Yirmeya 5:6 - MUKANDA WA MYIDI MUKULU

⁶ Nanku, nyama wa ntambue neapatuke muitu, abaluishe. Nyama wa tshimungu neapatuke mu mpata, abasunsule. Tshisumpa ntambue netshibaalamine pabuipi ne bimenga biabu. Netshipandulule bantu bonsu badi bapatukamu. Bualu bantu badi amu ne buenzavi. Badi bela Mvidi Mukulu nyima misangu mipite bungi kayiyi kubala.

Mukanda wa Nzambi Dihungila Dikulukulu ne Dihungila Dihia-dihia 2003

⁶ Nunku nyama wa ntambue wa mu ditu neabashihe, tshimungu tshia mu tshihela netshibabutule, nkashama neabalamine mu misoko yabo; muntu yonso wahatukamu neahandibue bihesa bihesa; bualu bua mibi yabo idi ya bungi, ne kundekela kuabo kuakutamba.

Yirmeya 5:6 ပူးပေါင်းရင်းမြစ်များ

2 Kulondolola 36:14

Kabidi balombodi ba batuangaji ba bena Izrayele bonsu, bavua anu batombokela Mvidi Mukulu. Bavua balonda bibidilu bibi bia bantu ba bisamba bikuabu bia kutendelela mvidie. Bavua banyanga nzubu wa tshijila, uvua Maweja-Nangila mudijidile mu Yerushalayime.

Ezela 10:10

Mutuangaji Ezra kuimana kulu, ubambila ne: — Bena Izrayele, nudi benze bibi bitambe panudi basele bakaji benyi. Ke bubi bukuabu bunudi basakidile ku bubi bua kale bua bankambua benu.

Ezela 9:6

kumutendelela ne: — Mvidi Mukulu wanyi, ndi ne bundu mesu tente! Mvidi Mukulu wanyi, tshiena mua kukuleja mpala wanyi. Mibi yetu idi ya bungi, mmibande too, mipite mitu yetu. Idi bu mikuna, mmiye too ne mu diulu.

Yobe 10:16

Kadi pandi mbanduluka, mpeta bukole, udi ungipata meme bu nyama wa ntambue, udi unzaza, wenza nansha malu a kukema, bua kunkuatshisha bowa.

Misambu 104:20

Udi utuma miidima, butuku buila, nyama ya muitu yendakana.

Misambu 80:13

Udi mutule lupangu luawu bua tshinyi? Bonsu badi bapita mu njila badi baupopola, bapola tumuma tuawu,

Yeshaya 1:23

Bamfumu benu bakadi bantomboji, badi bumvuangana ne bivi. Badi banyisha mabuejila, basue bonsu bua bantu babasankishe. Kabena bakuila bana ba nshiye ku kabadi! Kabena bateleja mukaji mukamba.

Yeshaya 59:12

Maweja-Nangila, misangu mivule, tuvua bakutombokele. Bilema bietu bidi bibipisha. Buntomboji buetu mbutulamate. Tudi bamanye bimpe ntupakanyi yetu.

Yirmeya 14:7

Bulelela bilema bietu bidi bibipisha. Kadi wewe Maweja-Nangila, utuambuluishe, anu bua dina diebe wewe. Tudi bakuenzele bibi misangu mivule. Tudi bakutombokele.

Yirmeya 2:15

Bena bisamba abi badi bakungula bu nyama ya lonji, badi baluisha bena Izrayele, badi babakanyina. mBanyangakaje ditunga dia bena Izrayele bikole, bikuate bowa. Mbuoshe bimenga bia bena Izrayele. Bantu kabena basamu kabidi to.

Yirmeya 2:17

Bionsu ebi mbienzeke, bualu nuenu bena Izrayele nudi badikebele diakabi. Nudi babenge Maweja-Nangila, Mvidi Mukulu wenu, uvua unulombola mu njila.

Yirmeya 2:19

Nuenu bena Izrayele, badi banunyoka bua bubi buenu. Badi banukengesha bualu nudi bantomboji! Nenku, mimanye ne: kulekela Maweja-Nangila Mvidi Mukulu wenu, kubenga kumutshina, mbualu butambe bubi. Meme Maweja-Nangila Mvidi Mukulu wa bukole buonsu, ndi njadika nanku. eku ne eku

Yirmeya 2:31

(Bantu badi babala bualu ebu mpindiewu, bateleje bimpe tshidi Maweja-Nangila wamba!) Bena Izrayele, meme Maweja-Nangila ndi nnukuatshisha bowa mudi tshipela nansha mudi ditunga didi ne miidima bikuatshisha bantu bowa anyi? Eyi, bantu banyi bena Izrayele, mmunyi munudi nuamba ne: “Tudi tuenza mutudi basue, katuena tupingana kuudi!”

Yirmeya 25:38

Maweja-Nangila udi mushiye ditunga diende, mudi nyama wa ntambue ushiya muaba utuye ulala. Ditunga diabu ndiandamuke tshipela, bualu bua mvita mibi, ne bua tshiji tshikole tshivua Maweja-Nangila natshi.

Yirmeya 30:14

Nansha bantu bavua bakunanga, kabena bakuvuluka kabidi to! Kakuena muntu udi ukufuila luse to. Bualu ndi mukunyoke, mudileje bu muluishi webe. Ndi mukutuute bibi.

Yirmeya 30:15

Udi udila bua makenga audi nawu, bua mputa ivuabu bakutapa bua tshinyi? Ndi mukunyoke nanku, bualu bubi buebe mbunene, mibi yebe nya bungi.

Yirmeya 30:24

Tshiji tshikole tshia Maweja-Nangila, katshiena tshijika, kayi muanji kuenza bionsu bivuaye muambe. Dituku dikuabu nenujingulule mudi Maweja-Nangila wenza nanku.

Yirmeya 4:7

Nyama wa ntambue kupatuka, ufumina mu tshipuka muvuaye. Mubutudi wa bisamba bia bantu udi mu njila. mMumbuke mu diende ditunga bua kunyangakaja ditunga dienu. Bimenga bienu nebibutuke, nebishale munda mutupu.

Yirmeya 49:19

Maweja-Nangila udi wamba ne: “Nengikale bu nyama wa ntambue, udi upatuka mu metu adi ku muelelu wa Yardene, uya muaba muimpe wa kuikishila mu tshipela, muaba utshidi ne biakudia. Nennyemeshe bantu bonsu badi muaba awu musangu umue. Mu ditunga dia Edome nenteke mukalenga undi musungule. Bualu, udi mutufuane meme nnganyi? Udi mua kungasa tshilumbu nnganyi? Mulombodi udi mua kuntuila nkanana udiku anyi?”

Yirmeya 8:5

Kadi, bena mu Yerushalayime badi bapambuke mu njila, kabena bapingana mu njila bua tshinyi? Badi anu batungunuka ne kutendelela mvidie ya tshianana? Kabena basue kupingana kundi.

Yirmeya 8:7

Nyunyi wa kasonga nyunyi udi mumanye tshikondu tshidiye umuangala. Nyunyi wa nkutshi, kandindi, ne nyunyi wa mudinga, idi anu mimanye diba dia kupingana. Kadi, bantu banyi bena Izrayele, kabena bamanye mikenji yanyi meme Maweja-Nangila.

Muadi 1:5

Baluishi bende mbamupite bukole. Badi bamutshimuna mbasombe talalaa. Maweja-Nangila ke udi ukengesha Siyone, bualu malu ende mabi adi a bungi. Badi bamutshimune badi basaka bana bende, baya nabu mu bupika.

Yezekiyele 16:25

Ku tshibuelelu tshia musesu onsu, wewe kuasa tshibumba. Wewe kuela bulenga buebe mu bitotshi, kuleja muntu yonsu utua upita mu njila butaka buebe. Wewe kuenda tshiendenda, kuyi ulekela.

Yezekiyele 22:27

Balombodi benu badi bashipangana anu bua kunema, bu mudi nyama ya lonji ishipa nyama, iyipandabipese bipese.

Yezekiyele 23:19

Kadi kuvuaye kuenda tshiendenda kupitshisha. Kuenzaye bibi anu muvuaye muenze ku bunsongakaji buende mu Ejipitu.

Danyele 7:4

Nyama wa kumpala uvua mufuanangane ne ntambue, kadi uvua ne mapuapua bu nyunyi wa tshiminyi. Pantshivua mutangile, kutulabu mapuapua ende. Kumuelabu panshi, kumuimanyika pa mikonu ibidi ya nyima bu muntu. Kupetaye lungenyi lua muntu.

Danyele 7:6

Pashishe meme kumona nyama mukuabu, uvua mufuanangane ne nkashama. Uwa ne mapuapua anayi bu a nyunyi panyima pende, kabidi ne mitu inayi. Kupetaye bumfumu.

Osheya 5:14

Bualu meme Maweja-Nangila ndi nduisha bena Efrayime, bu mudi nyama wa ntambue. Ndi nduisha bena Yuda, bu mudi nyama wa tshikisu. Anu meme, meme nkayanyi, ke udi ubasunsula. Ndi ngambula minyinyi yabu. Kakuena udi mua kunnyenga minyinyi ayi to.

Abakuke 1:8

Nyama yabu ya tubalu mmipite ya nkashama ku lubilu. Idi ne lonji lupite lua nyama ya bimungu idi yenda ne nzala. Babandi babu ba pa tubalu, badi bafumina kule, benda batupika. Badi ne lubilu bu lua nyunyu ya mikanku, idi imona nyama wa kudia, yikila ne lukuka pambidi pende.

Sefanya 3:3

Bamfumu ba tshimenga etshi badi bu nyama ya ntambue idi ikungula. Balumbuluishi babu badi bu bimungu, bidi bikeba biakudia dilolu. Kadi kabiena bishiya tshintu tshia kudia mu dinda.

Dibadika 32:14

Kadi mpindiewu, nuenu bena buenzavi, nudi basue kulonda amu meji mabi a bankambua benu, bua Maweja-Nangila afikile kabidi bena Izrayele munda.

Didimanyisha 13:2

Nyama umvua mumone uvua bu nkashama, mikolu yende bu ya nyama wa urse, ne mukana muende bu mua ntambue. Nyoka wa tshidika uvua mumupeshe bukole buende, nkuasa wende wa bukalenga, ne bumfumu buende bunene.