Yirmeya 45:3 - MUKANDA WA MYIDI MUKULU

³ Udi udila muadi ne: “Akia! Malu anyi onsu adi amu mabi! Meme mudianjile kuikala ne ntatu ya bungi, Maweja-Nangila, untumina kabidi mikuabu. Ndi mupungile ntua mikemu, tshiena ne dikisha nansha dikese!”

Mukanda wa Nzambi Dihungila Dikulukulu ne Dihungila Dihia-dihia 2003

³ Wewe wakuamba ne, Ndi ne mulau: Bualu bua Yehowa wakutentekasha kanyinganyinga ha mutu ha dikenga dianyi; ndi muhungile ne kutua kuanyi kua mikemu, ne tshiena mpeta dikisha.

Yirmeya 45:3 ပူးပေါင်းရင်းမြစ်များ

Yobe 23:2

Tshivua musue bua bantu bumvue mikemu yanyi. Kadi nansha mpindiewu, ntshidi ntua anu mikemu.

Misambu 120:5

Pandi nsomba mu ditunga dia Mesheke, ne mu nzubu ya ntenta ya bena Kedare, ndiakabi dianyi.

Misambu 27:13

Meme tshiyi mujadike ne: Maweja-Nangila mmunange, mungasomba bimpe mu buloba ebu mbishi?

Misambu 42:7

Mvidi Mukulu wanyi, muoyi wanyi udi ne dibungama. Ke pandi nkutendelela, nansha meme musombe mutantshi mule ne nzubu webe, mu mikuna ya Ermone, pabuipi ne Mukuna-Muipi, ku mpokolu ya musulu wa Yardene.

Misambu 6:6

Meme mufue, tshiakukuvuluka kabidi to. Mu kandondu ka bafue wakutumbisha nnganyi?

Misambu 6:7

Mikemu yanyi mmimpungije. Butuku bujima ndi ndila amu kudila, mbolesha bulalu buanyi ne binsonji.

Misambu 69:3

Ndi mudine mu lunteka ludi kaluyi ne muaba wa kuimana. Ndi munkatshi mua dilembua, mayi ampuekesha.

Nsumuinu 24:10

Paudi utekesha mu maboku diba diudi mu dikenga, bukole buebe mbumane kujika!

Yirmeya 45:2

— Maweja-Nangila Mvidi Mukulu wa Izrayele udi ukuambila wewe Baruke ne:

Yirmeya 8:18

Ndi ne kanyinganyinga kakole. Kakuena mushindu wa kujikija kanyinganyinga kanyi to.

Yirmeya 9:1

Eyi, bu meme mu tshipela, muaba udi bena luendu bikishila, mvua mua kubenga bantu banyi bena Izrayele, mvua mua kubashiya kashidi. Bualu mbantu batomboke. Bonsu badi amu babenga Maweja-Nangila.

Muadi 1:13

Uvua mutume kapia ka mu diulu. Kukabuejaye munda muanyi. Kungelaye buteyi ku makasa, kunshindishaye tshianyima. Kunnyingalajaye bikole. Ndi amu nsama matuku onsu.

Muadi 1:22

Tangila bimpe tshikisu tshiabu. Ubenzele muuvua mungenzele meme, bua malu mabi anyi onsu. Mona mundi ntua mikemu. Ndi ne kanyinganyinga kakole.

Muadi 3:32

Nansha yeye ukengesha muntu, udi umufuila luse, bualu buimpe buende mbupite bunene.

2 Korente 4:1

Mvidi Mukulu mmutufuile luse, mutupeshe mudimu ewu. Ke patudi katuyi mua kuteketa mu maboku.

2 Korente 4:16

Ke patudi katuyi tuteketa mu maboku. Nansha bukole bua mubidi buenda buteketa ku kakese ku kakese, muoyi utudi tupeta kudi Mvidi Mukulu udi wenda ukola ku dituku ku dituku.

Ngalate 6:9

Tuenze amu malu mimpe, katuyi tupungila, katuyi tuteketa mu maboku. Nanku pakumbana tshikondu, netunowe.

2 Tesalonike 3:13

Bana hetu, nuenu kabidi kanupungidi bua kuenza malu mimpe.