Yirmeya 48:7 - MUKANDA WA MYIDI MUKULU

⁷ Mowabe, wewe udi udimona ne bukole, ne bintu bia bungi. Kadi nebakukuate wewe kabidi! Kemoshe, mvidie webe, neaye mu ditunga dia bende mu bupika, kabidi ne batuangaji bebe, ne balombodi ba mu bukalenga buebe.

Mukanda wa Nzambi Dihungila Dikulukulu ne Dihungila Dihia-dihia 2003

⁷ Bualu bua wakueyemena bienzedi bia bianza biebe ne luhetu luebe, nebakukuate wewe kabidi; nebaye ne Kemoshe mu buhika, ne bakuidi bandi ne baminyampala bandi.

Yirmeya 48:7 ပူးပေါင်းရင်းမြစ်များ

2 Samuele 5:21

Pavua bena Peleshete banyema, bavua bashiya mpingu yabu muaba awu. Davide ne bantu bavuaye nabu kuyambula.

1 Bakalenga 11:33

Nengenze nanku, bualu bena Izrayele mbambenge. Badi batendelela Astarte, mvidie mukaji wa bena Sidone, Kemoshe mvidie wa bena Mowabe, ne Milkome, mvidie wa bena Amone. Kabena balonda njila umvua mubaleje to. Kabena bangenzela bimpe. Kabena batumikila meyi anyi ne mikenji yanyi bimvua mubambile. Kabena babikumbaja bu muvuabu babikumbaja kudi Davide, tatuende wa Shelomu.

1 Bakalenga 11:7

Tshikondu atshi, Shelomu kulongoluela Kemoshe, mvidie mubi wa bena Mowabe, muaba wa tshijila pa mukuna uvua mutangilangane ne Yerushalayime. Kulongololaye kabidi Milkome, mvidie mubi wa bena Amone, muaba wa tshijila.

Misambu 40:4

Kundongeshaye musambu mupiamupia, musambu wa dimutumbisha yeye, Mvidi Mukulu wetu. Ba bungi nebaumvue, batekemena kudiye. Nebajadike mudi Maweja-Nangila ne bumfumu.

Misambu 52:7

Nenku Mvidi Mukulu neakubutule kashidi, neakukuate, akuipate kuebe, neakumbushe pa buloba patudi apa,

Yirmeya 13:25

Maweja-Nangila udi wamba ne: Yerushalayime, ke mudibu ne bua kukuenzela wewe kabidi. Bualu udi mundekele, mudifile kudi mvidie ya patupu. Teleja mundi musue kukunyoka.

Yirmeya 43:12

Neoshe nzubu ya mvidie ya bena Ejipitu. Neoshe ne mpingu mene ya mvidie, nansha neaye nayi kuende. Neapawule ditunga dia Ejipitu, anu bu mudi mulami wa mikoku umusha nkusu yonsu mu tshilamba tshiende. Pashishe, neapingane kuende kakuyi udi mua kumuela diyi.

Yirmeya 48:13

Nebafuishe Mowabe bundu kudi mvidie wende Kemoshe, muvuabu bafuishe bena bukalenga bua bena Izrayele bundu kudi mvidie wabu wa ku Betele uvuabu batekemena bikole.

Yirmeya 48:46

Nuenu bena Mowabe, nudi bena diakabi. Nuenu bavua batendelela mvidie wa Kemoshe, nudi nufua. Bana benu ba balume ne ba bakaji badi babakuata mu lukanu, baye nabu.

Yirmeya 49:3

Nuenu bena Eshebone dilayi muadi. Nuambe ne: “Tshimenga tshia Ayi ntshibutuke.” Nuenu misoku idi mutumba ne Raba, lombayi bua banuambuluishe. Luatayi bilamba bia lufuila. Dilayi muadi. Lambakanayi mu lupangu eku ne kuaka: mvidie Milkome udi uya mu ditunga dia bende mu bupika, pamue ne batuangaji bende ne balombodi ba mu bukalenga.

Yirmeya 49:4

Eyi, wewe Raba mushikankunde mutomboke, uvua uditambisha bua bintu bivule bidi mu tshibandabanda tshia mushinga mukole. Uvua ukonka ne: “Udi mua kunduisha nnganyi?”

Yirmeya 9:23

Pikala muntu musue kuditambisha, aditambishe anu pikalaye mummanye meme Maweja-Nangila, kabidi mumanye ne: meme Maweja-Nangila ndi ne luse, ndi nkosa nsambu pa yoyi, ndi nkumbaja malaya anyi pa buloba bujima. Bantu ba mushindu ewu, ke badi bansankisha.” Ke mudi Maweja-Nangila wamba nanku.

Osheya 10:13

Kadi, nuenu bena Izrayele, nuvua benze malu mabi. Ke munuvua bapete malu mabi. Nuvua nukinangana, ke munuvua bapete lukinu. Nuenu bena Izrayele, nuvua batekemene matempu enu a mvita, ne bena myita ba bungi banudi nabu.

Dibadika 21:29

Nuenu bena Mowabe, diakabi kaayi! Nudi nutendelela Kemoshe! Nuabutuki! Balume bavua bapanduke, kabidi ne bakaji, bonsu mbabakuate, mbabafile kudi Sihone, mukalenga wa bena Amore.

1 Timote 6:17

Ambila bena biuma bia panu, bua kabaditambishi, kabatekemenyi biuma ebi bia lupitapita. Kadi batekemene kudi Mvidi Mukulu udi utupetesha bionsu bitudi tukengela bua tuetu kusanka nabi.

Didimanyisha 18:7

Numubungamije, munukengeshe, bilondeshile muvuaye uditemba bua lumu ne bubanji bivuaye nabi. Uvua udiamba ne: ‘Meme apa ndi Mukalenga mukaji. Tshiena mukamba to. Makenga kaakunkuata to.’

Balombodi 11:24

Kuena ne buebe buloba buvua mvidie webe Kemoshe mukupe anyi? Nanku tuetu kabidi, tudi ne buetu buloba, buvua Maweja-Nangila muanyishe bua tuetu kubukuata.