Yobe 16:18 - MUKANDA WA MYIDI MUKULU

¹⁸ Wewe buloba, kubuikidi mashi anyi, bantu bonsu bumvua mbila indi ngela.

Mukanda wa Nzambi Dihungila Dikulukulu ne Dihungila Dihia-dihia 2003

¹⁸ Wewe buloba, kubuikidi mashi anyi, muadi wanyi kausanganyi muaba wa kuhuwilau talalâ!

Yobe 16:18 ပူးပေါင်းရင်းမြစ်များ

Genese 4:11

Mpindiewu udi ne mulawu pa buloba buvua bumatshile mashi a muanenu uuvua mushipe.

Nehemya 4:5

Baluishi betu bavua bela meji ne: tuetu katuena mua kumanya bualu, katuena mua kubamona, too ne pafikabu ne mvita munkatshi muetu, bua kutushipa ne kutulekesha mudimu.

Yobe 16:17

Tshivua muenze bualu bubi nansha bumue, mvua mutendelele amu bimpe, tshiyi ne mpala ibidi to.

Yobe 16:19

Eyowa, mu diulu mudi muntu udi ujadika malu anyi, udi undumbuluila, mutue ku tshianyi.

Yobe 27:9

Padi dikenga dimukuata, yeye mutendelele Mvidi Mukulu, neamuteleje anyi?

Misambu 119:169

Maweja-Nangila, teleja muadi wanyi ne luse, umpeshe lungenyi bu muuvua mulaye.

Yeshaya 1:15

Panudi nuolola bianza bienu kulu bua kuntendelela, ndi mbuikila ku mesu bua tshimonyi. Nansha nuenu nuntendelela misangu ne misangu, tshiena musue kunuteleja to. Bualu bianza bienu bidi ne mashi a bantu tente.

Yeshaya 26:21

Maweja-Nangila udi upatuka mu nzubu muende, bua kunyoka badi pa buloba, bualu bua malu mabi avuabu benze. Bavua bapumune, basokoke mu buloba, mashi a bantu bavua kabayi ne bualu. Kadi buloba kabuena buabuikila kabidi to. Nebuleje patoke bantu bavuabu bashipe.

Yirmeya 22:29

— Eyi, ditunga dianyi, ditunga dianyi! Teleja tshidi Maweja-Nangila wamba!

Yezekiyele 24:7

Mashi avuabu bela panshi atshidi mu tshimenga. Bavua baela pa mabue, kabayi nansha baajibikila ne buloba. Buloba ki mbuanji kunua mashi aa to.