Yirmeya 6:7 - MUKANDA WA MYIDI MUKULU

⁷ Badi baleja lonji luabu kabayi bashikila, mudi mpokolu usukumuka mayi. Mu tshimenga atshi, badi bakula anu bua kushipangana ne bua kukengeshangana. Ndi mumone amu makenga ne mputa.

Mukanda wa Nzambi Dihungila Dikulukulu ne Dihungila Dihia-dihia 2003

⁷ Bu mudi mushimi uhatula mai adimu, nunku musoko udi uhatula malu mabi au; diyoyo ne kubutuka bidi biunvuibua munda muau; ku mpala kuanyi misangu yonso kudi masama ne mputa.

Yirmeya 6:7 ပူးပေါင်းရင်းမြစ်များ

Nsumuinu 4:23

Kenketa nangananga meji audi wela munda muebe, bualu wowu nealudike nsombelu webe wa panu.

Yeshaya 1:6

Biangatshile ku makasa too ne ku mutu, pambidi penu padi amu mputa, mibundabunda, ne mputa ipatuka tufina. Muntu nansha umue kena muyisukule, kena muyele mafuta, kena nansha muyisuike.

Yeshaya 57:20

Kadi bantu babi, badi bu mayi manene adi ela mavuala, kaayi ne mushindu wa kubatama. Mayi a nanku adi muwule ne binyindanyinda kabidi ne bintu bibi bionsu tente.

Yeshaya 59:6

muntu kena mua kubuvuala, muntu kena mua kudibuikilabu. Buntande budi amu bupetesha bantu dikenga. Ke mudi bianza bienu bienza mudimu, amu bua kukengesha bantu.

Yirmeya 20:8

Pandi musue kuakula, ndi amu ne bua kuela mbila ne: Nebanukengeshe, nebanubutule! Badi banseka, bampenda matuku onsu pandi mmanyisha bantu muaku webe.

Yirmeya 30:12

Maweja-Nangila udi wambila Yerushalayime ne: mbakutape bibi! Mputa yebe kabena mua kuyondapa nansha.

Yirmeya 30:13

Kakuena muntu udi mua kukuambuluisha. Bantu batu bondapa mputa. Kadi kakuena buanga bua kuondapa webe.

Yirmeya 30:15

Udi udila bua makenga audi nawu, bua mputa ivuabu bakutapa bua tshinyi? Ndi mukunyoke nanku, bualu bubi buebe mbunene, mibi yebe nya bungi.

Yirmeya 32:31

Tshimenga tshia Yerushalayime etshi katshia batshibaka, tshivua amu tshimfikisha munda, tshingenza tshiji, too ne lelu. Nanku, tshiena musue kutshimona kabidi ne mesu to.

Yirmeya 8:22

Mu Ngilaade kamuena buanga, nansha munganga anyi? Mputa wa bantu banyi bena Izrayele, kena mua kuma bua tshinyi?

Yezekiyele 21:29

Ke pandi meme Maweja-Nangila mbambila ne: “Nudi numvuluija bubi buenu matuku onsu, ku malu mabi anudi nuenza patoke. Malu onsu anudi nuenza, adi amvuluija munudi bena tshibawu. Nanku, bu munudi kanuyi basue kudilengeja, nenubuele mu bianza bia baluishi!

Yezekiyele 24:7

Mashi avuabu bela panshi atshidi mu tshimenga. Bavua baela pa mabue, kabayi nansha baajibikila ne buloba. Buloba ki mbuanji kunua mashi aa to.

Yezekiyele 45:9

Telejayi bidi Maweja-Nangila wamba ne: “Bakalenga bena Izrayele, nuvua bakoleshe malu bushiwa! Lekelayi malu a tshinyangu a kukengesha bantu, kanubanyengi bintu biabu, nuenze anu bimpe, nulonde anu njila wa malu mimpe. Kanuipatshi kabidi bantu banyi mu buloba buabu to. Meme Maweja-Nangila ndi nnutumina diyi edi.

Yezekiyele 7:11

Tshinyangu tshidi bu mukombu wa kutuuta nawu. Kakuakushala muntu nansha umue, nansha nuenu bungi kayi. Bukole buenu ne lumu luenu, nebijimine.

Yezekiyele 7:23

Longolola lukanu. Bualu bashipianganyi badi mu ditunga tente. Mu tshimenga mmuwule tente ne bena tshinyangu.

Sefanya 3:1

Yerushalayime udi muena diakabi. Udi tshimenga tshia bantomboji, tshia bena tshikisu, ne bena tshinyangu.