Yirmeya 51:16 - MUKANDA WA MYIDI MUKULU

¹⁶ Yeye mutume amu diyi mayi adi unguila mu diulu, mavuba manene adi abanda afuma ku muelelu kua buloba. Mikenya idi ipenya, ileja mvula njila. Mpepele idi ipatuka mu mayeba a Maweja-Nangila.

Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Hambeye dî diandi, diyoyo dia mai a bungi didi mu diulu, yeye udi ubandisha dibungi didi difuma kunfudilu kua buloba. Udi wenzela nvula miele ya nvula, udi uhehesha mpehele idiye uhatula mu bibutshilu biandi.

Yirmeya 51:16 ပူးပေါင်းရင်းမြစ်များ

Genese 8:1

Mvidi Mukulu kuvuluka Nowa ne nyama yonsu minene ne mikese ivuaye nayi mu buatu. Mvidi Mukulu kutuma tshipepela pa buloba, mayi kutuadija kukepela.

Yobe 37:13

Mvidi Mukulu udi ukumbaja tshidiye musue pa buloba, nansha bua kunyoka muntu, nansha bua kumuenzela bimpe.

Yobe 38:22

Ukadi mufike mu mayeba, miaba indi ndama neje ne mabue a mvula anyi?

Yobe 40:9

Udi ne bukole bundi meme nabu anyi? Diyi diebe ndikole bu dianyi anyi?

Misambu 104:7

Kadi pauvua muatandishe, wowu kunyema kuyawu lubilu, ku tshiona tshia mukungulu webe.

Misambu 135:7

Udi ubandisha mavuba ku ntengu ya buloba, ulokesha mvula wa mipenya, utuma tshipepele tshikole.

Misambu 147:18

Padiye utumina tubue tua mashika etu diyi, tudi tuenguluka, yeye mutume lupepele, mayi adi apueka.

Misambu 18:13

Mabue a mvula ne makala a kapia, avua apatuka bu butoke buvua kumpala kuende, apanda mavuba makuatakane.

Misambu 46:6

Mvidi Mukulu udi mu tshimenga etshi. Nanku kabena mua kutshibutula. Butuku kabuyi buanji kutshia, ukadi uvua kutshiambuluisha.

Misambu 68:33

Nuenu bakalenga ba pa buloba, imbilayi Mvidi Mukulu misambu, tumbishayi Maweja-Nangila.

Misambu 78:26

Pashishe Mvidi Mukulu kupatula lupepela mu diulu, luseke ludi diba dipatukila, kuenzeja lupepela lua kuinshi kua ditunga bua lupepe bikole.

Ekesode 10:13

Moshe kuolola dikombu mu ditunga dia Ejipitu. Dituku adi too ne butuku, Maweja-Nangila kutuma lupepele lufumina kudi diba dipatukila. Butshia dinda, lupepele alu kupaluisha mpasu.

Ekesode 10:19

Maweja-Nangila kutuma lupepele lukole lufumina kudi diba dibuelela. Lupepele alu kuipata mpasu yonsu, kuyituma mu Mayi manene makunze. Mu ditunga dia Ejipitu ka-muvua mushale kabidi mpasu nansha umue to.

Ekesode 14:21

Butuku abu, Moshe kuolola tshianza pa mayi manene. Butuku bujima Maweja-Nangila kutuma tshipepela tshikole, tshifumina luseke ludi diba dipatukila. Tshipepela atshi kupandulula mayi manene, buloba buma kumueneka.

Yezekiyele 10:5

Mutoyi wa mapuapua a bakerubine uvua umvuika too ne mu lupangu lua pambelu pa nzubu wa Mvidi Mukulu. Mutoyi uvua mukole mufuanangane ne diyi dia Mvidi Mukulu wa bukole buonsu, padiye wakula.

Amosa 9:7

Maweja-Nangila udi wamba ne: “Bena Izrayele, nudi nuela meji ne: mushinga wenu ku mesu anyi, udi upita wa bena Kushe anyi? Nudi nuamba bimpe ne: ndi munupatule mu Ejipitu! Kadi bena Peleshete tshiena mubapatule mu Kaftore, ne bena Arame mu Kire anyi?”

Yona 1:4

Kadi Maweja-Nangila kutuma tshipepele tshikole pa mayi manene. Mavuala makole kujuka. Buatu buvua pamue ne kupandika.

Yona 4:8

Diba dimane kubanda, Mvidi Mukulu kutuma lupepele lua luya, lufumine ku luseke ludi diba dipatukila. Kupulalu mutshi awu. Munya mukole kuosha Yona mu mutu. Kusuaye kufua tshipuka. Nanku Yona kujinga lufu, wamba ne: “Mbimpe meme kufua pa mutu pa kushala ne muoyi.”