Yirmeya 51:6 - MUKANDA WA MYIDI MUKULU

⁶ Umukayi mu Babilone nunyeme lubilu bua nupande. Kabanushipi nuenu, bua bilema bia bena Babilone. Maweja-Nangila udi udisombuela. Ke tshikondu tshidiye upingajila bena Babilone, bibi bionsu bivuabu benza.

Mukanda wa Nzambi Dihungila Dikulukulu ne Dihungila Dihia-dihia 2003

⁶ Numuke mu Babulona, nunyenge, muntu yonso asungile muoyo wandi; kanufu nʼandi mu bubi buandi, bualu bua etshi ntshikondo tshia disombuela dia Yehowa, yeye neabafute difutu diabo.

Yirmeya 51:6 ပူးပေါင်းရင်းမြစ်များ

Misambu 94:1

Eyi, Maweja-Nangila, Mvidi Mukulu, udi usombuela bantu. Mvidi Mukulu udi usombuela bantu, patuka.

Nsumuinu 13:20

Udi wenda ne bena meji, udi upeta meji. Kadi udi wenda ne bidingidingi neashale kabidi tshidingidingi.

Yeshaya 48:20

Patukayi mu Babilone. Nyemayi lubilu lukole. Nuele mbila ya disanka, numanyishe bualu ebu, too ne ku nshikidilu kua buloba. Buambayi, bumanyishayi, nuambe ne: “Maweja-Nangila mmuangate bualu bua Izrayele, muntu wende, ne manza abidi.”

Yeshaya 63:4

Mvua ne dijinga munda muanyi dia kusombuela bantu banyi lelu. Bualu tshikondu tshia kupikula bantu banyi tshiakumbanyi.

Yirmeya 25:14

Nanku bena Babilone kabidi nebabuele ku bumfumu bua bantu ba bisamba bikuabu, ne bua bakalenga banene. Nembasombuele ku malu mabi onsu avuabu benze.”

Yirmeya 25:16

Bantu ba bisamba bionsu ebi badinue, tshinyungu tshibakuate! Bazakale pa kumona mundi nshipa bantu munkatshi muabu!”

Yirmeya 27:7

Matunga onsu neikale ku bumfumu buende, ku bumfumu bua muanende, ne bua muikuluende. Kadi tshikondu netshifike tshidi baluishi bakuata ditunga diende. Nedishale ku bumfumu bua matunga adi madipite ku bukole. Mukalenga wadi neikale ku diyi dia bakalenga badi bamupita bukole.

Yirmeya 46:10

Edi ke dituku didi Maweja-Nangila, Mvidi Mukulu wa bukole buonsu, utekemena. Ke dituku didiye usombuela bena lukuna bende! Muele wende udi bu nyama wa tshidika, udi ukuata bantu, udia uukuta! Udi unua mashi abu ukuatshika! Maweja-Nangila Mvidi Mukulu wa bukole buonsu udi ubutula bantu badi mu ditunga dia ku mutu, ku muelelu wa musulu wa Perate!

Yirmeya 48:6

“Nyemayi muaba ewu bua kanufu to! Nushale mu tshipela bu nyama wa mpunde wa mu tshipela.”

Yirmeya 50:15

Elayi bibingu bia mvita nseke yonsu ya tshimenga! Monayi bena Babilone badi badifila, bela maboku mulu, mu bianza bia baluishi babu. Baluishi badi bashimbula tuleya tuatshi, bambula bimana biatshi. Ke mudi Maweja-Nangila udisombuela. Nuenzele bena Babilone bivuabu benzele bantu bakuabu.

Yirmeya 50:28

Bantu bavua bapanduke mu mvita, bavua banyema mu ditunga dia Babilone, ke badi bafika mu Siyone, bela mbila ne: Maweja-Nangila Mvidi Mukulu wetu mmudisombuele. Mmunyoke bena Babilone bua nzubu wende wa tshijila uvuabu banyange.

Yirmeya 50:31

Maweja-Nangila wa bukole buonsu udi wamba ne: Ndi nkuluisha wewe ditunga dia Babilone, bualu udi uditambisha. Dituku dia kukunyoka ndimane kufika!

Yirmeya 50:8

Ke padi Maweja-Nangila utuma diyi ne: “Patukayi lubilu mu Babilone, umukayi mu ditunga edi. Fuilakanayi mushiku wa mbelu mudi mbuji ya mpumbu ifuilakana kumpala kua mikoku.

Yirmeya 51:11

Maweja-Nangila udi musue kubutula ditunga dia Babilone. Udi ukolesha bakalenga ba bena Madayi ku muoyi, bua bakumbaje tshidiye musue. Udi udisombuela, bua nzubu wende wa tshijila uvuabu banyange. Nonayi mikete yenu, nuyele tente mu nsapu.

Yirmeya 51:36

Maweja-Nangila udi wambila bena Yerushalayime ne: “Tshilumbu tshiebe ndi ntshiangata ne manza abidi. Ndi nkunsombuela, ngumishe musulu wa Perate, nenkamishe mpokolu ya Babilone.

Yirmeya 51:45

Nuenu bantu banyi, umukayi mu tshimenga tshia Babilone. Muntu yonsu anyeme lubilu bua ashale ne muoyi. Anyeme tshiji tshianyi bualu tshidi tshikole!

Yirmeya 51:50

Nuenu bavua bapambuke mu mvita, umukayi nuye, kanushadi apa nansha. Muaba unuikala awu, nuele meji kudi Maweja-Nangila, mwuluke Yerushalayime.

Yirmeya 51:56

Badi basemena pabuipi ne Babilone bua kumukuata. Badi bakuata bilobu, batshibula mata abu. Bualu Maweja-Nangila udi Mvidi Mukulu udi mumanye mua kusombola. Udi upingajila muntu yonsu bivuaye muenze.

Yirmeya 51:9

Kadi benyi bonsu badi basomba mu Babilone, badi bamba ne: — Tuvua bondapa Babilone, kadi kena musanguluke to. Nanku tumuke tumushiye. Tupingane muntu kuende, muntu kuende. Bualu tshibawu tshiende ntshinene tshipite. Udi umunyoka ke Muena Kulu!

Muadi 3:64

Maweja-Nangila, wewe neubenzele mudibu bangenzele meme.

Dibadika 16:26

Kuambilaye bantu bonsu ne: — Umukayi ku ntenta ya bena buenzavi aba. Kanulengi tshintu tshiabu nansha tshimue to. Tshianana nudi mua kufua kabidi bua mibi yabu yonsu.

Dielulula 32:25

Nebabashipe ne muele mu misesu. Nebafue ne bowa mu nzubu yabu. Lufu nelubakuate bonsu, bansongalume ne bansongakaji, bakulumpe ne bana.”

Dielulula 32:41

Ndi nnona muele wanyi wa mvita, ndi ndumbuluisha bantu, mbanyoka. Ndi musue kusombuela baluishi banyi, kufuta bonsu badi bankina.

Dielulula 32:43

Bisamba bionsu bitumbishe bantu ba Maweja-Nangila. Maweja-Nangila neasombuele bua lufu lua bantu bende. Neanyoke baluishi ba bena Izrayele bonsu. Neafuile ditunga dia bena Izrayele luse, neasambe benadi.

1 Timote 5:22

Kutenteki muntu bianza lukasalukasa bua kumupesha muanzu mu Tshisumbu tshia bena ditaba. Kubuelakanyi mu mibi idi bantu bakuabu benza. Wewe kabidi kuenji bibi.

Didimanyisha 16:19

Tshimenga tshinene tshiena tshipanduluke mu bitupa bisatu. Bimenga bia matunga onsu kuupuka. Mvidi Mukulu kavua mupue Babilone munene muoyi. Kumunuishaye maluvu a mu dikopu diende, divua tente ne tshiji tshiende tshikole.