Yobe 2:3 - MUKANDA WA MYIDI MUKULU

³ Maweja-Nangila kumuebeja ne: — Uvua mumone muntu wanyi Yobe anyi? Pa buloba kapena muntu udi mufuanangane nende nansha. Yeye udi unnemeka, ungitaba. Udi muntu muimpe. Mmubenge malu mabi. Uvua munsake amu bua meme kumukengesha kapayi bualu. Kadi nansha nanku, utshidi amu undamata.

Mukanda wa Nzambi Dihungila Dikulukulu ne Dihungila Dihia-dihia 2003

³ Yehowa wakakonka Satana ne, Wakumona muntu wanyi Yobo, anyi? Kakuena muntu mukuabo bu yeye ha buloba; bu mudiye muntu wa mutshima mutoke ne wa malu makane, udi utshina Nzambi ne udi wehuka ku malu mabi. Yeye utshidi unanukila kulamata ku buakane buandi, kadi wewe wakanshikila bualu buandi bua kumubutula kayi ne bualu,

Yobe 2:3 ပူးပေါင်းရင်းမြစ်များ

Genese 6:9

Ndelanganyi ya Nowa idi nunku: Nowa nkayende munkatshi mua bantu ba tshikondu atshi, uvua muntu muakane, witaba Mvidi Mukulu, udisanga nende mu malu onsu.

2 Samuele 20:20

Yowabe kuandamuna ne: — Kabiena mua kuenzeka to! Meme tshiena ne dijinga dia kunyanga bintu, nansha kunyanga tshimenga to.

Yobe 1:1

Ku kale, mu ditunga dia Usa, muvua muntu dina diende, Yobe. Muntu ewu uvua unemeka Mvidi Mukulu, umuitaba, uvua muntu muimpe, mubenge malu mabi.

Yobe 1:11

Ndi nkujadikila ne: bu wewe mua kumunyenga bionsu bidiye nabi, neakuele mulawu bantu bonsu bumvue.

Yobe 1:6

Kadi dituku dikuabu, batumibue ba Mvidi Mukulu bavua bamanyisha Maweja-Nangila bivuabu bamona. Satane mufundianganyi uvua kabidi munkatshi muabu.

Yobe 1:8

Maweja-Nangila kumuebeja ne: — Uvua mumone muntu wanyi Yobe. Pa buloba kapena muntu nansha umue udi mufuanangane nende to. Yeye ke muntu udi unnemeka, ungitaba. Udi muntu muimpe, mubenge malu mabi.

Yobe 13:15

Nansha Mvidi Mukulu musue kunshipa, anshipe, tshindi mua kutekemena kabidi ntshinyi? Kadi ndi anu musue kudilumbuluila, kumpala kuende.

Yobe 2:2

Nanku Maweja-Nangila kumuebeja ne: — Udi utumina penyi? Mufundianganyi kuandamuna Maweja-Nangila ne: — Ndi mfumina ku diendakana pa buloba.

Yobe 2:4

Mufundianganyi kuandamuna Mvidi Mukulu ne: — Umutete mushindu mukuabu. Tshionsu tshidi muntu natshi, udi utshifila bua kudisungidila.

Yobe 9:17

Udi unzaza amu bua bualu bukese. Udi untapa amu kuntapa mputa, kayiyi bualu,

Yobe 9:20

Nansha meme mubinge, neampishe, nansha meme mulumbulule bishi ne bishi, neamfundile tshibawu, tshiyi ne bualu.

Misambu 26:1

Musambu wa mu mukanda wa misambu ya Davide. Maweja-Nangila, umbingishe, bualu tshiena muenze bualu bubi nansha bumue. Ndi nkutekemena muanyi muonsu.

Misambu 37:37

Jooja muntu udi wenza malu makane, tangila muntu wa nsongu. Neumone ne: muntu wa nenku udi ne diakalenga mu bana bende.

Misambu 41:12

Pikala muluishi wanyi katshiyi udikokola pa tshiadi, nenjadike bushuwa ne: udi munnange!

Nsumuinu 11:8

Muntu muakane udi upanduka ku dipampakana. Muntu mubi udi ubuelamu pa mutu pende.

Nsumuinu 13:6

Muntu wa malu makane, buakane buende budi bumulama. Kadi bantu badi benza bibi, bubi buabu budi bubafila ku kabutu.

Nsumuinu 14:2

Muntu udi wenda mu njila wa buakane, udi utshina Maweja-Nangila. Kadi udi wenda mu njila mikonyangale udi umupepeja.

Nsumuinu 15:8

Maweja-Nangila udi udiwula milambu ya bantu babi. Kadi udi wanyisha bikole dilomba dia bantu ba diyi dimue.

Nsumuinu 16:17

Bantu bakane badi bepuka bubi, bualu muntu udi wakaja nsombelu wende udi ulama muoyi wende.

Yowanane 9:3

Yezu kubandamuna ne: — Bufofu ebu ki mbufumine ku bubi buende nansha ku bubi bua baledi bende to. Kadi udi mpofu bua midimu ya Mvidi Mukulu imuenekele kudiye.

Filipe 3:12

Tshiena mua kudiamba ne: nkadi mupete tshindi ngipatshila; nansha ne: nkadi muakane tshishiki. Kadi ndi ngipatshila anu kuipatshila, ndibamba bua mpete nsala wa kalumbandi, bu mudi Yezu Kristu mumane kumpeta.

Yakobe 1:12

Muntu udi ulama ditaba padibu bamuteta, mmuena diakalenga. Yeye mumane kuleja muoyi mukole, neapete nsala wa kalumbandi. Nsala awu ke muoyi udi Mvidi Mukulu mulaye bonsu badi bamunanga.

1 Petro 1:7

Makenga aa adi mua kujadika bukole bua ditaba dienu. Tshiamu tshia mpawungi tshidi tshintu tshia panu tshidi tshijimina. Kadi badi batshiteta mu kapia. Ke mudibu bateta mu makenga ditaba dienu, didi dipita tshiamu tshia mpawungi ku mushinga, bua kujadika bukole buadi. Nanku dituku diafika Yezu Kristu, nebanuele kalumbandi, nebanutumbishe, nebanupe lumu.

1 Petro 5:10

Mvidi Mukulu mmunubikile bua nudisange nende mu butumbi buende bua kashidi, panudi nudisanga ne Kristu. Nanku nuenu bamane kukenga tshitupa tshikese, Mvidi Mukulu, mpokolu wa dinanga dionsu, neanuenze bantu ba tshijila. Neanushindike, anukoleshe bua kanutenkakanyi.