Yirmeya 52:6 - MUKANDA WA MYIDI MUKULU

⁶ Tshiyole tshia nzala tshivua tshikole mu tshimenga. Bantu kabavua kabidi ne biakudia to. Ku matuku tshitema a ngondu muinayi,

Mukanda wa Nzambi Dihungila Dikulukulu ne Dihungila Dihia-dihia 2003

⁶ Mu ngondo muinai, mu dituku dia tshitema dia mu ngondo eu, tshiole tshiakadi tshikole mu musoko ne kakuakadi bia kudia bua bena buloba kudia.

Yirmeya 52:6 ပူးပေါင်းရင်းမြစ်များ

2 Bakalenga 25:3

Tshiyole tshivua tshipite bukole mu tshimenga, bantu kabatshivua ne biakudia to. Mu matuku tshitema a ngondu muinayi,

Yeshaya 3:1

Mfumu munene, Maweja-Nangila muena bukole buonsu, neanyenge bena mu Yerushalayime, ne bena mu bukalenga bua Yuda, bionsu bidi mua kubambuluisha: biakudia ne biakunua bidibu nabi mu mayeba, ne bantu bonsu badi mua kubatua nyama ku mikolu.

Yirmeya 15:2

Pikalabu bakukonka ne: “Netuye penyi” wandamune ne: Maweja-Nangila udi wamba ne: Muntu yonsu neaye muaba udibu bamufundile. Udibu bafundile disama dia tshiambu neadipete. Udibu bafundile kufua mu mvita, neafuilemu. Udi ne bua kufua ku tshiyole tshia nzala, neafue. Udibu ne bua kuya nende mu bupika, nebaye nende!

Yirmeya 19:9

Baluishi, bantu badi kabayi ne luse, nebakuate tshimenga. Nebakengeshe bantu bikole bipite. Nanku benatshi nebadie minyinyi ya bana bavuabu balele. Nebadiangane bobu nkayabu!”

Yirmeya 21:9

Muntu yonsu washala mu tshimenga etshi, neafue anu ku mvita, ku tshiyole tshia nzala, nansha ku disama dia tshiambu. Kadi muntu wa kunudi udi umuka mu tshimenga etshi, uya kudi bena Babilone badi bamuluisha, neikale ne muoyi.

Yirmeya 25:10

Meme nenjikije maja mu bibilu bienu, mbila ya disanka, ne misambu ya batshidi baselangana. Bantu kabakuikala kabidi ne ntete ya kutua mu tshinu, nansha ne mafuta a kuela mu muendu.

Yirmeya 37:21

Nanku, mukalenga Sedekiya kuela mukenji bua balame Yirmeya mu lupangu lua bena mvita balami ba mukalenga, kabidi bua bamupeshe ku dituku diampa dia tshijengu divuabu balamba mu musesu wa Boshi ba mampa, too ne ku diba didibu kabayi mua kupeta kabidi diampa! Ke muvua Yirmeya mushale mu lupangu lua bena mvita balami ba mukalenga nanku.

Yirmeya 38:9

— Mukalenga, bantu aba mbenze bualu bubi, mbele muambi Yirmeya mu tshiina tshia mayi! Neafuemu ne nzala. Kabidi mu tshimenga kamuena diampa nansha dimue.

Yirmeya 39:2

Mu tshidimu tshia dikumi ne tshimue, dituku dia tshitema dia ngondu muinayi, bena Babilone bavua bapande disosu ku tshimana tshia tshimenga.

Muadi 1:11

Bantu bende badi batua mikemu, bateketa mu maboku, bakeba tshiakudia. Bavua bashintakaja bintu bia mushinga mukole ku biakudia, bua kupetabu bukole. Yerushalayime udi utendelela, wamba ne: “Maweja-Nangila, tangila, umone mudibu bampetula bikole.”

Muadi 5:10

Bua nzala mikole idi itusuma, dikoba dietu didi dituosha bu dia bantu badi mu tshikutu tshia kapia.

Yezekiyele 14:13

— Yezekiyele, padi bena ditunga kampanda bapia tshibawu, bantombokele, nembaleje bukole buanyi. Nennyange biakudia bidibu balame mu mayeba, nembatumine tshiyole tshia nzala. Nembutule nanku bantu ne nyama bia mu ditunga.

Yezekiyele 14:21

Pashishe, Maweja-Nangila kungambila ne: — Ndi mutumine Yerushalayime bipupu binene binayi! Ke mvita, tshiyole tshia nzala, nyama ya lonji, ne disama dia tshiambu tshikole, bua kubutula bantu ne nyama.

Yezekiyele 31:1

Dituku dia kumpala dia ngondu muisatu wa tshidimu tshia dikumi ne tshimue tshivua bena Izrayele bamane kuya mu bupika, Maweja-Nangila kungambila ne:

Yezekiyele 5:16

“Nennutumine tshiyole tshia nzala bua kunubutula. Nzala yenu neyinukengeshe, bu mudi mikete mitue ikengesha bantu, ibashipa. Nennyange mampa anudi balame, bua nufile ne nzala.

Yezekiyele 7:15

“Mvita neikale mu misesu. Disama dia tshiambu ne tshiyole tshia nzala nebikale mu nzubu ya bantu. Bantu nebafue ku mvita mu mpata. Mu tshimenga nebafue ku nzala ne ku masama.

Lewitiki 26:26

Nenkepeshe biakudia, bakaji dikumi nebasangile ditshiwa dimue bua kuoshilamu mampa, bapeta muaba mukumbane. Nebanuabanyine tupese tua mampa tukese tukese, nudia kanuyi nukuta to.

Zekâya 8:19

— Matuku anudi nujila biakudia, mu ngondu muinayi, muitanu, wa muanda mutekete, nansha wa dikumi, ku tshidimu tshionsu, neikale a tshibilu tshinene adi bena Yuda basanka, batshionkomoka. Kadi nuambilangane amu malu malelela, nukebe kabidi diakalenga dia bonsu!

Dielulula 32:24

Nzala mimane kutekesha bena Izrayele, mubidi luya ne disama dia tshiambu bimane kubakuata, nembatumine nyama ya lonji, kabidi ne nyoka ya lulengu.