Yirmeya 7:14 - MUKANDA WA MYIDI MUKULU

¹⁴ Nanku, nzubu wanyi ewu, nzubu unudi nutekemena, nzubu umvua mupeshe bankambua benu, munupeshe ne nuenu, ndi musue kumunyangakaja bu mumvua munyangakaje Shilo.

Mukanda wa Nzambi Dihungila Dikulukulu ne Dihungila Dihia-dihia 2003

¹⁴ nunku nengenzele nsubu eu udibo bambikila dina dianyi, unudi nueyemena, ne muaba eu unakanuha nuenu ne batatu benu, bu munakenzela Shilo.

Yirmeya 7:14 ပူးပေါင်းရင်းမြစ်များ

2 Bakalenga 25:9

Nebuzaradane kuosha nzubu wa Mvidi Mukulu, nzubu wa bukalenga, ne nzubu mikuabu ya mu tshimenga, nangananga nzubu yonsu ya bantu bamanyike bikole.

2 Kulondolola 7:21

Padi bantu bapitshila pabuipi ne nzubu munene wa lumu ewu mumane kunyanguka, nebakeme, bakonka ne: “Maweja-Nangila mmunyangakaje ditunga edi ne nzubu ewu nenku bua tshinyi?”

Misambu 78:60

Kushiyaye nzubu wende wa Silo, ntenta uvuaye musombe munkatshi mua bantu.

Yeshaya 64:11

Maweja-Nangila udi mua kushala upuwa amu nanku, paudi umona dikolu edi, anyi? Udi mua kushala mupuwilamu, utushiya mu dikenga didi ditupita anyi?

Yirmeya 12:7

Ndi nshiya nzubu wa tshijila, uvua nzubu wanyi meme. Ndi mbenga bantu bavua banyi. Ndi mfila mu bianza bia baluishi babu, bantu bamvue munange ne muoyi wanyi mujima.

Yirmeya 23:39

nennuambule bu bujitu pa makaya anyi. Nennuimanshe nuenu, kabidi ne tshimenga etshi tshimvua munupeshe nuenu ne bankambua benu.

Yirmeya 26:18

— Mu tshikondu tshia Izkiya, mukalenga wa bena Yuda, muvua muambi mukuabu, dina diende mMika, wa mu Mereshete. Uvua muambile bantu bonsu ba mu Yuda ne: Maweja-Nangila wa bukole buonsu udi wamba ne: “Siyone neikale bu budimi budibu babundulula. Yerushalayime neashale bu mu dikolu. Mukuna, muaba udi nzubu wa Mvidi Mukulu, newikale bu ditu.”

Yirmeya 26:4

Ubambile ne: Maweja-Nangila udi wamba ne: “Ntelejayi, londayi mikenji yanyi imvua munupe.

Yirmeya 7:10

Pashishe nudi nuimana kumpala kuanyi mu nzubu wanyi wa tshijila, nuamba ne: ‘Tudi bamane kupanda!’ Eku nudi nutungunuka ne dienza bindi meme mubenge.

Yirmeya 7:12

Nuye ku Shilo, muaba wanyi wa tshijila umvua nsomba kale. Nenumone mundi munyangakaje muaba ewu bua buenzavi bua bantu banyi bena Izrayele.

Yirmeya 7:4

Kanutekemenyi miaku ya dishima inudi nuamba nuambulula ya ne: ‘Tuetu tudi bimpe bitambe, bualu ewu ke nzubu udi Maweja-Nangila usomba, ke nzubu wa Maweja-Nangila, eyowa, ke nzubu wa Maweja-Nangila.’

Muadi 2:7

Maweja-Nangila mmubenge tshilambuilu tshiende; mmulekele muaba wende wa tshijila; mmufile nzubu mimpe ya Siyone mu bianza bia baluishi. Bobu kuenza mutoyi mu nzubu wa Mvidi Mukulu, mutoyi mukole bu dituku dia bisangilu binene.

Muadi 4:1

Tshiamu tshia mpawungi etshi tshivua tshimpe, tshiengelela bikole, muditshi tshibuitshidile nunku mmunyi? Mmunyi mudi mabue a tshijila matangalake ku mielelu yonsu ya njila?

Yezekiyele 23:31

Uvua mulonde tshilejilu tshia yayebe. Nanku nenkunuishe dikopu dia tshiji tshianyi, bu mumvua mudinuishe yayebe.

Yezekiyele 24:21

nuenu bena Izrayele, ne: “Meme Maweja-Nangila Mvidi Mukulu nennyange nzubu wanyi wa tshijila. Nudi nudisua nende, numutangila nusanka. Ke muaba unudi nutekemena bua kupetela muoyi. Nebashipe bana benu ba balume ne ba bakaji banuvua bashiye mu Yerushalayime.

Dielulula 12:5

Mu buloba bua bisamba bienu, Maweja-Nangila neasungule muaba anu umue, muaba udiye musue kusomba bua numonangane nende, numutendelelemu.

Dielulula 28:52

Baluishi abu, nebanutshintshimike mu bimenga bionsu, bidi mu ditunga didi Maweja-Nangila Mvidi Mukulu wenu munupe. Nebanuluishe too ne pupuka bimana bile bia bimenga bienu, miaba inudi nuela meji ne: tudi basokome bimpe.