Yobe 15:11 - MUKANDA WA MYIDI MUKULU

¹¹ Mvidi Mukulu udi ukusamba ne miaku ya mukana muetu, muudi uyilengulula mmunyi?

Mukanda wa Nzambi Dihungila Dikulukulu ne Dihungila Dihia-dihia 2003

¹¹ Busambi bua Nzambi budi buta mba bukese kûdi, anyi? Dî dituakuakulangana nʼebe dia luse didi bualu bukese kûdi, anyi?

Yobe 15:11 ပူးပေါင်းရင်းမြစ်များ

1 Bakalenga 22:24

Diakamue, Sedekiya, muana wa Kenaane, kusemena kudi muambi Mika, kumutapa dipi ku ditama, wamba ne: — Mmunyi muudi mua kujadika ne: mueyelu wa Maweja-Nangila mmupatuke munda muanyi bua kubuela munda muebe, kukuakuisha anu wewe?

Yobe 13:2

Bionsu binudi bamanye, ndi mubimanye kabidi. Lungenyi lundi nalu kaluena lushadile kudi luenu to.

Yobe 15:8

Pavua Mvidi Mukulu mu tshipangu wela meji, uvua mumuteleje anyi? Ku bantu, anu wewe nkayebe ke udi wela meji anyi?

Yobe 23:12

Tshivua mubenge kukumbaja bivuaye muntumine diyi, meme kuenza bivuaye mujinge, bivuaye mumfundile bua kuenza.

Yobe 36:15

Kadi Mvidi Mukulu udi uteleja bakengi mu dikenga didibu bumvua. Udi ubabela mu ntatu idibu nayi.

Yobe 36:16

Kale, Mvidi Mukulu uvua mukumushe mu dikenga, mukupeshe disanka dinene. Pa mesa ebe pavua biakudia bisheme.

Yobe 6:10

Diba adi nansha meme muikale ne makenga makole, nentupike nsanka, nenkoleshe muoyi, bualu tshiena mubenge mikenji ya Mvidi Mukulu wa tshijila.

Misambu 77:3

Ndi nkeba Maweja-Nangila pandi mu dikenga, ndi mmuoluela bianza butuku bujima, tshiyi mpungila ndi mbenga bua muntu kansambi.

2 Korente 7:6

Kadi Mvidi Mukulu udi usamba badi batekete mu maboku, kutukolesha ku muoyi diba divua Tite mufike.