Yirmeya 48:3 - MUKANDA WA MYIDI MUKULU

³ Bena mu tshimenga tshia Oronayime nebalombe diambuluisha, bela miyenga ne: “Badi batubutula! Badi banyanga bantu!”

Mukanda wa Nzambi Dihungila Dikulukulu ne Dihungila Dihia-dihia 2003

³ Unvuai! Tshiona tshia muadi tshidi tshifuma ku Holonayima, ntshia kubutuka ne kuhaula kunene!

Yirmeya 48:3 ပူးပေါင်းရင်းမြစ်များ

Yeshaya 15:2

Bena mu Dibone badi baya muaba wabu wa tshijila bua kudila. Bena Mowabe kuela miyenga, pa mukuna wa Nebo ne mu tshimenga tshia Medeba. Badi bakungula mu mitu, babeya miedi.

Yeshaya 15:5

Ndi ndila, nkeba badi mua kuambuluisha bena Mowabe. Bena Mowabe badibu bipata, badi banyema too ne ku Soware, ne ku Eglate-Shelishiya. Badi benda babanda ku Lukite. Bakuabu badi banyema ku njila wa ku Oronayime, bela mbila ya dikenga.

Yeshaya 15:8

Badi bumvua mbila ya miyenga, nseke yonsu mu ditunga dia Mowabe. Miadi idi yumvuika, too ne ku Eglayime, ne ku biina bia Elime.

Yeshaya 22:4

Ke pandi nkuambila ne: “Kutangidi bualu buanyi to. Undekele, ndile bikole. Lekelayi kuditatshisha bua kunsamba, bua bana betu bonsu bavuabu bashipe.

Yirmeya 20:16

Muntu ewu ikale bu bimenga bivua Mvidi Mukulu munyange kayi ne luse. Dinda muntu ewu umvue anu miadi! Munda munya umvue anu mitoyi ya mvita!

Yirmeya 47:2

Maweja-Nangila udi wamba ne: Mayi manene adi afuma ku mutu kua ditunga adi ne muenji mukole, apasalala mu ditunga, mu madimi, mu bimenga ne mu nzubu ya bantu. Bantu bonsu badi bela miyenga. Bena ditunga badi badila miadi.

Yirmeya 48:34

Bena Eshebone badi balomba diambuluisha. Bantu badi bumvua mbila yabu too ne ku Elale. Badi bumvua diyi diabu too ne ku Yakase, kabidi biangatshile ku Soware too ne ku Oronayime ne ku Eglate-Selishiya. Bualu nansha mpokolu wa ku Nimrime ukadi muume.

Yirmeya 48:4

Mowabe mmubutuke! Muadi wende udi umvuika too ne ku Soware.

Yirmeya 48:5

Bantu badi bashale ne muoyi nebabande ku mukuna wa Lukite, badila. Badi bapueka ku tshimenga tshia Oronayime, nebele mbila ya dikenga ne:

Yirmeya 51:54

Telejayi: Bantu badi bumvua mbila, ifuma mu Babilone. Mutoyi munene wa muadi udi mu ditunga dijima.