Yirmeya 7:6 - MUKANDA WA MYIDI MUKULU

⁶ Kanukengeshi muntu muenyi, muana nshiya nansha mukaji mukamba. Kanushipi mu ditunga emu bantu badi kabayi ne bualu. Kanutendeledi mvidie ya bantu ba bisamba bikuabu bua kudikebela diakabi.

Mukanda wa Nzambi Dihungila Dikulukulu ne Dihungila Dihia-dihia 2003

⁶ binuikala kanuyi nukengesha benyi ne bana ba nshiya ne bakashi ba mu lufuila, binuikala kanuyi numatshisha mashi a badi kabayi ne bualu hanshi mu muaba eu, binuikala kanuyi nulonda nzambi ya hatuhu bua kudikengesha nʼai,

Yirmeya 7:6 ပူးပေါင်းရင်းမြစ်များ

2 Bakalenga 21:6

Kufikaye ne ku dilambula muanende wa balume bu mulambu wa kuosha. Kuenzaye majimbu a mishindu mishilangane, kubukaye lubuku lua muzangu. Nanku, Menashe uvua wenza anu malu adi Maweja-Nangila mubenge, umufikisha munda.

2 Bakalenga 24:4

bualu uvua mushipe bantu bapite bungi bavua kabayi ne bualu to, muele mashi mapite bungi panshi mu Yerushalayime. Ke muvua Maweja-Nangila kayi musue kufuila bena Yuda kabidi luse to.

Misambu 106:38

Kumatshishabu mashi a bantu bavua kabayi ne tshilumbu panshi, — mashi a bana babu ba balume ne ba bakaji, bavuabu bashipela mvidie yabu ya bena Kenaane, — dishipa dia bantu adi kunyangadi ditunga.

Nsumuinu 23:10

Kutentudi mikalu ya kale bua wewe kunyenga bana ba nshiya lupangu.

Yeshaya 59:7

Nudi nunyema lubilu, bua kuya kuenza malu mabi. Nudi nuambuluja makasa, bua kushipa badi kabayi ne bualu. Meji anudi nuela adi amu a kuenzela bakuabu bibi. Mu njila yenu nudi numiamina tshimvundu ne kabutu.

Yirmeya 13:10

Bualu ntshisamba tshibi tshidi tshibenga kuteleja malu andi ngamba. Badi anu ne tshitunu, benza malu a bupote. Badi balamate mvidie mikuabu, bayitendelela, bayinyikila mitu panshi. Nanku bantu aba bikale bu mukaba ewu, udibu kabayi mua kukuata nawu kabidi mudimu!

Yirmeya 19:4

Bualu bena Yuda mbambenge. Mbandamune muaba ewu, ukadi wa tshianana. Bavua balambuilapu mvidie ya bantu ba bisamba bikuabu milambu. Ke mvidie buabu kabayi bamanye, nansha bobu nansha bankambua babu, nansha bakalenga ba bena Yuda. Bavua buwuje muaba ewu ne mashi a bantu bavua kabayi ne bualu.

Yirmeya 2:30

Meme kununyoka, kadi kabiena binuenzela bualu to. Kanuena bateleja mibelu eyi. Kadi nuenu kushipa bambi benu, bu nyama ya ntambue ya lonji.

Yirmeya 2:34

Badi basangana mashi a bakengi, badi kabayi ne bualu too ne ku nzemba ya bilamba bienu. Nuvua babashipe bua tshinyi? Kanuvua babajikidile batula biibi bia nzubu yenu bua kuiba to. Kadi nansha nuenu benze bionsu abi,

Yirmeya 26:15

Kadi nuenu banshipe, numanye ne: nudi bashipe muntu udi kayi ne bualu. Nanku nebanunyoke bualu buanyi, nuenu ne bantu bonsu badi basomba mu tshimenga etshi. Bualu Maweja-Nangila mmuntume menemene bua kunuambila malu onsu aa.

Yirmeya 26:23

Kukuatabu Uriya muaba awu. Kumupatulabu mu Ejipitu. Kumufilabu kudi mukalenga. Awu kushipesha Uriya. Kuelabu tshitalu tshiende mu tshiina tshivuabu bela bitalu bia bantu bonsu ba tshianana.

Yirmeya 35:15

Meme kunutumina bantu banyi bavule, bambi, bua banuambile ne: ‘Muntu yonsu wa kunudi adilengeje. Enzayi malu mimpe. Kanulamatshi mvindie ya bantu ba bisamba bikuabu bua kuyitendelela. Nenku nenusombe mu buloba bumvua munupeshe nuenu ne bankambua benu.’ Kadi kanuvua banteleje ne ntema, kanuvua bangumvue nansha.

Yirmeya 5:28

Bena Izrayele badi badiunda bikole, mubidi wabu mmusenene. Kadi badi anu benza malu mabi, kabayi bapungila. Kabena bakosa nsambu pa yoyi, kabena bakuila bana ba nshiya mu bilumbu biabu, bua bamone mua kubinga. Kabena bambuluisha bapele, bua bapete bidibu ne bua kupeta.

Yirmeya 7:5

Kadi, nulongolole nsombelu yenu, enzayi malu mempe. Nukose tshilumbu tshia bantu babidi pa tshiotshi.

Yirmeya 7:9

Eyowa, nudi nuiba, nushipangana, nuenda tshiendenda, nuditshipa mitshipu ya dishima, nulambula milambu kudi Baale, nutendelela mvidie ya bantu ba bisamba bikuabu inudi kanuyi bamanye to.

Muadi 4:13

Tshipupu etshi ntshienzeke bua bilema bia bambi, ne bua mibi ya batuangaji. Bavua bashipe bantu bakane munkatshi mua tshimenga.

Yezekiyele 18:6

Muntu awu kena udia bidibu balambule mvidie pa mikuna. Kena utendelela mvidie mibi ya bena Izrayele. Katshia kena ubuelakana ne mukaji wa bende. Kena ubuelela mukaji mu nzubu, padiye ku tshijila tshia bakaji.

Yezekiyele 22:7

Muebe, muntu kena unemeka tatuende nansha mamuende. Badi bakengesha benyi, batatshisha bana ba nshiya ne bakaji bakamba.

Lewitiki 19:33

“Kanukengeshi muntu muenyi udi muase mu ditunga dienu.

Lewitiki 25:17

Kanuenzedianganyi bibi to, nunnemeke meme Maweja-Nangila Mvidi Mukulu wenu.

Malaki 3:5

Mvidi Mukulu wa bukole buonsu udi ujadika ne: “Nemfike munkatshi muenu bua kunulumbuluisha. Nempishe lukasa bantu badi benza malu a majimbu, badi benda tshiendenda, badi baditshipa mitshipu ya dishima, badi babenga kufuta muena mudimu, badi bakengesha bakaji bakamba, bana ba nshiya ne benyi, nansha bonsu badi kabayi bantshina meme.”

Matayi 27:25

Bantu bonsu kuandamuna ne: — Bua lufu luende, batunyoke amu tuetu ne bana betu!

Matayi 27:4

Kubambilaye ne: — Ndi muenze bibi, mufikishe ku lufu muntu udi kayi ne bualu. Kadi kumuandamunabu ne: — Bualu buetu anyi? Abu mbualu buebe!

Dielulula 11:28

Kadi panuikala kanuyi nukumbaja mikenji eyi, kanuyi nuitaba bindi nnuambila, nutendelela mvidie inudi kanuyi banji kumanya, nenuikale bena diakabi.

Dielulula 24:17

Kanunyangi tshilumbu tshia muenyi nansha tshia muana nshiya, kanumukengeshi. Tshilamba tshia mukaji mukamba kanutshikuatshi lukole to.

Dielulula 27:19

“Muntu yonsu udi unyangakaja tshilumbu tshia muana nshiya, tshia mukaji mukamba, nansha tshia muenyi udi munkatshi muenu, asangane muena tshibawu kuenza anyi?” Bonsu ne: “Enze!”

Dielulula 8:19

Nanku ndi nnuvuluija lelu ne: panudi nutendelela mvidie mikuabu, nuyenzela mudimu, kanuyi nuvuluka Maweja-Nangila, nenubutuke bonsu.

Yakobe 1:27

Bantu badi banemeka Mvidi Mukulu Tatu menemene, ke badi bambuluisha bana ba nshiya, ne bakaji bakamba, mu makenga abu, badilama ku bubi buonsu budi bufuma panu.