Yobe 11:20 - MUKANDA WA MYIDI MUKULU

²⁰ Kadi, bena malu mabi badi bakeba bantu badi mua kubambuluisha, kabena mua kubapeta to. Bobu badi mua kutekemena amu lufu.

Mukanda wa Nzambi Dihungila Dikulukulu ne Dihungila Dihia-dihia 2003

²⁰ Kadi mesu a bantu babi nealue bitayitayi; tshinyemenu tshiabo netshijimme ku mpala kuabo, ne ditekemena diabo nedikale anu kuhuola kua muoyo.

Yobe 11:20 ပူးပေါင်းရင်းမြစ်များ

Yobe 12:1

Pashishe Yobe kuamba ne:

Yobe 17:5

Badi bu muntu udibu bela mu lusumuinu ne: “Kuvua muntu mubikile balunda bende bua kudia nabu biakudia, kadi bana bende balala ne nzala.”

Yobe 18:14

Nebalue kumumusha mu nzubu muende muvuaye musombe talalaa, bua kumufikisha kudi mukalenga wa dijimba dia bafue.

Yobe 27:22

Mvidi Mukulu kena ubumvuila luse, udi ukeba kubasa mikete yende. Badi mua kuepuka mikete yende anu padibu banyema lubilu.

Yobe 27:8

Muntu udi kayi muitabe Mvidi Mukulu, padi Mvidi Mukulu umunyenga Mueyelu wende, udi ushala ne tshinyi?

Yobe 3:21

Badi bindila lufu, kadi kabena balumona. Badi balujinga mudibu bajinga biuma.

Yobe 3:22

Bavua mua kuikala basanka bikole bu bobu mua kuya ku bafue!

Yobe 31:16

Mvua mubenge kuambuluisha bapele anyi? Mvua mushiye bakaji bakamba mu dikenga anyi?

Yobe 34:22

Miidima nansha yoyi mikole bishi, kayena mua kusokoka benji ba malu mabi, bua Mvidi Mukulu kabamanyi.

Yobe 6:9

Mbimpe Mvidi Mukulu anzaze, alekele kundama, ambutule.

Misambu 142:4

Pandi nteketa mu maboku, wewe udi mumanye kundi nya. Bantu mbateya mu njila undi nyila.

Misambu 69:3

Ndi mudine mu lunteka ludi kaluyi ne muaba wa kuimana. Ndi munkatshi mua dilembua, mayi ampuekesha.

Nsumuinu 10:24

Tshidi bantu babi batshina tshidi tshibatulukila. Tshidi bantu bakane bajinga badi batshipeta.

Nsumuinu 10:28

Tshidi bantu bakane mua kutekemena ke disanka, bantu babi kabena mua kutekemena tshintu nansha tshimue.

Nsumuinu 20:20

Padi muntu utshipa tatuende nansha mamuende, neamone matuku ende a panu akoseka bu mudi muendu ujima mu miidima.

Yirmeya 25:35

Bualu balombodi kabakuikala ne mushindu wa kunyema. Balami ba bantu kabakuikala ne mushindu wa kuya kusokoma!

Muadi 4:17

Tuvua tukengakana ne mesu, tukeba diambuluisha. Kadi, tuetu nansha kudipeta. Tuetu kuindila ne muoyi mujima tshisamba tshivua mua kutusungidila. Kadi nanshatshi kufika.

Lewitiki 26:16

nenku nennunyoke mushindu ewu: “Nennukuatshishe bowa, nunyane, nupete disama dia mubidi luya. Makenga aa neanupangishe mua kumona bimpe. Nenushale ne muoyi matuku makese. Nenukune biakudia mu madimi enu, kadi nebabidie amu kudi baluishi benu.

Amosa 2:14

Nansha muntu ne lubilu lukole, muaba wa kunyemena, kakuufika. Nansha tshilobu mene katshiakupeta bukole. Bena mvita ba bukitu kabakudisungidila ku lufu.

Dielulula 28:65

Munkatshi mua bisamba bia bende abi, kanuakuikala ne dikisha to. Kanuakuikala ne muaba wa kusomba to. Nanku Maweja-Nangila neanukengeshe bikole. Nenuikale ne kanyinganyinga mu mioyi yenu. Mesu enu kaakumona bimpe to. Nenuikale ne bowa, nuteketa mu maboku.

Ebrewu 2:3

Nanku, patualengulula lupandu bunene nenku, mutuapanduka dinyoka mmunyi? Maweja-Nangila nkayende uvua mudianze kutumanyisha lupandu elu. Pashishe bavua bumvue mudi lupandu elu kutujadikilabu bunene bualu.