Yobe 2:7 - MUKANDA WA MYIDI MUKULU

⁷ Nanku mufundianganyi kumuka muaba uvua Mvidi Mukulu. Kutuaye Yobe disama dibi dia pa dikoba, mubidi wende mujima kunyanguka biangatshile ku dikasa too ne ku mutu.

Mukanda wa Nzambi Dihungila Dikulukulu ne Dihungila Dihia-dihia 2003

⁷ Nunku Satana wakaluhuka ku mpala kua Yehowa, wakasamisha Yobo ne biusha binene hamʼbidi bonso, munda mua makasa tô ne ku lubombo lua mutu wandi.

Yobe 2:7 ပူးပေါင်းရင်းမြစ်များ

2 Samuele 14:25

Mu ditunga dijima dia bena Izrayele, kamuvua muntu mukuabu uvua ukemesha bantu bonsu bua buimpe buende, bu Absalome to. Absalome uvua muimpe biangatshile ku dikasa too ne ku mutu. Kavua ne tshilema nansha tshimue pambidi.

1 Bakalenga 22:22

Mutumibue kuandamuna ne: “Nengenzeje bambi bonsu, bua bambile mukalenga Akabe malu a dishima.” Maweja-Nangila kuandamuna ne: “Ke mushindu muimpe mutambe wa kumushima. Uye kuenza nanku!”

Yobe 1:11

Ndi nkujadikila ne: bu wewe mua kumunyenga bionsu bidiye nabi, neakuele mulawu bantu bonsu bumvue.

Yobe 13:28

Kadi ndi amu bu mutshi mumane kuuma, nansha bu tshilamba tshimana kudia kudi musuasua.

Yobe 2:6

Maweja-Nangila kuambila mufundianganyi ne: — Mbimpe umuenzele tshiudi musue. Kadi kumushipi to.

Yobe 30:30

Dikoba dianyi ndifike fitutuu. Mifuba yanyi idi ipia ne luya lukole.

Yobe 7:5

Bikusu ne biuwuja bidi pambidi panyi ponsu. Mubidi wanyi udi mutapika mputa, ipatuka tufina.

Yeshaya 1:6

Biangatshile ku makasa too ne ku mutu, pambidi penu padi amu mputa, mibundabunda, ne mputa ipatuka tufina. Muntu nansha umue kena muyisukule, kena muyele mafuta, kena nansha muyisuike.

Yeshaya 3:17

Nenku Maweja-Nangila neabakungule mu mutu, neabashiye butaka.

Dielulula 28:27

Maweja-Nangila neanutumine masama mashilangane nuwuaye muenzele bena Ejipitu: mulaka, maputa, mpusu, ne tshikupi tshidi katshiyi mua kujika to.

Dielulula 28:35

Maweja-Nangila neanutumine disama dikole dia biuja. Nebinuenze mu makasa, mu binu, ku bibelu, mu mutu too ne mubidi mujima, kakuyi mushindu wa kudiondapa.

Didimanyisha 16:11

Bavua basendeka Mvidi Mukulu wa mu diulu bua makenga abu, ne bua mputa yabu. Kadi kabavua balekela malu abu mabi.