Yobe 1:20 - MUKANDA WA MYIDI MUKULU

²⁰ Ke Yobe kujuka, kupanda tshinkutu tshiende, kubeya nsuki, kudishinda mutue mpala panshi.

Mukanda wa Nzambi Dihungila Dikulukulu ne Dihungila Dihia-dihia 2003

²⁰ Hashishe, Yobo wakajuka, wakahanda muzabi wandi, wakabeya nsuki ya ku mutu, wakatua mpala wandi hanshi, wakatendelela Nzambi.

Yobe 1:20 ပူးပေါင်းရင်းမြစ်များ

Genese 37:29

Rubene uya kutangila mu tshiina, kena musangane Yozefe to. Kupampakanaye bikole, kupanda bilamba biende.

Genese 37:34

Yakobe kudipanda bilamba, kuvuala bilamba bikayabale, kuenza madilu a muanende matuku mavule.

2 Bakalenga 2:12

Elisha umona nanku, kuelaye lubila ne: — Tatu wanyi! Tatu wanyi! Wewe udi mupite matempu a mvita onsu ne babandi ba pa tubalu bonsu ba bena Izrayele. Pavua Elisha kayi mumone kabidi Eliya, kupandaye bilamba biende bipese bibidi.

2 Kulondolola 7:3

Bena Izrayele bonsu bavua muaba awu, kumonabu kapia kafumina mu diulu, butumbi bua Maweja-Nangila bukenka mu nzubu wa Mvidi Mukulu. Diakamue, kutuabu binu panshi, kuinyika mitu panshi bua kutendelela Maweja-Nangila, kumutumbisha bua bulenga buende ne bua dinanga diende didi kadiyi dijika.

Ezela 9:3

Pangumvu miaku ayi, meme kupanda tshinkutu tshianyi ne bilamba bianyi. Meme kuditula nsuki ne miedi. Meme kusomba mubungame bikole.

Yobe 1:19

Lupepele lukole lua mvunde lufumina mu tshipela, ndushimbule bimana binayi bia nzubu, nzubu mmubupukila, bana bebe kufua. Mu nzubu amu meme ke udi mupande bua kuvua kukuambila.”

Yobe 2:12

Pavuabu bamutangidile pa bule, kabavua mua kumumanya kabidi to. Nanku, kudilabu, kupandabu binkutu biabu, kuelabu lupuishi mulu bua lubayile mu mutu.

Ekesode 4:31

Bantu bamona nanku, kuitababu. Kujadikabu ne: Maweja-Nangila wamonyi makenga etu, watusambi. Kutuabu binu panshi bua kumutendelela.

Yirmeya 7:29

Maweja-Nangila kuamba ne: Nuenu bena Yuda, beyayi nsuki yenu mile, idi ileja munudi bantu ba tshijila, nuyimanshe. Asayi miadi pa mikuna idi kayiyi ne tshintu. Bualu nuenu bena tshikondu etshi, nudi bamfikishe munda. Ndi munubenge. Tshiena nenu kabidi ne bualu to.

Yowele 2:13

Pandayi mioyi yenu, kanupandi bilamba.” Eyowa, nupingane kudi Maweja-Nangila Mvidi Mukulu wenu. Udi ununanga, unufuila luse, udi ne lutulu lua bungi, udi wenzela bantu bimpe kayi upungila, ujinga amu kulengulula bivuaye ukanyina nabi bantu.

Matayi 26:39

Yezu kupengama katantshi, kudiela mpala panshi, utendelela, wamba ne: — Tatu wanyi, pikalabi mua kuenzeka, ungumushile dikopu edi dia dikenga. Kadi bienzeke muudi musue wewe, kabienzeki mundi musue meme.

Dielulula 9:18

Pashishe meme kudiela panshi kumpala kua Maweja-Nangila. Meme kushala muaba awu matuku makuabu makumi anayi a munya ne butuku, tshiyi mua kudia nansha kunua. Mvua muenze bionsu abi, anu bua bubi bu-nuvua benze. Nuenu kuenza bidi Maweja-Nangila ubenga, kumufikisha munda.

Yoshua 7:6

Yoshuwa ne bakulu ba bena Izrayele, kudipanda bilamba. Kudielabu malaba mu mitu, badiela mpala panshi kumpala kua mushete wa tshijila wa Maweja-Nangila too ne ku dilolu.

1 Petro 5:6

Nanku nudipuekeshe mu tshianza tshia bukole tshia Mvidi Mukulu, bua anubandishe tshikondu tshidiye musue.