Yirmeya 7:34 - MUKANDA WA MYIDI MUKULU

³⁴ Mu bimenga bia bena Yuda, ne mu misesu ya mu Yerushalayime, nembenge bua bantu baje maja mu bibilu, bua bele mbila ya disanka, nansha bua bimbe misambu kudi badi babuele mu dibaka, bualu ditunga nedishale anu tshipela.

Mukanda wa Nzambi Dihungila Dikulukulu ne Dihungila Dihia-dihia 2003

³⁴ Nendekeshe dî mu misoko ya mu Yuda ne mu misesu ya Yelushalema, dî dia tuseku ne dia disanka, dia mubaki wa mukashi ne dia mukashi udiye Ubaka kabidi; bualu bua buloba nebulue tshihela tshia hatuhu.

Yirmeya 7:34 ပူးပေါင်းရင်းမြစ်များ

Yobe 3:7

Eyowa, butuku abu, kabena mua kuluangana to, kabena mua kuela tunkunduluila nansha!

Misambu 78:63

Kapia kubutula bansongalume, kupangabu mua kuimbila nsongakaji misambu.

Yeshaya 1:7

Ditunga dienu didi bu tshipela. Bimenga bionsu, bavua babioshe. Bantu ba bisamba bikuabu mbiibe bia pa madimi enu, nuenu batangile. Bu muvuabi pa kabutu ka Sodome, kanuena bashale ne tshintu nansha tshimue.

Yeshaya 3:26

Nenku mu tshimenga tshijima, nebateke madilu, nebadile miadi, bu mudi mukaji udi mujimije bana bende, ushala musombe panshi nkayende.

Yeshaya 6:11

Ke meme kukonka ne: — Maweja-Nangila, nebikale nanku too ne ku diba kaayi? Yeye kungandamuna ne: — Nebikale nanku too ne ku diba didibu banyangakaja bimenga bionsu, batangalaja bantu, nzubu yonsu ishala munda mutupu, ditunga dijima dishala tshipela.

Yirmeya 16:9

Bualu meme Maweja-Nangila Mvidi Mukulu wa bukole buonsu, Mvidi Mukulu wa Izrayele, ndi ngamba ne: “Nenkandike mitoyi ne mbila ya disanka, kabidi ne misambu ne musangelu bia bantu batshidi babuela mu dibaka. Wewe neushale ne muoyi bua kumona malu onsu aa.”

Yirmeya 22:6

Bua nzubu wa bukalenga bua bena Yuda, Maweja-Nangila udi wamba ne: Nansha meme musakidile nzubu wa bukalenga ewu, mumumone muakane, amu bu mundi nsankidila metu a Ngilaade, nansha nsongu ya mikuna ya Lebanone, ndi nditshipa ne: nzubu ewu neashale tshipela, muaba udi bantu kabayi basombe.

Yirmeya 25:10

Meme nenjikije maja mu bibilu bienu, mbila ya disanka, ne misambu ya batshidi baselangana. Bantu kabakuikala kabidi ne ntete ya kutua mu tshinu, nansha ne mafuta a kuela mu muendu.

Yirmeya 27:17

Kanubateleji to. Enzelayi amu mukalenga wa mu Babilone mudimu. Nanku kanuakufua to. Tshimenga etshi ki mbimpe batshibutule nansha.

Yirmeya 33:10

Maweja-Nangila udi wamba ne: Nuenu bena Yuda, nudi nuamba misangu yonsu ne: ditunga edi didi dinyanguke. Kanuena mua kumonamu muntu nansha nyama. Bulelela, bimenga bia mu ditunga dia Yuda, ne misesu ya mu Yerushalayime, bidi lelu munda mutupu. Kanuena mua kumona muntu nansha nyama. Kadi mu ditunga edi nebumvue kabidi

Yirmeya 33:11

misambu ne mbila ya disanka. Nebumvue kabidi meyi a bantu batshidi babuela mu dibaka. Nebumvue kabidi bantu bimbe musambu ewu ne: Tumbishayi Mvidi Mukulu wa bukole buonsu, bualu udi mulenga. Dinanga diende ndia kashidi. Nebumvue kabidi musambu wa bantu badi baya ne milambu yabu mu nzubu wa Mvidi Mukulu. Bushuwa, Maweja-Nangila udi wamba ne: nempingajile ditunga edi lumu luadi lua kale.

Yirmeya 4:26

Ndi mumone ditunga divua ne mitshi ya bimuma, dishale tshipela. Bimenga bionsu bia mu ditunga mbinyanguke. Maweja-Nangila ke udi muenze bionsu abi, bua tshiji tshikole tshivuaye natshi.

Yirmeya 4:27

Maweja-Nangila udi wamba ne: “Ditunga dijima nedishale amu tshipela tshidi tshikuatshisha bantu bowa. Kadi, tshiena musue kubutula bintu bionsu to.

Yirmeya 44:6

Nanku mvua mufike munda bikole, mvua ne kanyinganyinga. Ke mumvua mubutule bimenga bia Yuda ne misesu ya mu Yerushalayime. Ke mudi bimenga biandamuke makolu, bishale miaba idi ikuatshisha bantu bowa, bu munudi numona lelu.”

Muadi 5:14

Bakulu ba ditunga kabatshiena basomba mu tshipangu bua kufila lungenyi. Bansongalume mbalekele kuimba nzenze yabu.

Yezekiyele 26:13

Nenkandike bantu bua kabimbi kabidi misambu muebe. Kabakumvua kabidi muebe lunzenze ludila to.

Yezekiyele 7:11

Tshinyangu tshidi bu mukombu wa kutuuta nawu. Kakuakushala muntu nansha umue, nansha nuenu bungi kayi. Bukole buenu ne lumu luenu, nebijimine.

Osheya 2:11

Nanku, tshikondu tshia dinowa, nemmunyenge ntete yanyi ya kuenza bukula imvua mumupeshe. Tshikondu tshia kupola tumuma tua mvinyo, nemmunyenge maluvu anyi a mvinyo, amvua mumupeshe. Nemmunyenge kabidi bilamba bia ndanda, ne bia boya bua nyama, bimvua meme mumupeshe bua kuvualaye.

Osheya 2:13

Nemmukandike masanka ende onsu: a ngendu ya kuya mu nzubu wa Mvidi Mukulu ku tshidimu tshionsu, a bibilu bia ngondu mupiamupia, a matuku ende a Dikisha, ne a matuku a bibilu bikuabu bia kutendelela.

Lewitiki 26:33

Nennuluishe, nnutangalaje mu matunga makuabu. Ditunga dienu nedishale tshipela, bimenga bienu bionsu nebibutuke.

Mika 7:13

Kadi buloba bukuabu nebushale tshipela, bua malu mabi a badi basombapu.

Didimanyisha 18:23

Muendu kawakukenka kabidi muebe nansha musangu umue. Kabakumvua kabidi muebe mbila ya disanka ya badi babuela mu dibaka. Bangenda mushinga ba muebe ke bavua bapite ba buloba bujima. Kadi udi mushime bisamba bionsu ne malu ebe a majimbu.”