Yirmeya 6:4 - MUKANDA WA MYIDI MUKULU

⁴ Nebele mbila ne: “Jukayi, tuluishe Yerushalayime, tumuluishe munda munya. Ndiakabi kaayi edi! Diba dikadi dibuela! Mundidimbi wa dilolu udi ulepa.

Mukanda wa Nzambi Dihungila Dikulukulu ne Dihungila Dihia-dihia 2003

⁴ Nulongolole nvita bua kumuluisha; jukai, tuye kuluangana nʼandi munda munya. Mulau udi utukuata! Diba didi diamba kubuela; mindidimbi ya dilolo idi ileha.

Yirmeya 6:4 ပူးပေါင်းရင်းမြစ်များ

Yobe 7:2

Muntu udi bu mupika mu munya mukole udi ukeba dileji, bu mudi muena mudimu mupele utekemena bua bamufute.

Musambu wa Solomo 2:17

Ku dilolu padi panshi patalala, kuisu kutuadija kufiika, neupingane kundi, munanga wanyi. Unyeme lubilu bu kabuluku, nansha bu ngulungu muana, udi usomba mu mikuna mipanduluke.

Yirmeya 15:8

Mu ditunga amu, bakaji bakamba bavua bashale bapite lusenga lua ku muelelu wa mayi manene ku bungi. Meme kunyingalala munda munya, mamuende wa nsongalume, uvua tshilobu tshia mvita. Diakamue meme kukuatshisha mamuende bowa ne kanyinganyinga.

Yirmeya 15:9

Mamu muena bana muanda mutekete, uvuabu bela ka lumbandi, udi ushala kayi ne muana. Kena ne mushindu wa kueyakana bimpe kabidi to. Diende diba divua dibuela munda munya. Bundu buamukuatshi! Lumu luende ndujimine! Pikala bakuabu bashale ne muoyi, baluishi babu nebabashipe. Meme Maweja-Nangila ndi njadika nanku.

Yirmeya 5:10

Nentume baluishi bua kunyanga madimi abu a mvinyo adi pa mikuna. Kadi kabakunyangakaja madimi onsu to! Nebakose matamba adi kaayi anyi meme Maweja-Nangila!

Yirmeya 6:23

Bena mvita ba mu tshisamba atshi badi ne buta bua mikete ne misongolu, badi ne tshikisu kabayi ne luse. Badi benza mutoyi bu tshiona tshia mayi manene. Badi babanda pa nyama ya tubalu, bamane kudilongolola bua kubanga mvita, bamane kuela mualu wa mvita, bua kukuluisha wewe, Siyone!

Yirmeya 8:20

Tshikondu tshia kunowa ntshimane kupita. Tshikondu tshia munya mukole ntshijike. Tutshidi anu bindila bua kutusungidilabu.

Obadya 1:1

Telejayi bivua Maweja-Nangila Mvidi Mukulu mumanyishe Obadya, bua kukanyina bena Edome. Maweja-Nangila kutuma muntu ne mukenji, kudi bantu ba bisamba bikuabu. Tuetu kumvua muntu awu wamba ne: “Jukayi, tuye kuluisha bena Edome.”

Mika 3:5

Telejayi bidi Maweja-Nangila wamba, bua bambi badi badinga bantu banyi. Udi wamba ne: “Bambi badi bambila bantu ne: ditalala didiku, amu padibu babafuta difutu dia bungi. Kadi muntu udi kayi ubapesha biakudia, badi bamuluisha mvita.

Sefanya 2:4

Ngaza neashale dikolu. Askalone neabutuke. Badi basomba mu Asdode, nebabipate munda munya. Nebumushe bena Ekrone mu tshimenga tshiabu.