Yirmeya 7:32 - MUKANDA WA MYIDI MUKULU

³² Ke mudi Maweja-Nangila wamba ne: Matuku adi kumpala, kabena mua kuinyika kabidi muaba ewu ne: “Tofete,” nansha ne: “tshibandabanda tshia Inome” to. Nebinyike muaba awu ne: ‘Tshibandabanda tshia dishipangana?” Nebajike bantu bafue anu muaba awu. Kabakupeta lukita muaba mukuabu to.

Mukanda wa Nzambi Dihungila Dikulukulu ne Dihungila Dihia-dihia 2003

³² Nunku Yehowa udi wamba ne, Monai matuku alualua, hikalabo kabayi babikila tshibumba ne, Tofete, anyi ne, Luhongo lua muana mulume wa Hinoma; kadi nebalubikile ne, Luhongo lua Kushihelamu Bantu; bualu bua nebajike bantu mu Tofete, kakuena kuikala muaba mukuabo wa kubajikamu.

Yirmeya 7:32 ပူးပေါင်းရင်းမြစ်များ

2 Bakalenga 23:10

Yoshiya kunyangakaja tshioshelu tshivua ku Tofete, mu tshibandabanda tshia Inome, bua bantu kabayi kuoshilapu kabidi bana babu ba balume, nansha ba bakaji bua kulambula mulambu ku mvidie Moleke.

Yirmeya 19:11

Neubambile ne: “Maweja-Nangila wa bukole buonsu udi wamba ne: nenshipe bantu aba ne tshimenga etshi, amu mudibu bashipa mulondu wa diima, kabayi mua kuufimba kabidi.” “Nebajike bantu mu Tofete, bualu kakuena muaba mukuabu wa bafue to.

Yirmeya 19:13

Nzubu ya mu Yerushalayime ne ya bakalenga ba mu Yuda neikale ne mikiya bu muaba ewu wa Tofete. Bualu kulu kua nzubu eyi bavua balambuilaku musenga wa kamonya, bua kutendelela tshituilu tshia mitotu, bavua balambuilamu mvidie ya bantu ba bisamba bikuabu milambu ya maluvu.”

Yirmeya 19:2

Upatukile nabu bua kuya mu tshibanda tshia Inome, upitshile ku tshiibi tshia Ngesu mifue. Nenkumanyishe bualu buudi ne bua kubambila muaba awu.

Yirmeya 19:6

“Ke pandi ngamba ne: Dituku nedifike didibu kabayi binyika kabidi muaba ewu ne: ‘Tofete,’ nansha ne: ‘Tshibanda tshia Inome.’ Kadi nebawinyike ne: ‘Tshibanda tshia kushipela bantu.’

Yirmeya 31:40

“Tshibandabanda tshijima, muaba udibu bajika bitalu, udibu bela butu bua milambu, netshikale tshianyi meme. Mpata yonsu too ne ku Kedrone, musulu wa muenji mukole, too ne ditunga dia ku tshiibi tshia Nyama ya tubalu, luseke ludi diba dipatukila, neyikale yanyi meme. Kabena mua kunyenga, kabena mua kubutula kabidi tshimenga to.

Yirmeya 7:31

Mu tshibandabanda tshia Inome, mbalongolole muaba wa kulambuila milambu, udibu binyika ne: Tofete, bua kuoshamu bana babu ba balume ne ba bakaji bu milambu. Meme Maweja-Nangila tshivua mubambile bua kuenza bualu ebu to. Tshivua nansha muele meji ku bualu bua nanku to.

Yezekiyele 6:4

Nebanyange bilambuilu bienu. Nebazaze mbabula yenu inudi nuoshila manananshi. Bantu ba bungi ba munkatshi muenu nebafuile kumpala kua mvidie yenu mibi.

Lewitiki 26:30

Pandi nnufikila munda, nennyangakaje miaba inudi nulambuila mvidie yenu milambu. Nengupule bilambuilu bienu bia manananshi. Nententakaje bitalu bienu pa mpingu yenu imvua mutshibule.