Yirmeya 51:53 - MUKANDA WA MYIDI MUKULU

⁵³ Nansha bu Babilone mua kubanda mu diulu, kuya kusokoma muaba mukole, nentume baluishi bua bamupete, bamubutule muaba awu. Ke mundi meme Maweja-Nangila ngamba.

Mukanda wa Nzambi Dihungila Dikulukulu ne Dihungila Dihia-dihia 2003

⁵³ Yehowa udi wamba ne, Nansha biabanda Babulona tô ne mu diulu, nansha biakolesheye muaba wandi mukole kulu mene, bahaudi nebabike kudiye ba tume kundi meme.

Yirmeya 51:53 ပူးပေါင်းရင်းမြစ်များ

Genese 11:4

Kuambilanganabu kabidi ne: “Tuasayi tshimenga tshikale ne kaleya katumbuke mulu bua tupete lumu lunene. Nanku katuakumuangalaka pa buloba bujima to.”

Yobe 20:6

Nansha bu muntu mubi mua kulepa, kufika too ne mu diulu, mutu wende kulenga mavuba,

Yeshaya 13:17

Maweja-Nangila udi wamba ne: “Nensonsole bena lukuna babu, bena Madayi, bantu ba muoyi mupape, badibu kabayi mua kubuejila, badi kabayi bangata mabuejila, nansha a biamu bitoke bia mushinga mukole, nansha a mpawungi.

Yeshaya 41:25

Ndi mujule muntu, ufumina luseke ludi diba dipatukila. Muntu awu udi ufika luseke lua ku mutu kua ditunga. Badi batela dina diende, luseke ludi diba dipatukila. Udi udiatakaja balombodi ba maloba, mudibu badiata bitotshi, mudi mufumbi wa ngesu, udiata diima, udibeta.

Yeshaya 47:5

Wewe Babilone, somba talalaa, puwa. Sokoma mu miidima, bualu udi mujimije muanzu webe wa “Mukalenga mukaji wa makalenga mangi.”

Yeshaya 47:7

Uvua uditangila wewe bu mukalenga mukaji, uvua ne bua kudia bumfumu kashidi mu bantu. Kadi kuvua muele meji bimpe, ku malu avua enzeka diba adi. Kuvua nansha muele meji, ku bivua ne bua kuenzeka to.

Yirmeya 49:16

Uvua ukuatshisha bantu bonsu bowa. Uvua udimona bu udi mupile bisamba bionsu. Kadi uvua udidinga. Nansha wewe musombe mu mbuebue, nansha wewe muase pa mikuna mitumbuke, nansha wewe muenzele disua diebe kulu kupita, mudi nyunyi wa tshiminyi wenza, kadi nenkukulule panshi.” Ke mudi Maweja-Nangila wamba nanku.

Yirmeya 50:21

Maweja-Nangila udi wamba ne: Nuye kuluisha ditunga dia Maratime, nuluangane ne bena mu Pekode, nubashipe, nubabutule bonsu. Nukumbaje bionsu bimvua munutumine diyi.

Yirmeya 50:25

Maweja-Nangila udi unzulula diyeba diende. Udi upatulamu bia mvita bua kuleja nabi tshiji tshiende. Mu ditunga dia bena Babilone, bantu nebamone mudimu udi Maweja-Nangila wa bukole buonsu ukuata.

Yirmeya 50:45

Nanku, telejayi tshidi Maweja-Nangila musue kuenzela bena Babilone, tshidiye mulongoluela bantu bende. Kanuedi mpata: bana ne bena butekete mene, nebaye nabu bonsu, bu mudibu basaka bimuna.

Yirmeya 51:11

Maweja-Nangila udi musue kubutula ditunga dia Babilone. Udi ukolesha bakalenga ba bena Madayi ku muoyi, bua bakumbaje tshidiye musue. Udi udisombuela, bua nzubu wende wa tshijila uvuabu banyange. Nonayi mikete yenu, nuyele tente mu nsapu.

Yirmeya 51:25

Eyowa, wewe Babilone, ndi nebe ne tshilumbu. Udi bu nyama mubi udi ukeba kubutula bionsu bidi pa buloba. Kadi meme Maweja-Nangila ndi muluishi webe! Nenkukuate mu bianza, nenkuele mu kandondu, nenkoshe ne kapia.

Yirmeya 51:48

Mu diulu ne pa buloba nebele amu mbila ya disanka, padi baluishi bafuma ku mutu kua ditunga bua kuya kubutula Babilone.” Ke Maweja-Nangila udi wamba awu.

Yirmeya 51:56

Badi basemena pabuipi ne Babilone bua kumukuata. Badi bakuata bilobu, batshibula mata abu. Bualu Maweja-Nangila udi Mvidi Mukulu udi mumanye mua kusombola. Udi upingajila muntu yonsu bivuaye muenze.

Yirmeya 51:58

Udi wamba kabidi ne: “Bimana bialabale bia mu tshimenga tshia Babilone nebabitonkole panshi. Biibi biende bile nebabioshe! Bantu badi bakuata mudimu patupu, bualu bidi bisamba bienza nebibutuke mu kapia!”

Danyele 4:30

Diakamue bualu ebu kuenzekabu. Kuipatabu Nebukadnesare munkatshi mua bantu. Kubangaye kudia bisosa, mudi ngombe idia. Mubidi wende kubola ne lumuma. Nsuki yende kulepa, bu masala a nyunyi ya tshiminyi. Nzadi yende kudiunda bu ya nyunyi.

Amosa 9:2

Nansha bimba tshina, babuela mu kandondu ka bafue, nembakuatemu, mbapatulamu. Nansha babanda mu diulu, nembakulule, mbapuekeshe panshi.

Amosa 9:4

Padi baluishi babu babakuata, baya nabu kuabu kule, mu bupika, nentume diyi bua babashipe kuine aku. Nembabambishe miaba yonsu, ki mbua kubambuluisha nansha, kadi bua kubabutula.”

Abakuke 2:9

Nudi bena diakabi! Nudi banemeshe bena meku enu ne bintu bipeta ku buivi. Nansha nuenu base nzubu yenu kulu ku katongobela, dikenga nedinukuate.