Yirmeya 51:5 - MUKANDA WA MYIDI MUKULU

⁵ Bualu Maweja-Nangila Mvidi Mukulu wabu wa bukole buonsu, ki mmubenge bena Izrayele ne bena Yuda. Kadi bena Babilone mbenzele Maweja-Nangila wa tshijila wa Izrayele bibi bitambe.

Mukanda wa Nzambi Dihungila Dikulukulu ne Dihungila Dihia-dihia 2003

⁵ Bualu bua Nzambi wabo, Yehowa wa misumba, kena mushiye Bena Isalele anyi Bena Yuda bua kuikalabo bakashi bu ba mu lufuila nansha buloba buabo buikale bûle tente ne malu mabi akenzelabo wa Tshijila wa Isalele.

Yirmeya 51:5 ပူးပေါင်းရင်းမြစ်များ

1 Bakalenga 6:13

Meme nensombe mu nzubu ewu munkatshi mua bantu banyi bena Izrayele kashidi. Tshiena mua kubalekela to.

2 Bakalenga 21:16

Mukalenga Menashe uvua mushipe bantu bapite bungi, bavua kabayi ne bualu to. Tshimenga tshia Yerushalayime tshijima, tshivua ne mashi mapite bungi. Bubi ebu, badi babusangisha kabidi ku buenzayi bonsu budi Menashe muenze, bua kufikisha bena Yuda ku dienza malu adi Maweja-Nangila mubenge.

Ezela 9:9

Eyowa, Mvidi Mukulu wetu, tuvua bapika, kadi kuena mutulekele mu bupika to. Uvua muambuluishe bakalenga banene ba bena Persa bua batuenzele bimpe. Bavua babambuluisha bua tusanguluke, basulule nzubu webe, bakaje bivua binyanguke, tupete muaba wa kusomba mu Yerushalayime ne mu Yuda.

Misambu 94:14

Maweja-Nangila kena ubenga bantu bende, kena ulekela bumpianyi buende.

Yeshaya 44:21

“Wewe Izrayele, tshisamba tshia Yakobe, vuluka bimpe ne: Udi muntu wanyi. Ndi mukufuke, bua unkuatshile mudimu. Izrayele, tshiena nkupua muoyi to.

Yeshaya 51:15

Meme Maweja-Nangila ndi Mvidi Mukulu webe. Ndi mvundula mayi manene, mavuala awu adila muadi bikole! Dina dianyi meme ke Maweja-Nangila muena bukole buonsu.

Yeshaya 62:12

Nebanuinyike ne: “Ke bantu ba tshijila, ke bantu bavua Maweja-Nangila mupikule.” Wewe Yerushalayime, kabena bakuinyika kabidi ne: “Tshimenga tshidi Mvidi Mukulu ubenga.” Kadi nebakuinyike ne: “Tshimenga tshidiye unanga.”

Yirmeya 14:19

Maweja-Nangila udi mubenge bena Yuda anyi? Kuena mumanye kabidi bena Siyone anyi? Udi mututape mputa idi kayiyi yuma bua tshinyi? Tuvua batekemene ne: bionsu nebikumbane, kadi katuena bamone tshia nsongu nansha tshimue. Tuvua bindile tshikondu tshivua makenga etu ne bua kujika, kadi tudi tumona amu malu adi atukuatshisha bowa.

Yirmeya 14:9

Udi udileja bu muntu, udi kayi mua kutuambuluisha, bu muena bukitu udi mupange bukole bua kusungidila bakuabu, bua tshinyi? Eku wewe Maweja-Nangila udi munkatshi muetu. Tudi bantu bebe. Kutulekedi nansha.

Yirmeya 16:18

Ndi musue kubanyoka bikole bua malu mabi avuabu benze, ne bua tshilema tshiabu. Bualu mbanyange ditunga dianyi ne mpingu yabu indi mbenga idi bu bitalu. Bavua bateka mvidie ya dishima miaba yonsu mu ditunga dianyi.

Yirmeya 19:4

Bualu bena Yuda mbambenge. Mbandamune muaba ewu, ukadi wa tshianana. Bavua balambuilapu mvidie ya bantu ba bisamba bikuabu milambu. Ke mvidie buabu kabayi bamanye, nansha bobu nansha bankambua babu, nansha bakalenga ba bena Yuda. Bavua buwuje muaba ewu ne mashi a bantu bavua kabayi ne bualu.

Yirmeya 23:15

Maweja-Nangila wa bukole buonsu udi wamba bua bambi ne: “Nembadishe bintu bia bululu, nembanuishe mayi a lulengu ku bukole. Bualu bambi ba mu Yerushalayime badi mpokolu wa malu mabi, adi anyanga ditunga dijima.”

Yirmeya 31:37

Pikala muntu ne bukole bua kupima butumbuke bua diulu, pikalaye ne bukole bua kubuela mu kandondu ka buloba, diba adi, nembenge bena Izrayele bonsu, bua malu mabi avuabu benze. Ke malu adi Maweja-Nangila unumanyisha.

Yirmeya 46:28

Maweja-Nangila udi wamba ne: Wewe Izrayele muena mudimu wanyi, kuikadi ne bowa to. Bualu ndi nebe. Nembutule bisamba bionsu, miaba yonsu imvua munutangalaje. Kadi tshiakukubutula wewe to. Bushuwa mvua anu ne bua kukunyoka, bualu tshiena mua kukutangila bu muntu udi kayi muena tshibawu!

Yirmeya 50:20

Meme Maweja-Nangila ndi ngamba ne: Tshikondu atshi, bantu nebakebe bilema bidi bena Izrayele nabi. Kadi kabakubisangana to. Nebakebe tshilema tshia bena Yuda, kadi kabakumona nansha tshimue to. Bualu bantu bandi mushiye ne muoyi, nembafuile luse.

Yirmeya 51:19

Maweja-Nangila wa Izrayele kena bu mpingu ayi to, bualu Yeye ke udi mufuke bintu bionsu. Mmusungule tshisamba tshia Izrayele, bua tshikale tshiende yeye. Dina diende: Maweja-Nangila wa bukole buonsu.

Yezekiyele 8:17

Mvidi Mukulu kunkonka ne: — Yezekiyele, udi mumone bionsu ebi anyi? Kadi bena Yuda kabena benza bibi bindi mubenge amu muaba ewu to. Badi bakengesha bantu nabu mu ditunga dijima. Tangila mudibu bampenda muabu muonsu. Badi badiela tshisosa nkayabu mu diulu.

Yezekiyele 9:9

Maweja-Nangila kungambila ne: — Malu mabi adi bantu benza mu bukalenga bua Izrayele nansha bua Yuda mmapite bunene. Bantu aba badi bashipangana mu ditunga dijima. Badi bakengeshangana mu tshimenga tshionsu. Badi bambilangana ne: “Maweja-Nangila ukadi mumuangale mu ditunga, kena mutumone to.”

Osheya 2:1

Dituku dikuabu bena Izrayele nebavulangane bipite, bu lusenga ludi ku muelelu wa mayi manene, ludi muntu kayi mua kubala nansha kupima. Mvidi Mukulu kena ubinyika kabidi ne: “Biabende.” Neabinyike ne: “Bana ba Mvidi Mukulu wa muoyi.”

Osheya 2:3

Ambilayi bana benu ba balume ne ba bakaji ne: Maweja-Nangila udi unuinyika ne: “Bantu banyi,” kabidi ne: “Bananga banyi,”

Osheya 4:1

Maweja-Nangila udi umanyisha bena ditunga tshilumbu tshidibu natshi kudiye. Nuenu bena Izrayele, telejayi: Maweja-Nangila udi unuambila ne: “Nuenu bena ditunga edi, kanuena nulamatangana kabidi ne muoyi umue, kanuena nuenzelangana kabidi bimpe to. Kanuena bamanye Mvidi Mukulu. Kanuena nuenza tshidiye musue.

Osheya 4:2

Kadi, nudi nutshipa mukuenu, numudinga, numushipa, numuiba, nuenda tshiendenda. Ditunga dionsu ndinyanguke ne dishipangana.

Mika 7:18

Kakuena mvidie nansha umue, udi mukufuane wewe Maweja-Nangila. Udi ufuila bantu bebe badi bashala ne muoyi luse, kuyi musue kuvuluka kashidi bilema biabu. Kuena ulama tshiji matuku onsu. Disanka diebe didi amu dia kutunanga, kutuenzela bimpe.

Mika 7:20

Neuleje ndelanganyi ya Abrahame ne ya Yakobe, dinanga diebe didi kadiyi dijika, bu muuvua mulaye bankambua betu ku kale.

Zekâya 12:6

Dituku adi, nengenze bamfumu ba bena Yuda, bu tshikutu tshia kapia mu ditu, nansha bu tshikunyi tshia kapia muinshi mua bisumbu bia miepu ya ntete ya kuenza bukula. Nebabutule nseke yonsu bisamba bidi bibanyunguluke. Kadi bena mu Yerushalayime nebasombe amu mu tshimenga tshiabu.

Zekâya 12:8

Pashishe Maweja-Nangila neambuluishe bena Yerushalayime: badi kabayi ne bukole munkatshi muabu, nebapete bukole bu bua Davide. Ndelanganyi ya Davide neikale bu Mvidi Mukulu wabu, bu mudi mutumibue wa Maweja-Nangila udi wenda kumpala kuabu.

Zekâya 2:12

Maweja-Nangila wa bukole buonsu, udi muntume bua kunuambila malu, udi wamba bua bisamba bivua binupawule ne: “Muntu udi unuluisha, udi untua munu mu disu.

1 Samuele 12:22

Maweja-Nangila kakunulekela to. Bualu yeye nkayende ke uvua munusungule bua nuikale tshisamba tshia bantu bende. Maweja-Nangila neavuluke lumu luende lunene.