Yirmeya 7:20 - MUKANDA WA MYIDI MUKULU

²⁰ Nanku, Maweja-Nangila Mvidi Mukulu udi wamba ne: “Nennyoke tshimenga tshijima etshi, bantu, bimuna, mitshi ne bintu bionsu bidi mu madimi. Dinyoka dianyi nedikale dikole bu kapia kadi kakayi kajima.”

Mukanda wa Nzambi Dihungila Dikulukulu ne Dihungila Dihia-dihia 2003

²⁰ Nunku Mukelenge Yehowa udi wamba ne, Monai, nempongolole tshiji tshianyi ne njiya yanyi ha muaba eu, ha bantu, ha nyama, ha mitshi ya mu madimi ne ha bia kudia bidi buloba bumenesha; biobi nebibioshe bu kahia kadi kakayi kajima.

Yirmeya 7:20 ပူးပေါင်းရင်းမြစ်များ

2 Bakalenga 22:17

Bena mu Yerushalayime mbambenge, mbalambule milambu kudi mvidie mikuabu. Bionsu bidibu benza mbimfikishe munda. Ke pandi mufikile tshimenga etshi munda bikole. Tshiji tshianyi katshiena tshijika mpindiewu to.

Yeshaya 10:17

Maweja-Nangila, butoke bua bena Izrayele, neikale bu kapia, kadi kosha meba ne mingonga, kabibutula dituku dimue.

Yeshaya 42:25

Ke pavua Maweja-Nangila muleje bantu bende bunene bua tshiji tshiende, mubakengeshe ne mvita. Mvita kuosha bena Izrayele nseke yonsu. Kadi nanshabu kujingulula tshintu. Kapia kubosha, kubashidisha, kadi nanshabu kubuelela meji.

Yeshaya 66:24

Nenku nebafike bua kumona bitalu bia bantu bavua bantombokele. Tshikusu tshidi tshibikunya katshiena mua kufua to. Kapia kadi kabiosha, kakena kajima lukasa to. Bidibu bamone nebikuatshishe bantu bonsu buowa.

Yirmeya 11:16

Meme kuinyika tshisamba tshianyi dina ne: “Mutshi wa olive udi usasa, ukuama bimuma bisheme.” Kadi munkatshi mua tshipepele tshia mvunde, meme kuosha mabeji atshi, kuosha matamba onsu awu.

Yirmeya 12:4

Ditunga nedikale mu dikenga, bia mu madimi nebiume too ne ku diba kaayi? Nyama ne nyunyi ya mu ditunga idi ifua bua tshilema tshidi bantu benza. Bualu badi bamba ne: “Maweja-Nangila kena umona bitudi tuenza to.”

Yirmeya 14:16

Kadi bantu bavuabu bambila malu nebafuile mu misesu ya mu Yerushalayime, ku mvita ne ku tshiyole tshia nzala. Kakuena muntu udi mua kujika bitalu biabu, nansha bia bakaji babu, nansha bia bana babu ba balume, nansha bia bana babu ba bakaji. Nanku nembanyoke bua malu mabi avuabu benze.

Yirmeya 17:27

Kadi nuenu kanuyi banteleje, nuenu balengulule dituku dianyi dia Dikisha, nuenu bapitshile ku biibi bia mu Yerushalayime dituku adi ne bujitu panyima, nengoshe tshimenga. Kapia nekabutule nzubu mimpe yonsu, kabayi mua kukajima.”

Yirmeya 17:4

Nenushiye ditunga divua dienu, dimvua meme munupeshe. Ndi nnutuma mu bupika, mu ditunga dinudi kanuyi bamanye. Bualu nudi balundule tshiji tshianyi. Tshikadi bu kapia kadibu kabayi mua kujima.

Yirmeya 18:23

Wewe Maweja-Nangila udi mumanye bionsu, bidibu benza bua kunshipesha. Kuena mua kubafuila luse. Kuena mua kulengulula bilema biabu. Ubele panshi, ubaleje tshiji tshiebe!

Yirmeya 21:12

Nuenu bantu ba mu diku dia Davide, telejayi tshidi Maweja-Nangila wamba. Udi wamba ne: Ku dituku ku dituku panualumbulula bilumbu, nukose nsambu amu pa yoyi. Bantu badibu banyenga bintu biabu, nubapatule mu bianza bia badi babakengesha. Tshianana tshiji tshianyi netshijuke bu mudi kapia kadi kuosha bionsu, kapia kadi muntu kayi mua kujima. Bualu nuvua benze malu mabi mapite bungi.

Yirmeya 42:18

Yirmeya kuamba kabidi ne: — Maweja-Nangila wa bukole buonsu, Mvidi Mukulu wa Izrayele, udi wamba ne: “Mvua mufikile bena Izrayele munda bikole. Nuenu kabidi nennufikile munda panudi nuya mu Ejipitu. Diba edi nebanuteke tshilejilu tshia tshintu tshibi tshidi tshikuatshisha bantu bowa, tshienza bundu. Nuenu mene kanuakumona kabidi ditunga edi to.”

Yirmeya 44:6

Nanku mvua mufike munda bikole, mvua ne kanyinganyinga. Ke mumvua mubutule bimenga bia Yuda ne misesu ya mu Yerushalayime. Ke mudi bimenga biandamuke makolu, bishale miaba idi ikuatshisha bantu bowa, bu munudi numona lelu.”

Yirmeya 6:11

Maweja-Nangila, tshiji tshikole tshiudi wewe natshi, meme kabidi ndi amu natshi. Tshiena kabidi ne mushindu wa kutshituyisha to. Tangalaja tshiji tshianyi atshi ne kudi bana badi mu misesu. Utshipumuine bansonga muaba udibu basangile. Batatu ne bamamu, bakulakaje ne bikunda, nebabakuate bonsu baye nabu mu bupika.

Yirmeya 6:12

Maweja-Nangila udi wamba ne: Bantu bakuabu nebangate nzubu yabu. Nebangate kabidi madimi abu ne bakaji babu. Eyowa, meme Maweja-Nangila nennyoke bena ditunga edi bonsu.

Yirmeya 8:13

Maweja-Nangila udi wamba ne: pandi musue kupola tumuma tua mvinyo munkatshi mua bantu banyi, tshiena mpeta kamuma nansha kamue, tshiena mpeta tshimuma nansha tshimue tshia mutshi wa mfiku. Mabeji a mutshi mene adi mafubidile. Nanku, ndi ndekela mitshi eyi, ishale ya bantu bonsu badi bapita mu njila.

Muadi 4:11

Tshiji tshia Maweja-Nangila ntshijike. Mvidi Mukulu mmutshileje tshionsu. mMuele kapia mu Siyone, kadi kuosha bitaku biende.

Yezekiyele 22:22

Nenuikale bafuanangane ne tshiamu tshitoke tshia mushinga mukole tshidibu bengulula mu kapia. Nenku nenujadike ne: udi mutupumuine tshiji ke Maweja-Nangila.”

Yezekiyele 7:12

Nshikidilu wafiki. Dituku dia tshilumbuluilu didi pabuipi. Basumbi ba bintu kabena mua kusanka, nansha basumbishi ba bintu kabena mua kunyingalala, bualu ndi mufikile bantu bonsu munda.

Yezekiyele 7:14

Nansha bobu bela mpungi, balongolole mvita, muntu nansha umue kena uya ku mvita, bualu ndi mufikile bantu bonsu munda.”

Danyele 9:11

Tshisamba tshijima tshia bena Izrayele tshiwa tshishipe mikenji yebe, tshisesuke ku malongesha ebe. Nanku milawu idi mifunda mu mikenji ya muena mudimu webe Moshe, yatukuatshi bua buntomboji buetu ebu.

Lewitiki 26:28

meme nennufikile munda, nnuluisha. Nemvudije dikenga dienu tshiakabidi misangu muanda mutekete.

Nahume 1:6

Padiye mufike munda, udi mua kukandamana nnganyi? Padiye ne tshiji, udi mua kushala ne muoyi udiku anyi? Tshiji tshiende tshidi tshilambuluka bu kapia, mbuebue mene idi ipandika kumpala kuende.

Sefanya 1:2

Maweja-Nangila udi wamba ne: “Nembutule tshintu tshionsu tshidi ne muoyi pa buloba.

Sefanya 1:3

Nenshipe bantu, nyama, nyunyi ne mishipa. Nembutule bantu babi, ne bionsu bidi bibalenduisha. Tshiena nshiya muntu nansha umue ne muoyi pa buloba.”

Zekâya 7:12

Kupapishabu muoyi wabu bu dibue dia mbonge. Kabavua basue kumvua malongesha a Maweja-Nangila wa bukole buonsu, avua Mueyelu wende muakuile kale mukana mua bambi. Nanku Maweja-Nangila kufika munda bikole,

Matayi 3:12

Yeye ke udi ne lubenji mu bianza biende, bua kupepula bisote, kushiya ntete. Neateke ntete mu diyeba. Kadi bisote neabioshe mu kapia kadi kakayi kajima.

Didimanyisha 14:10

Mvidi Mukulu neamunuishe maluvu a tshiji tshiende, avuaye muele mu dikopu dia tshiji tshiende, kayi musakidile mayi! Bonsu badi bakukuila nyama, nebabakengeshe mu kapia ne mu mvuanda, batumibue ba tshijila ne Muana wa mukoku bamone.