Yirmeya 41:9 - MUKANDA WA MYIDI MUKULU

⁹ Tshiina tshia mayi tshivua Ishemayele muele bitalu bia bantu aba bavuaye mushipe, tshivua tshiina tshinene tshivua mukalenga Asa mutume diyi bua kumbula, pavuaye uluangana mvita ne Basha, mukalenga wa Izrayele. Ishemayele uvua mutshiuwuje ne bitalu.

Mukanda wa Nzambi Dihungila Dikulukulu ne Dihungila Dihia-dihia 2003

⁹ Dina adi diakadi Yishemaele welamu bitalu bia bantu bakashiheye, hehi ne tshitalu tshia Gedaliya, diakadi dina dinene dia mai diakumbulabo kudi Mukelenge Asa bua ditshina diandi dia Bâsha, mukelenge wa Isalele. Yishemaele, muana wa Netanya, wakadiûsha ne bitalu bia bantu bakashiheye.

Yirmeya 41:9 ပူးပေါင်းရင်းမြစ်များ

2 Samuele 17:9

Bulelela, mpindiewu udi mua kuikala musokome mu lubuebue, nansha muaba mukuabu. Pikalabu badianjila kushipa bantu bakuabu ba munkatshi muetu, lumu neluye ne: Mbatshimune bena mvita ba Absalome.

Yeshaya 14:19

Kadi wewe mbakuimanshe pambelu, mbakupale lukita bua kukujikamu. Udi mufuanangane ne muana, udibu balela mufuile munda, ukuatshisha bowa. Udi mufuanangane ne tshitalu, tshidibu badiatakaja ku makasa. Mbakubuikile bitalu bia bantu, bavuabu bashipe ku muele. Kadi bobu bavua babajika mu lukita lua mabue,

Ebrewu 11:38

Buloba kabuvua buakanyine bantu abu! Bavua bendakana mu bipeta ne mu mikuna, basomba mu mbuebue ne mu mena mu buloba.

Balombodi 6:2

Bena Madiyane kukengesha bena Izrayele bikole. Bua kunyema bena Madiyane, bena Izrayele kuya kusokoma mu milundu, mu njila ya mu mbuebue, ne mu miaba mikuabu ya mu mikuna mipulumuke.

1 Samuele 13:6

Bena Izrayele bamone baluishi bamane kubafinakaja, kuyabu kusokoma ku mikuna mu biina, mu mikela, mu mbuebue, mu nyongolu ne mu milundu.

1 Samuele 14:11

Bonsu babidi, kuya kudileja kudi bena Peleshete. Bobu abu kuambilangana ne: “Akia! Monayi bena Ebrewu bapatuke mu biina muvuabu basokome.”

1 Samuele 14:22

Bena Izrayele bakuabu bonsu, bavua basokome mu buloba bua mikuna bua Efrayime, kumvuabu lumu ne: bena Peleshete mbanyema bena Izrayele. Ke kutuadijabu kulondakaja bena Peleshete, benda babaluisha.

1 Samuele 24:3

Kusungulaye bantu binunu bisatu, munkatshi mua bena mvita ba bena Izrayele. Kuyaye nabu, wenda ukeba Davide ne bantu bende, bavua basokome pabuipi ne lubuebue lua mbuji wa mpumbu.