Yirmeya 9:2 - MUKANDA WA MYIDI MUKULU

² Maweja-Nangila udi wamba ne: “Ndimi ya bantu aba idi anu minana bu buta, miaku yabu ke mikete ya kudinga nayi bantu. Badi ne bukole mu ditunga edi, ki mbua malu malelela adibu bamba to, kadi anu bua dishima didibu bashima bantu. Badi benza malu mabi misangu ne misangu. Kadi kabena bammanye meme to.

Mukanda wa Nzambi Dihungila Dikulukulu ne Dihungila Dihia-dihia 2003

² Nakadi kusua kuikala ne muaba wa tshilala benyi mu tshihela wa bena ngendu bua meme mmanye mua kushiya bana betu ne kumuka kudibo! Bualu bua buonso buabo badi bendi ba masandi ne tshisumbu tshia batungidianganyi.

Yirmeya 9:2 ပူးပေါင်းရင်းမြစ်များ

Yeshaya 59:3

Bualu bianza bienu bidi ne mashi. Minu yenu idi minyanguke ne malu mabi. Nudi nuakula amu bua kujana bantu, bua kushiminyinangana malu.

Yirmeya 12:1

Maweja-Nangila wewe udi amu mubinge, tshiena mua kukuasa tshilumbu. Kadi ndi musue anu kukuela lukonku pa malu audi wenza. Mudi bantu badi kabayi balonda mikenji yebe bapeta dikasa dimpe mmunyi? Badi bakutombokela badi basomba talalaa bua tshinyi?

Yirmeya 12:6

Bualu nansha bantu bena diku diebe, nansha bana benu mene mbakuyile tshitungu. Badi bakunguja bantu ba kukuluisha, wewe kuyi mumanye. Wadimuke padibu bakuambila miaku ya lubombu!

Yirmeya 13:22

Nanku neukonke ne: “Makenga onsu aa adi ankuata bua tshinyi?” Bu muudi wenza tshilema tshinene, nebakuvule bilamba, babibandishe too ne ku mutu, nebakuenzeje malu ku bukole.

Yirmeya 23:10

“Ditunga ndiuwule tente ne bantu bena tshiendenda. Badi benza bibi ne disanka dionsu. Badi ne muoyi mukole anu bua kuenza malu mabi. Ke padi buloba mu madilu. Ke padi bisosa bionsu bia kudisha nabi nyama biume mu ditunga.

Yirmeya 4:22

Maweja-Nangila udi wamba ne: “Bantu banyi bena Izrayele kabena ne lungenyi to, kabena bammanye. Mbana badi kabayi ne meji. Mbamanye amu mua kuenza malu mabi. Kadi, kabena bamanye mua kuenza malu mimpe to.”

Yirmeya 5:1

Endakanayi misesu yonsu mu Yerushalayime. Nutangile bimpe, nukebulule. Nutangile mu bisalu bionsu. Nuenu bapete muntu nansha umue udi wenza malu mempe, udi musue kuikala muntu muakane, nuenu basangane muntu wa nanku, meme Maweja-Nangila nemfuile Yerushalayime luse.

Yirmeya 5:11

Maweja-Nangila udi wamba ne: Bulelela, bena mu bukalenga bua Yuda, ne bena mu bukalenga bua Izrayele, bonsu mbantombokele!

Yirmeya 5:2

Padi bena mu Yerushalayime baditshipa bamba ne: “Tudi tuditshipa mu dina dia Maweja-Nangila udi ne muoyi…”, mitshipu eyi nya dishima.

Osheya 4:2

Kadi, nudi nutshipa mukuenu, numudinga, numushipa, numuiba, nuenda tshiendenda. Ditunga dionsu ndinyanguke ne dishipangana.

Osheya 5:7

mBabenge Maweja-Nangila, mbalele bana ba mu tshiendenda. Mpindiewu, kakuakukumbana nansha ngondu umue to: nembabutule, ne bionsu bidibu nabi.

Osheya 6:7

Kadi, nuenu bena Izrayele, panuvua mu tshimenga tshia Adame, nuvua bambenge, banyangakaje ndondu utuvua batue nenu.

Osheya 7:4

Bonsu badi bena tshiendenda. mBafuanangane ne tshioshilu tshia mampa, tshidi tshitema kapia kakole. Muoshi wa mampa kena mua kukasonsola, katshia usopa mampa too ne muabandawu.

Mika 6:12

Babanji badi mu tshimenga etshi, badi bakengesha bantu bakuabu. Bonsu badi basomba mu tshimenga etshi, badi bashima, badingangana.

Sefanya 3:4

Bambi babu badi baditemba, banyanga mudimu wabu. Batuangaji babu kabena banemeka bintu bia tshijila; badi banaya ne mikenji ya Mvidi Mukulu.

Malaki 2:11

Bena Yuda mbupule ndondu uvuabu batue. Mbenzele malu mabi mu Yerushalayime, ne mu ditunga dijima dia Izrayele. Bualu mbapetule muaba wa tshijila, udi Maweja-Nangila munange. Mbasele bakaji badi batendelela nwidie ya bisamba bikuabu.

Malaki 2:14

Nudi nukonka ne: katshiena ubianyisha bua tshinyi? Bualu nuvua balaye ku mesu kua Maweja-Nangila ne: nendamate mukaji undi musele ku buana buanyi. Yeye ke muena kuanyi undi musungule. Kadi nuenu kumubenga.

Yakobe 4:4

Nuenu nudi bantu badi babenga Mvidi Mukulu! Kanuena bamanye ne: kunanga bia panu nkubenga Mvidi Mukulu anyi? Udi unanga bia panu, udi musue kudienza muluishi wa Mvidi Mukulu.

Balombodi 2:10

Pashishe bantu bonsu ba tshikondu tshia Yoshuwa kufua. Ndelanganyi yonsu ivua ilonda, kayivua mimanye Maweja-Nangila bimpe, kabidi kayivua mimanye bionsu bivuaye muenzele bena Izrayele.