Yobe 1:8 - MUKANDA WA MYIDI MUKULU

⁸ Maweja-Nangila kumuebeja ne: — Uvua mumone muntu wanyi Yobe. Pa buloba kapena muntu nansha umue udi mufuanangane nende to. Yeye ke muntu udi unnemeka, ungitaba. Udi muntu muimpe, mubenge malu mabi.

Mukanda wa Nzambi Dihungila Dikulukulu ne Dihungila Dihia-dihia 2003

⁸ Yehowa wakakonka Satana ne, Wakumona muntu wanyi Yobo, anyi? Kakuena muntu mukuabo bu yeye ha buloba; bu mudiye muntu wa mutshima mutoke ne wa malu makane, udi utshina Nzambi ne udi wehuka ku malu mabi.

Yobe 1:8 ပူးပေါင်းရင်းမြစ်များ

2 Bakalenga 23:25

Mu tshikosu, Yoshiya kayi muanji kubuela mu bukalenga, kakuvua mukalenga mukuabu bu muvua Yoshiya to, uvua muitabe Maweja-Nangila muende muonsu, ne muoyi mujima, kabidi ne bukole buende bonsu, anu bu muvua mikenji ya Moshe miambe. Kabidi Yoshiya mumane kufua, kakuvua mukalenga mukuabu bu yeye to.

Nehemya 5:15

Kadi bamfumu bavua balombodi kumpala kuanyi, bavua batatshisha bantu, balomba biakudia ku bukole, maluvua mvinyo, ne nkanu mitoke ya mushinga mukole mipite pa makumi anayi. Nansha bambuluishi ba balombodi ba buloba, bavua anu batatshisha bantu. Kadi meme kubenga kashidi bua kuenza nanku, bualu mvua ntshina Mvidi Mukulu.

Yobe 1:1

Ku kale, mu ditunga dia Usa, muvua muntu dina diende, Yobe. Muntu ewu uvua unemeka Mvidi Mukulu, umuitaba, uvua muntu muimpe, mubenge malu mabi.

Yobe 12:4

Pandi ndomba kudi Mvidi Mukulu bua angandamune, tshidi tshingenzekela ntshinyi? Nkadi bu muntu udibu balembakaja kudi balunda bende, udibu bapetula, nansha meme tshiyi ne tshilumbu, tshiyi muenze bibi.

Yobe 2:1

Dituku dikuabu, batumibue ba Mvidi Mukulu bavua bamanyisha Maweja-Nangila bivuabu bamona. Mufundianganyi kufika munkatshi muabu, umanyisha kabidi biende bivuaye mumone.

Yobe 2:3

Maweja-Nangila kumuebeja ne: — Uvua mumone muntu wanyi Yobe anyi? Pa buloba kapena muntu udi mufuanangane nende nansha. Yeye udi unnemeka, ungitaba. Udi muntu muimpe. Mmubenge malu mabi. Uvua munsake amu bua meme kumukengesha kapayi bualu. Kadi nansha nanku, utshidi amu undamata.

Yobe 34:14

Bu Mvidi Mukulu mudivuluke amu yeye, utunyenga mueyelu wende wa muoyi,

Yobe 8:20

Mvidi Mukulu kena mua kubenga muntu udi kayi ne bualu to. Kadi kena mua kuambuluisha muntu mubi nansha.

Misambu 18:23

Ndi ndonda njila udiye undeja, tshiyi mbenga tshidiye mufunde.

Misambu 34:14

alekele kujanangana, alekele kushimangana,

Misambu 36:1

Musambu wa mu mukanda wamisambu ya muntu wa Mvidi Mukulu Davide, wa mu mukanda wa mulombodi wa misambu.

Misambu 37:27

Paudi ubenga bubi, wenza biakane, neushale kashidi mu ditunga.

Misambu 84:11

Bualu kusomba dituku dimue mu lubanza lua nzubu webe wa kutendelela, nkupite kusomba matuku tshinunu munga muaba. Mvidi Mukulu wanyi, kuimana kumbelu kua nzubu webe, nkupite kusomba mu ntenta ya bantu babi.

Misambu 89:20

Dituku dikuabu uvua muleje bualu, wewe kuakula, wambila bantu bebe badi bakulamata ne: “Ndi muambuluishe muntu wa bukitu, ndi musungule nsongalume wa bantu bonsu.

Nsumuinu 8:13

Kutshina Maweja-Nangila ke kudiwula bubi. Meme ndi ndiwula ditambisha ne budiambi, ngenzelu mibi, ne miaku ya dishima.

Yeshaya 1:16

Dilongololayi, nudikobolole, nubenge buenzayi, tshibumvu kabidi nansha. Kanuenji kabidi bibi to.

Yeshaya 42:1

Maweja-Nangila udi wamba ne: Tangila muntu wanyi. Ndi mumukoleshe. Ndi mumunange, mumusungule. Ndi mumuwuje ne Mueyelu wanyi, bua kumanyishaye bukua bisamba bilenga bindi mulongoluele bantu.

Yezekiyele 40:4

Kungambilaye ne: — Yezekiyele, tabala, uditelejile ne matshi ebe. Wikale ne ntema ku bionsu bindi nkuleja. Bualu bavua bakufila kuneku bua wewe kumona bionsu bindi nkuleja. Pashishe newambile bena Izrayele malu onsu audi mumone.

Dibadika 12:3

Kadi Moshe uvua muntu wa muoyi mupuekele, mupite bantu bonsu ba pa buloba ku lutulu.

Yowanane 1:47

Yezu umona Natanayele ufika kudiye, kuambaye ne: — Ke muena Izrayele mulelela udi kayi ne dishima nansha dikese munda muende.

Yoshua 1:2

— Moshe, muntu wanyi, mmumane kufua. Mpindiewu, wewe udi ne bua kusabuka musulu wa Yardene, pamue ne bena Izrayele bonsu, bua ubafikishe mu ditunga dindi mubapeshe.

Yoshua 1:7

Wewe kolesha muoyi, kutshinyi to. Kumbaja bimpe mikenji yanyi yonsu ivua Moshe muntu wanyi mukuambile. Kulenguludi mukenji nansha umue. Nanku wewe muyikumbaje yonsu, neupete dikasa dimpe mu bionsu biudi wenza.