiyele, udi mumone bimpe bidi bakulu ba bena Izrayele benza mu musokoku, muntu yonsu udi ku muaba udi bimfuanyi bia mvidie wende. Badi basue kudibingisha, bamba ne: “Maweja-Nangila kena mutumone to. Mmumane kumuangala mu ditunga.”

Yezekiyele 9:9

Maweja-Nangila kungambila ne: — Malu mabi adi bantu benza mu bukalenga bua Izrayele nansha bua Yuda mmapite bunene. Bantu aba badi bashipangana mu ditunga dijima. Badi bakengeshangana mu tshimenga tshionsu. Badi bambilangana ne: “Maweja-Nangila ukadi mumuangale mu ditunga, kena mutumone to.”

Amosa 9:2

Nansha bimba tshina, babuela mu kandondu ka bafue, nembakuatemu, mbapatulamu. Nansha babanda mu diulu, nembakulule, mbapuekeshe panshi.

Amosa 9:3

Nansha baye kusokoma pa mukuna wa Karmele, nembasanganemu, mbakuata. Nansha baye kubutama muinshi mua mayi manene bua tshiyi mbamona kabidi, nembatumine nyoka munene wa mu mayi, aye kubasuma muine amu.

Sefanya 1:12

Diba adi nentemeshe muendu, bua kukalula tshimenga tshia Yerushalayime. Nennyoke bantu badi basomba talala, bu mudi maluvu abutama, ashiya binyindanyinda panshi. Badi bamba ne: ‘Maweja-Nangila kena wenza bualu, nansha buimpe nansha bubi!’