Yobe 17:15 - MUKANDA WA MYIDI MUKULU

¹⁵ Tshindi meme mua kutekemena kabidi ntshinyi? Kudi muntu udi mua kutshindeja anyi?

Mukanda wa Nzambi Dihungila Dikulukulu ne Dihungila Dihia-dihia 2003

¹⁵ ditekemena dianyi didi kudi kunyi? Muntu kai neamone ditekemena dianyi?

Yobe 17:15 ပူးပေါင်းရင်းမြစ်များ

Yobe 13:15

Nansha Mvidi Mukulu musue kunshipa, anshipe, tshindi mua kutekemena kabidi ntshinyi? Kadi ndi anu musue kudilumbuluila, kumpala kuende.

Yobe 19:10

Udi mumbutule nseke yonsu, bu mudibu bashimbula tshimana. Mmumushe ditekemena dimvua nadi, bu mudibu batula mutshi ne miji yawu.

Yobe 6:11

Kadi tshiena ne bukole bua kumvua makenga kabidi. Nenshale ne muoyi bua tshinyi? Tshindi mua kutekemena kabidi ntshinyi?

Yobe 4:6

Bu muuvua mulamate Mvidi Mukulu, udi amu mua kutekemena kudiye. Bu muuvua muleje bantu tshilejilu tshimpe, kutekeshi mu maboku, kupinganyi tshianyima nansha.

Yobe 7:6

Matuku anyi a panu adi aya lubilu bu lua buatu bua mashinyi a mutedi wa bilamba. Adi enda ajika, tshiyi mua kutekemena tshintu.

Yeshaya 38:10

Mvua ngamba ne: ndi mfua, mulale panu amu tshia bibidi tshia matuku anyi. Ndi mbuela mu kandondu ka bafue, nkumbajamu matuku antshivua mua kulala panu.

Muadi 3:18

Meme kuamba ne: tshiena ne ditekemena dikuabu, matuku atshidi kumpala, tshiena mua kuindila tshintu nansha tshimue kudi Maweja-Nangila.

Yobe 14:19

Mayi neapande mabue, mvula mukole neanyange madimi. Ke muudi wewe ujimija ditekemena didi muntu nadi.

Yezekiyele 37:11

Maweja-Nangila kuamba kabidi ne: — Yezekiyele, mifuba eyi idi ituleja mudi bena Izrayele. Bena Izrayele badi bamba ne: “Tudi bu mifuba miume nyonyonyo. Tshitudi mua kutekemena kabidi ntshinyi? Tshitudi mua kuenza kabidi ntshinyi?”