Yirmeya 48:9 - MUKANDA WA MYIDI MUKULU

⁹ Longololayi lukita lua Mowabe. Bualu neabutuke kamuyi mpata. Bimenga biende nebinyanguke. Nebishale kabiyi ne bantu.

Mukanda wa Nzambi Dihungila Dikulukulu ne Dihungila Dihia-dihia 2003

⁹ Nuhe Moaba mahuahua, bua yeye ahahale, anyeme. Misoko yandi neyilue bikulu, kayiyi ne bantu ba kushikamamu.

Yirmeya 48:9 ပူးပေါင်းရင်းမြစ်များ

Misambu 11:1

Musambu wa mu mukanda wa mulombodi wa misambu, kabidi wa mu mukanda wa misambu ya Davide. — Ndi nsokoma kudi Maweja-Nangila. Munudi nungamba ne: “Buuka bu nyunyi mu mikuna” mmunyi?

Misambu 55:6

Ndi ntshina, ntutakaja menu, mubidi umvuayila.

Yeshaya 16:2

Bakaji ba bena Mowabe, badi bimane ku bisabu bia musulu wa Amone, amu bu mudi tunyunyi tupapalala, padibu batuipata mu disua diatu.

Yirmeya 44:22

Nansha kakese! Maweja-Nangila kavua mua kuanyisha kabidi malu mabi enu. Ke pavuaye mubutule ditunga dienu, mudinyangakaje, bantu kabayi base kabidi mu ditunga edi. Dikadi dikuatshisha bowa. Dikadi bu tshilejilu tshia kutshipa natshi bantu. Nuenu bonsu nudi mua kujadika tshidiye wamba.

Yirmeya 46:19

Bena Ejipitu, suikayi bintu bienu. Nukadi pa kuya mu ditunga dia bende mu bupika! Bualu tshimenga tshia Memfise netshikale tshipela tshidi tshienza bowa, muaba udi bantu kabayi mua kuasa.

Yirmeya 48:28

Umukayi mu bimenga bienu, nuenu bena Mowabe. Nuase mu mbuebue nuidikije nyunyi ya nkutshi, idi yenza masua ayi ku mushiku wa lubuebue.

Sefanya 2:9

Meme Maweja-Nangila wa bukole buonsu, Mvidi Mukulu wa bena Izrayele, ndi nditshipa ne: bu mundi ne muoyi, ndi njadika bulelela ne: nebabutule ditunga dia bena Mowabe ne dia bena Amone, bu muvuabu babutule tshimenga tshia Sodome ne tshia Ngomore. Buloba buabu nebushale tshipela tshiendelele. Nemuikale amu meba ne bina bia luepu. Bantu banyi badi bashale ne muoyi, nebafike bua kubapawula, ne bua kukuata ditunga diabu.”

Didimanyisha 12:14

Kadi mukaji uvua mupete mapuapua abidi bu a nyunyi wa tshiminyi. Kubuukaye nawu mu tshipela too ne ku muaba wende, uvuabu ne bua kumudishila bidimu bisatu ne tshitupa, muaba uvua nyoka kayi mua kumupeta.