Yirmeya 8:2 - MUKANDA WA MYIDI MUKULU

² Nebatangalaje miluba panshi kumpala kua Diba, kua Ngondu ne kumpala kua Tshiluilu tshia mitotu. Bintu ebi ke mvidie ivua bantu aba banange, ke ivuabu batendelela, ke ivuabu balamate, ke ivuabu bakonka malu, bakukuila. Kabena bangula mifuba eyi bua kuyijika to. Neyishale anu panshi bu bufuke bua kufikisha buloba.

Mukanda wa Nzambi Dihungila Dikulukulu ne Dihungila Dihia-dihia 2003

² Nebashale ku mpala kua diba ne kua ngondo ne kua bintu bionso bia mu diulu, bintu biakanangabo ne biakakuatshilabo mudimu, ne biakalondabo ku nyima kuabi, ne biakatempabo nʼabi ne biakatendelelabo; kayena isangishibua kabidi, kabena bayijika kabidi, kadi nebayishiye hanshi ha buloba bu tunvi.

Yirmeya 8:2 ပူးပေါင်းရင်းမြစ်များ

2 Bakalenga 17:16

Bavua balengulula meyi onsu a Maweja-Nangila Mvidi Mukulu wabu. Bavua badienzela mpingu ibidi ya tuana tua ngombe tua tshiamu tshiengulula, badienzela kabidi makunji a kutendelela. Bavua batendelela bintu bionsu bidi mu tshibuashibuashi, benzela mvidie Baale mudimu.

2 Bakalenga 21:3

Kulongololaye ne miaba ya kutendelela mvidie ivuabu banyangakaje kudi tatuende Izkiya. Kuibakaye mvidie Baale bilambuilu. Kuenzaye dikunji dia kutendelela, bu muvuabu benza kale kudi Akabe, mukalenga wa bena Izrayele. Kabidi kutendelelaye bintu bia mu tshibuashibuashi.

2 Bakalenga 21:5

Pashishe, bintu bia mu tshibuashibuashi, Menashe kubashila bilambuilu mu mbanza ibidi ya ku nzubu wa Mvidi Mukulu.

2 Bakalenga 23:5

Yoshiya kuipata batuangaji bavua batendelela mvidie, bavua bakalenga ba bena Yuda basungula bua kulambula milambu miaba ya kutendelela mvidie ivua mu bimenga bia bena Yuda, ne ivua pabuipi ne Yerushalayime. Yoshiya uvua muipate batuangaji aba, bualu bavua balambula milambu kudi mvidie Baale, mvidie Diba, mvidie Ngondu, kudi mitotu, ne kudi bintu bikuabu bionsu bidi mu tshibuashibuashi.

Misambu 53:5

Mvidi Mukulu udi wamba ne: “Bonsu badi bakengeshangana aba, kabena bumvue bualu nansha bumue. Badi badia bantu banyi bu mampa, babenga kuntendelela.”

Misambu 83:10

Eyi, Mvidi Mukulu, enzela bantu aba bu muuvua muenzele Sisra ne Yabine, ku musulu wa muenji mukole wa Kishone. Nansha bu muuvua muenzele bena Madiyane,

Misambu 83:11

bavua babashipe ku mpokolu wa Arode. Kushalabu bufuke bua buloba.

Muambi 6:3

Muntu udi mua kulela bana lukama, kulala kabidi panu bidimu bivule. Kadi bionsu ebi nebimuenzele tshinyi padiye kayi ne diakalenga matuku onsu adiye ulala panu, kabidi padi bantu kabayi mua kumujika bimpe? Ndi ngamba ne: muana wa tshibika mmumupite ku diakalenga.

Yirmeya 14:16

Kadi bantu bavuabu bambila malu nebafuile mu misesu ya mu Yerushalayime, ku mvita ne ku tshiyole tshia nzala. Kakuena muntu udi mua kujika bitalu biabu, nansha bia bakaji babu, nansha bia bana babu ba balume, nansha bia bana babu ba bakaji. Nanku nembanyoke bua malu mabi avuabu benze.

Yirmeya 16:11

Wewe ubandamune ne: “Maweja-Nangila udi wamba ne: bualu baledi benu bavua bambenge, balamate ku mvidie ya bantu ba bisamba bikuabu. Bavua bayitendelela, bayifuila binu panshi. Kabavua bamvuluke, kabavua balame mikenji yanyi.

Yirmeya 16:4

bonsu nebafue lulu lubi. Kabakumona udi mua kubadila nanshakubajika to. Bitalu biabu nebifukishe buloba. Nebafile mu mvita, nansha ku tshiyole tshia nzala. Bitalu biabi nebabizokole kudi nyunyi ya mikanku, babidie kudi nyama ya mibuabua.

Yirmeya 16:6

Nanku, mu ditunga edi bantu bonsu, bena biuma ne bapele, nebafue. Bantu kabakubajika, kabakubadila. Kakuakuikala muntu udi mua kunyingalala, kuditapa mputa pambidi, nansha kudibeya nsuki.

Yirmeya 19:13

Nzubu ya mu Yerushalayime ne ya bakalenga ba mu Yuda neikale ne mikiya bu muaba ewu wa Tofete. Bualu kulu kua nzubu eyi bavua balambuilaku musenga wa kamonya, bua kutendelela tshituilu tshia mitotu, bavua balambuilamu mvidie ya bantu ba bisamba bikuabu milambu ya maluvu.”

Yirmeya 22:19

Nebamujike bu nyama. Nebakoke tshitalu tshiende panshi, bua kutshimansha, kutshiela pambelu pa biibi bia Yerushalayime.

Yirmeya 25:33

Dituku dikale malu aa mua kuenzeka, kakuakuila muntu nansha umue pa buloba bujima udi mua kudila bantu badi Maweja-Nangila ushipa. Kakuakuila muntu udi mua kuambula bitalu biabu bua kubajika. Nebishale panshi bu bufuke budi bufukisha buloba.

Yirmeya 31:40

“Tshibandabanda tshijima, muaba udibu bajika bitalu, udibu bela butu bua milambu, netshikale tshianyi meme. Mpata yonsu too ne ku Kedrone, musulu wa muenji mukole, too ne ditunga dia ku tshiibi tshia Nyama ya tubalu, luseke ludi diba dipatukila, neyikale yanyi meme. Kabena mua kunyenga, kabena mua kubutula kabidi tshimenga to.

Yirmeya 36:30

Ke padi Maweja-Nangila wamba ne: Ku ndelanganyi ya Yoyakime kakuakuikala muntu nansha umue udi mua kubuela mu bukalenga bua Davide kunyima kuende. Tshitalu tshia Yoyakime nebatshimanshe pambelu, butuku netshikanyanyanye ne mashika, mu munya netshiuminyine ne luya.

Yirmeya 9:20

“Lufu ludi lubuelela pa madidishi etu. Ludi bibuela mu nzubu yetu mimpe, lushipa bana betu batekete mu misesu, ne bansongalume betu miaba idi bantu bunguile.”

Yirmeya 9:21

Wewe Yirmeya, ubambile kabidi malu makuabu andi meme Maweja-Nangila ngamba ne: “Bitalu bia bantu bidi bitala panshi bu bufuke bua kulukisha madimi. Bantu badi bafue anu bu miepu idi banowi bakose. Kadi kakuena muntu udi mua kuyipumbulula.”

Yirmeya 9:22

Maweja-Nangila udi wamba ne: “Muntu udi ne meji, kaditambishi bua meji ende to! Muntu udi ne bukole, kaditambishi bua bukole buende to! Muntu mubanji, kaditambishi bua bubanji buende to!

Yezekiyele 29:5

Nenkuimanshe mu tshipela, wewe ne mishipa yonsu ayi. Neufuilemu, kabayi bambule tshitalu tshiebe, kabayi batshijika. Tshitalu tshiebe atshi nentshifile bua batshidie kudi nyunyi ne nyama ya tshisuku.

Yezekiyele 39:5

Nenufue kabayi banujika mu buloba, bu mumvua meme Maweja-Nangila mumane kunumanyisha.

Yezekiyele 6:5

Nengimanshe bitalu bia bena Izrayele panshi kumpala kua mvidie yabu. Nengele mifuba yabu ku nseke yonsu ya bilambuilu biabu.

Yezekiyele 8:16

Mvidi Mukulu kungambula, kuya nanyi too ne mu lubanza lua munda mua nzubu wende. Ku tshibuelelu tshia nzubu wa Mvidi Mukulu pankatshi pa lutanda ne tshilambuilu, pavua bantu balume bu makumi abidi ne batanu. Bavua bela nyima ku nzubu wa Mvidi Mukulu, batangile luseke ludi diba dipatukila. Bavua batua binu bua kukukuila diba.

Sefanya 1:17

Maweja-Nangila udi wamba ne: “Nembueje bantu mu dikenga, nebababate mudi bampofu benza, bualu bavua bangenzela malu mabi. Mashi abu neatangalake miaba yonsu, bu mudi lupuishi. Bitalu biabu nebibole, mudi bintu bidibu bela ku dyala.”

Sefanya 1:5

Nembutule bonsu badi babanda ku misonga ya nzubu, bua kutendelela mitotu, ne bonsu badi bantendelela, baditshipa mu dina dianyi, kadi baditshipa musangu umue mu dina dia mvidie Milkome.

Bienzedi 7:42

Ke Mvidi Mukulu kubalengulula, kubalekela banemeke mabulunge a mulu. Ke mudibu bafunde mu mukanda wa bambi ne: “Bena Izrayele, bidimu makumi anayi binuvua mu tshipela, nuvua bandambule meme milambu ya nyama, nansha milambu mikuabu anyi?

Dielulula 17:3

Tshilejilu: muntu udi utendelela mvidie ya bisamba bikuabu, nansha diba, ngondu, nansha bintu bivule bidi mu tshibuashibuashi. — Maweja-Nangila katshia ki mmunuambile bua kuenza nanku! —

Dielulula 4:19

Kanutangidi mulu bua kutendelela diba, ngondu, mitotu, nansha bintu bionsu bidi mu tshibuashibuashi. Kanubienzedi mudimu, kanubikukuidi. Maweja-Nangila mmuitabe anu bua bisamba bikuabu bitendelele bintu abi.