Yobe 15:2 - MUKANDA WA MYIDI MUKULU

² Mudi muena meji bu wewe wakula amu kuakula, wamba bualu kabuyi bumvuika mbishi? Mudiye mua kuandamuna bibi nanku mmunyi?

Mukanda wa Nzambi Dihungila Dikulukulu ne Dihungila Dihia-dihia 2003

² Bidi bimpe bua muena meji itabe ne lungenyi lua hatuhu, anyi? Bidi bimpe bua yeye adiûshe tente ne luhehele lua ku esete, anyi?

Yobe 15:2 ပူးပေါင်းရင်းမြစ်များ

Yobe 13:2

Bionsu binudi bamanye, ndi mubimanye kabidi. Lungenyi lundi nalu kaluena lushadile kudi luenu to.

Yobe 15:1

Pashishe Elifaze wa mu tshimenga tshia Temane, kuambilaye Yobe ne:

Yobe 15:3

Bionsu biudi wamba, kabiena mua kukuambuluisha. Meji audi ufila neakulengelele ku tshinyi?

Yobe 6:26

Nudi nungasa tshilumbu bua miaku imvua muambe, kanuena numona ne nya muntu udi kayi mua kutekemena kabidi tshintu anyi?

Yobe 8:2

Neutuambile malu a nanku too ne ku diba kaayi? Biudi wamba bidi bia tshianana. Udi utantamana amu patupu.

Nsumuinu 16:23

Bantu ba meji badi basunguluja tshia kuamba. Ke mudibu baluisha bantu ne miaku yabu.

Muambi 5:15

Ndiakabi kaayi edi! Udi umuka pa buloba, amu muvuaye mufikepu! Mmuenze mudimu bua kupeta tshinyi? Amu lupepele!

Osheya 12:1

Maweja-Nangila udi wamba ne: Bena Efrayime badi bandinga, banshima nseke yonsu. Bena Yuda kabidi batshidi amu bantombokela, meme Mvidi Mukulu wabu wa tshijila.

Osheya 12:2

Bena Efrayime badi benza malu a tshianana, bu bantu badi bipata lupepele, bakeba kulukuata. Matuku onsu badi bipata lupepele lua luya, bashimangana, bakengeshangana. Badi batua ndondu ne bena Ashure, bafila mafuta abu mimpe kudi bena Ejipitu.

Yakobe 3:13

Munkatshi muenu mudi muntu wa meji ne wa lungenyi anyi? Abileje ku malu mimpe adiye wenza, ku butalale bua malu, ne ku meji adiye ufila.