Yirmeya 51:1 - MUKANDA WA MYIDI MUKULU

¹ Maweja-Nangila udi wamba ne: “Nentume tshipepela tshikole tshidi mua kubutula ditunga dia Babilone, ne bantu bende.

Mukanda wa Nzambi Dihungila Dikulukulu ne Dihungila Dihia-dihia 2003

¹ Yehowa udi wamba ne, Monai, nembishile ba mu Babulona ne badi bashikame mu Lebe-kamai tshihehele tshidi tshibashi-ha.

Yirmeya 51:1 ပူးပေါင်းရင်းမြစ်များ

2 Bakalenga 19:7

Mukalenga neapete mukenji. Diba adi meme nemmuenzeje bua apingane mu ditunga diende. Meme nemmushipeshe mu ditunga diende amu.”

Misambu 137:8

Wewe Babilone wabutuki ewu, bantu bakupingajile bibi biudi mutuenzele, nebikale ne disanka!

Yeshaya 13:13

Diulu nedizakale, buloba nebunyungakane, dituku didi Maweja-Nangila muena bukole buonsu, uleja tshiji tshiende.

Yeshaya 14:14

Nembande pa mutu pa mavuba. Nemfuanangane ne Mvidi Mukulu, muena bukole buonsu.”

Yeshaya 21:1

Badi bamanyisha malu adi atangila Babilone, “Tshipela tshidi ku musulu.” Muena lukuna udi utumina ku tshipela, ku ditunga didi dikuatshisha bantu bowa, amu mudi mvunde ukosolola tshipela tshia Negebe.

Yeshaya 47:1

Maweja-Nangila udi wamba ne: Wewe Babilone, tuluka mu nkuasa webe wa lumu. Somba mu lupuishi. Eyowa, somba panshi pa buloba, bualu kutshiena mukalenga mukaji to. Udi mujimije mianzu yebe, kabatshiena bakuinyika ne: “Babilone, mukaji mulengele”, “Babilone, nsongakaji muimpe”.

Yirmeya 23:19

Mvunde mukole wafiki. Ke tshiji tshia Maweja-Nangila! Mvunde munene udi unyoka bena tshibawu.

Yirmeya 49:36

Ndi ntumina bena Elame mpepele musangu umue, ifuma ku ntengu yonsu inayi ya buloba. Nanku nembatangalaje nseke yonsu. Bena tshimuangi ba bena Elame nenubasangane mu matunga onsu.

Yirmeya 50:21

Maweja-Nangila udi wamba ne: Nuye kuluisha ditunga dia Maratime, nuluangane ne bena mu Pekode, nubashipe, nubabutule bonsu. Nukumbaje bionsu bimvua munutumine diyi.

Yirmeya 50:24

Wewe ditunga dia Babilone, mvua mukulongoluele buteyi! Buteyi kukukuata, kuyi nansha mua kudimuka! Bavua bakasangana mukuata mu buteyi! Bualu uvua unduisha meme Maweja-Nangila,”

Yirmeya 50:29

Nubikidishe bedi ba mikete bonsu. Nubatume baye kuluisha bena Babilone. Base mitanda yabu banyungulukile tshimenga. Muntu nansha umue kamonyi mua kunyema! Nupingajile bena Babilone bibi bivuabu benzelangana. Nubakengeshe muvuabu bakengeshangana. Bualu bavua badileja ne dikamakama kumpala kua Maweja-Nangila, Mvidi Mukulu wa tshijila wa bena Izrayele.

Yirmeya 50:33

Maweja-Nangila, Mvidi Mukulu wa Izrayele udi wamba ne: Bena Izrayele ne bena Yuda badi babakengesha kudi bantu badi babakuate mu bupika. Badi babalame ku bukole, babenga bua bapingane kuabu.

Yirmeya 50:9

Bualu nentume tshisumbu tshia bantu ba bisamba, bidi ne bukole, bua baluishi bena Babilone. Bantu abu nebafume ku mutu kua ditunga. Nebele mualu wa mvita, bakuate Babilone. Badi bela miketa ifika anu muaba udibu bakidila, amu mudi tshilobu tshia mvita katshiyi tshipingana bianza bitupu.

Yirmeya 51:53

Nansha bu Babilone mua kubanda mu diulu, kuya kusokoma muaba mukole, nentume baluishi bua bamupete, bamubutule muaba awu. Ke mundi meme Maweja-Nangila ngamba.

Yezekiyele 19:12

Kadi bavua bajula muonji awu ne tshiji, bawimansha panshi. Lupepepe lua kudi diba dipatukila, kumisha bimuma biawu, kumatabi panshi. Matamba mimpe awu kuuma. Bantu kuwosha muiku.

Osheya 13:15

Bena Efrayime nebavulangane munkatshi mua bana babu. Kadi, lupepele ludi lumisha bintu nelujuke, lufumina mu tshipela. Maweja-Nangila ke udi mutume lupepele alu. Nanku mayi a mu mpokolu neakame, mayi a mu mishimi neume, Lupepele neluambule bintu bionsu bia mushinga mukole bidi mu tshibutshilu.

Amosa 3:6

Badi mua kuela mpungi wa mvita mu tshimenga, bantu kabayi bakuatshika bowa anyi? Tshipupu tshidi mua kukuata tshimenga, Maweja-Nangila kayi mutshitume anyi?

Zekâya 2:8

Kuambilaye mutumibue muibidi awu ne: — Uye lubilu kudi nsongalume udi ne nshinga, umuambile ne: kabena mua kunyungulula tshimenga tshia Yerushalayime ne bimana, bualu bantu ne nyama nebikalemu bipite bungi.

Bienzedi 9:4

Kuponaye panshi. Kumvuaye diyi dimuebeja ne: — Shawule, Shawule, udi unkengeshila tshinyi?