Yobe 18:18 - MUKANDA WA MYIDI MUKULU

¹⁸ Nebamuipate mu butoke, bua abuele mu miidima. Nebamuipate mu buloba budi bantu base.

Mukanda wa Nzambi Dihungila Dikulukulu ne Dihungila Dihia-dihia 2003

¹⁸ Nebamuihate mu munya bua kuyeye mu mîdima, nebamuihate ha buloba.

Yobe 18:18 ပူးပေါင်းရင်းမြစ်များ

Yobe 10:22

Mu ditunga adi mudi amu miidima ne tshimvundu, nansha munya kabidi mmufuanangane ne butuku.

Yobe 11:14

Owa mayi ku bianza biebe bidi binyanguke ne bubi. Kuitabi bua malu mabi ashale kuudi.

Yobe 18:11

Nseke yonsu, bowa budi bumukuata, budi bumuipata kuonsu kudiye uya.

Yobe 20:26

Bionsu bidiye nabi bidi bibutuka. Kapia kadi muntu kayi mutemeshe, kadi kamosha kamushidisha, yeye ne bende bonsu.

Yobe 20:8

Udi upepuka bu tshilota, ujimina, kabayi mua kumusangana kabidi to, bu mudi malu adi amuenekela muntu butuku.

Yobe 27:21

Lupepele ludi lufuma kudi diba dipatukila ludi lubambula, luya nabu kule, lubumusha ku bukole muaba udibu basombe.

Yobe 27:23

Bantu ba muaba udibu basomba badi babamona, badi batuta bikashi, bela tunkunduluila bua dikenga edi.

Yobe 3:20

Mvidi Mukulu udi utshishila bena dikenga dituku, bua tshinyi? Bena kanyinganyinga kabena bafue bua tshinyi?

Yobe 5:14

Badi benda mu munya, kadi badi batetuka bu badi benda mu miidima. Badi bababata bu mutu bantu benza mu butuku.

Nsumuinu 14:32

Malu mabi adi muntu mubi wenza adi amufila ku kabutu. Kadi muntu muakane udi utekemena kudi Mvidi Mukulu, nansha pakadiye pa kufua.

Yeshaya 22:18

Neakuele kule, mu ditunga dialabale, amu bu mudibu bela ndundu wa dinaya nende. Muaba awu ke uwafuila, neufuilemu, pabuipi ne matempu ebe audi uditemba nawu, bualu udi munyange lumu lua lubanza lua mfumuebe!

Danyele 4:33

“Diba adi, kumpingajilabu meji anyi a buntu. Lumu lua bukalenga buanyi, bunene buanyi, ne bubanji kupinganabi kundi. Meme kubanza tshiakabidi mu bukalenga, kupeta lumu lupite lumvua nalu diambedi.

Danyele 5:21

Bakamuipata munkatshi mua bantu, bamupuekesha milongu ya nyama. Kusombaye ne nyama ya mpunde ya mu tshisuku. Kudiaye bisosa bu ngombe. Mubidi wende kubola ne lumuma, too ne pakamanyaye ne: Mvidi Mukulu, Muena kulu, ke udi mfumu wa makalenga a bantu, ke udi upesha muntu udiye musue bukalenga.

Yuda 1:13

Badi baleja malu abu mabi, bu mudi mavuala a mayi manene atutuka ntutu. Badi bu mitotu ya milanjilanji idi ituka mulu: Mvidi Mukulu mmubalongoluele muaba mu miidima mikole, bua bashalemu kashidi.

1 Samuele 2:9

Maweja-Nangila udi mulame bantu badi bamunemeka. Kadi badi bamubenga nebafue mu midima. Bualu muntu kena mua kutshimuna ku bukole buende nkayende to.