Yobe 10:1 - MUKANDA WA MYIDI MUKULU

¹ Bia panu bidi bindukisha, tshiena ndekela kutua mikemu, tshiena mua kupuwa to, bualu ndi nyingalala bikole.

Mukanda wa Nzambi Dihungila Dikulukulu ne Dihungila Dihia-dihia 2003

¹ Mutshima wanyi wakutondeshibua bua muoyo wanyi; nengambe meji adi annyingalasha hatoke tô, nengambe dî mu kanyinganyinga ka mutshima wanyi.

Yobe 10:1 ပူးပေါင်းရင်းမြစ်များ

1 Bakalenga 19:4

Pashishe, kuendaye mu tshipela dituku dijima. Kuyaye kusomba muinshi mua mutshi wa ngenete, ujinga mua kufua, wamba ne: — Maweja-Nangila, mpindiewu biantondi! Unshipe, bualu meme tshiena mupite bankambua banyi to.

Yobe 14:13

Mvidi Mukulu wanyi, bu wewe mua kunsokoka, kundama mu dijimba dia bafue too ne muajika tshiji tshiebe! Nenshalemu too ne ku dituku diudi musue kumvuluka tshiakabidi!

Yobe 19:4

Kadi nansha meme mutupakane bulelela, tshilumbu tshidi tshinkuata anu meme!

Yobe 5:20

Mu tshikondu tshia tshiyole tshia nzala, Mvidi Mukulu neakuepule ku lufu. Mu mvita mikole, neakulame bua kabakushipi!

Yobe 6:26

Nudi nungasa tshilumbu bua miaku imvua muambe, kanuena numona ne nya muntu udi kayi mua kutekemena kabidi tshintu anyi?

Yobe 7:11

Ke pandi tshiyi mua kupuwa kashidi to. Bu mundi ne kanyinganyinga kakole mu muoyi wanyi, ndi amu ne bua kuakula. Dibungama dianyi ndipite, ndi amu ne bua kuamba bidi bintonda.

Yobe 7:16

Bionsu bia panu mbimane kuntonda. Tshiena musue kupashala. Undekele matuku anyi kaena ne bua nsongu panu.

Yobe 9:21

Bushuwa, tshiena muenze bualu bubi to. Kadi nansha meme mufue, bidi amu bimpe. Ya panu ikadi mintonde, bionsu bidi amu mushindu umue.

Yeshaya 38:15

Kadi tshingambila Maweja-Nangila ntshinyi? Udi muenze bionsu ebi ki nYeye anyi? Ndi ngendakana panu, mpitshisha matuku, amu ne kanyinganyinga kakole munda.

Yeshaya 38:17

Eyowa, kanyinganyinga nkandamuke diakalenga. Udi munnange bushiwa, mungumushile lufu. Wewe kuangata bilema bianyi bionsu, kubiela panyima kule kutambe.

Yona 4:3

Maweja-Nangila, mpindiewu ndi nkusengelela ne: ungumushe panu. Bualu mbimpe meme kufua pamutu pa kushala ne muoyi.

Yona 4:8

Diba dimane kubanda, Mvidi Mukulu kutuma lupepele lua luya, lufumine ku luseke ludi diba dipatukila. Kupulalu mutshi awu. Munya mukole kuosha Yona mu mutu. Kusuaye kufua tshipuka. Nanku Yona kujinga lufu, wamba ne: “Mbimpe meme kufua pa mutu pa kushala ne muoyi.”

Dibadika 11:15

Paudi musue kunkengesha nanku, mbimpe unshipe. Ke muudi mua kumfuila luse, tshiyi mmona kabidi dikenga dindi nadi edi to!