Yirmeya 48:1 - MUKANDA WA MYIDI MUKULU

¹ Maweja-Nangila wabukole buonsu, Mvidi Mukulu wa Izrayele udi umanyisha mukenji udi utangila bena Mowabe, wamba ne: Bena Nebo nebakenge! Tshimenga tshiabu netshinyanguke! Bena Kiriyatayime nebafue bundu. Nebakuate tshimenga tshiabu. Bena Mowabe nebafue bundu, kabakuikala ne bukole kabidi!

Mukanda wa Nzambi Dihungila Dikulukulu ne Dihungila Dihia-dihia 2003

¹ Bualu bua Moaba. Yehowa wa misumba, Nzambi wa Isalele, udi wamba ne, Mulau wikale kudi Nebo! Bualu bua udi munyanguke; Kîyata-ayima udi mukuatshike bundu, udi munyengibue; muaba udibo bakolesha ne bielelu bia nvita udi mukuatshike bundu, bakûtamba bukole.

Yirmeya 48:1 ပူးပေါင်းရင်းမြစ်များ

Genese 14:5

Mu tshidimu tshia dikumi ne tshinayi, Kedorlayomere ne bakalenga bavuaye mudie nabu bulunda, kuluisha bena Refayime mu Ashetarote-Kamayime, bena Zuzime mu Ame, ne bena Emi mu mpata ya Kiriyatayime, kupitabu bakalenga bonsu abu bukole.

Genese 19:37

Muanabute kulela muana wa balume, kumuinyika dina ne: Mowabe. Yeye ke nkambua wa bena Mowabe batudi nabu lelu.

2 Kulondolola 20:10

Nanku mpindiewu, tangila bena Amone, bena Mowabe, ne bena Edome, badi batuluisha. Pavua bankambua betu bapatuke mu Ejipitu, uvua mubakandike bua kabafiki mu buloba bua bantu aba to. Bankambua betu bayile njila mukuabu. Kabavua bababutula to.

Yeshaya 25:10

Tshianza tshia Maweja-Nangila, tshidi tshilama bimpe mukuna wa Siyone!” Kadi nebadiatakaje bena Mowabe. bu bisosa bidibu badiata ku makasa, mu tshiina tshia bufuke.

Yeshaya 25:12

Maweja-Nangila neabumbule bimana, ne nzubu mile ivua bena Mowabe bakoleshe, neabiele panshi mu lupuishi, abilandakaje.

Yeshaya 27:3

“Meme Maweja-Nangila, ndi mulami wa budimi. Ndi ngelamu mayi pa diba, ndi mbulama munya ne bufuku, bua muntu nansha nyama kabunyangi.

Yirmeya 25:21

— ke bena Edome, bena Mowabe ne bena Amone;

Yirmeya 27:3

Pashishe, uyitume kudi mukalenga wa bena Edome, wa bena Mowabe, wa bena Amone, kudi mukalenga wa bena Tire, too ne kudi mukalenga wa bena Sidone. Bua bakalenga aba bayipete, ufile mitshi eyi kudi bamienampala ba bakalenga abu bavua bafika mu Yerushalayime bua kumonangana ne Sedekiya mukalenga wa bena Yuda.

Dibadika 24:17

“Ndi mmona malu adi ne bua kuenzeka. Kadi, kaena enzeka mpindiewu to. Ndi njadika ne: kudi bualu, kadi kabuena pabuipi to: Mutotu neupatuke mu ndelanganyi ya Yakobe. Mukalenga nealedibue mu tshisamba tshia bena Izrayele. Neatuute bena Mowabe dikombu ku mbanga. Bantu badi bendakanyi mu ditunga neababoze mutu.

Dibadika 32:3

— Bimenga ebi, Atarote, Dibone, Yazere, Nimra, Eshebone, Elale, Sebame, Nebo ne Beyone,

Dibadika 33:47

Bumuka mu Almone-Diblatayime, kuyabu ku mikuna ya Abarime, ivua mitangilangane ne mukuna wa Nebo.

Yoshua 13:19

Kiriyatayime, Sibma, Serete-Shakare pa kakuna kadi katangilangana ne tshibandabanda,