Yirmeya 41:5 - MUKANDA WA MYIDI MUKULU

⁵ Nanku bantu balume makumi muanda mukulu ba ku Shekeme, ba ku Shilo, ne ba ku Samariya, kufika. Bavua babeya miedi, bavuale bilamba bipandike, baditape mputa pambidi. Bavua bambule milambu ya ntete ya kuenza bukula, ne ya musenga wa kamonya, bua kuya kulambula Maweja-Nangila mu nzubu wende wa mu Yerushalayime.

Mukanda wa Nzambi Dihungila Dikulukulu ne Dihungila Dihia-dihia 2003

⁵ bantu makumi muanda mukulu bakafuma ku Shekeme, ku Shilo ne ku Samalea, bikale ne miedi yabo mibeya ne bilamba biabo bihandika, baditahe ne mputa kabidi, bakalua ne milambu ya bia kudia ne ya musenga wa manananshi mu Dianza biabo bua kubifila mu nsubu wa Yehowa.

Yirmeya 41:5 ပူးပေါင်းရင်းမြစ်များ

Genese 33:18

Yakobe ufumina ku tshitupa tshia Mezopotamiya tshia ku mutu kua misulu, kufikaye anu bimpe mu ditunga dia Kenaane mu tshimenga tshia Shekeme. Kuasaye mitanda pabuipi ne tshimenga atshi.

Genese 34:2

Shekeme, muana wa Amore, mfumu wa bena Iti umona Diina, kumubuelelaye mu nzubu ku bukole.

Genese 37:12

Bana babu ne Yozefe bavua baye kudisha bimuna bia tatuabu pabuipi ne Shekeme.

2 Samuele 10:4

Nanku Anune kutuma diyi, bua bakuate balombodi ba mu bukalenga bua Davide. Kubakuatabu, kubabeya miedi luseke lumue. Kubakosabu bilamba bivuabu bavuala, kushalabi bishikidila pa mataku. Kubalekelabu bua bapingane kuabu.

1 Bakalenga 12:1

Robowame kuya ku Shekeme, bualu ke muaba uvua bisamba bionsu bia ku mutu bifike bua kumubanjija mu bukalenga.

1 Bakalenga 12:25

Yerobowame kukoleshisha tshimenga tshia Shekeme ne bimana, mu buloba bua mikuna bua Efrayime. Kusombaye mu tshimenga atshi. Pashishe, kumukaye mu Shekeme, bua kuya kukolesha kabidi tshimenga tshia Penuyele ne bimana.

1 Bakalenga 16:24

Pashishe, kuyaye kusumba mukuna wa Samariya kudi Semere. Uvua muusumbe ku nkanu mitoke ya mushinga mukole binunu bisambombu. Omri kuasa tshimenga pa mukuna awu. Kuinyikaye tshimenga atshi dina dia Samariya, bilondeshile dina dia Semere, uvua muena mukuna awu.

1 Bakalenga 16:29

Mu tshidimu tshia makumi asatu ne muanda mukulu tshivua Asa mu bukalenga bua bena Yuda, Akabe, muana wa Omri, kupiana bukalenga mu Izrayele. Akabe kushala mu bukalenga mu tshimenga tshia Samariya, bidimu makumi abidi ne bibidi.

2 Bakalenga 25:9

Nebuzaradane kuosha nzubu wa Mvidi Mukulu, nzubu wa bukalenga, ne nzubu mikuabu ya mu tshimenga, nangananga nzubu yonsu ya bantu bamanyike bikole.

1 Kulondolola 19:4

Nanku, Anune kukuatshisha balombodi ba mu bukalenga bua Davide abu. Kubabeyabu miedi. Kukosabu bilamba bivuabu bavuale, kushalabi bishikidila pa mataku. Kubalekelabu bua bapingane kuabu.

Misambu 102:14

Wewe neujuke, neufuile Siyone luse, bualu diba dia kumuambuluisha ndimane kukumbana. Eyowa, diba diuvua muambe ndimane kufika.

Misambu 78:60

Kushiyaye nzubu wende wa Silo, ntenta uvuaye musombe munkatshi mua bantu.

Yeshaya 15:2

Bena mu Dibone badi baya muaba wabu wa tshijila bua kudila. Bena Mowabe kuela miyenga, pa mukuna wa Nebo ne mu tshimenga tshia Medeba. Badi bakungula mu mitu, babeya miedi.

Yirmeya 16:6

Nanku, mu ditunga edi bantu bonsu, bena biuma ne bapele, nebafue. Bantu kabakubajika, kabakubadila. Kakuakuikala muntu udi mua kunyingalala, kuditapa mputa pambidi, nansha kudibeya nsuki.

Yirmeya 41:4

Bobu bamane kushipa Ngedaliya, kupita matuku abidi, bantu kabavua banji kumanya bua lufu luende alu to.

Yirmeya 47:5

Bena Ngaza mbakungule mu mitu, badi mu madilu. Bena mu Askalone mbashale bapuwa ne kanyinganyinga. Nuenu ndelanganyi ya bantu ba mpolondu. Nenuditape mputa pambidi too ne ku diba kaayi?

Yirmeya 48:37

Bantu balume bonsu neakungule nsuki, babeya miedi yabu. Bavua batapa nsalu ku bianza biabu bienza mputa, bavuale bilamba bia lufuila.

Yirmeya 7:12

Nuye ku Shilo, muaba wanyi wa tshijila umvua nsomba kale. Nenumone mundi munyangakaje muaba ewu bua buenzavi bua bantu banyi bena Izrayele.

Yirmeya 7:14

Nanku, nzubu wanyi ewu, nzubu unudi nutekemena, nzubu umvua mupeshe bankambua benu, munupeshe ne nuenu, ndi musue kumunyangakaja bu mumvua munyangakaje Shilo.

Yowele 2:13

Pandayi mioyi yenu, kanupandi bilamba.” Eyowa, nupingane kudi Maweja-Nangila Mvidi Mukulu wenu. Udi ununanga, unufuila luse, udi ne lutulu lua bungi, udi wenzela bantu bimpe kayi upungila, ujinga amu kulengulula bivuaye ukanyina nabi bantu.

Dielulula 14:1

Nuenu bena Izrayele, panudi mu madilu, kanuena mua kuditapa nsalu, nansha kukungula pa lubombu to. Bualu nudi bana ba Maweja-Nangila Mvidi Mukulu wenu.

Yoshua 18:1

Bena Izrayele bamane kukuata ditunga, kudisangishabu bonsu mu Silo. Kuasabu ntenta wa kusambakena muaba awu.

Yoshua 24:32

Nanku mifuba ya Yozefe ivua bena Izrayele bumuke nayi mu Ejipitu, kuyijikabu mu Shekeme, mu buloba buvua Yakobe musumbe ku nkanu ya tshiamu tshitoke tshia mushinga mukole lukama. Uvua mubusumbe kudi ndelanganyi ya Amore uvua muase tshimenga tshia Shekeme. Buloba abu kushala mu dina dia ndelanganyi ya Yozefe.

Balombodi 18:31

Bena Dane bavua anu batendelela lupingu lua Mika matuku onsu awa muaba wa tshijila wa Mvidi Mukulu mu Silo.

Balombodi 9:1

Abimeleke, muana wa Yerubaale (mmumue ne: Ngideyone), kuya ku Shekeme, bua kuyukila ne bamansebende, kabidi ne bena nzubu wa mamuende bonsu. Kubambilaye ne:

1 Samuele 1:7

Nanku ku tshidimu tshionsu, pavua Elkana ne bakaji bende baya mu nzubu wa Mvidi Maweja-Nangila, Penina uvua anu uluisha mukenende Ane bundu. Tshidimu tshikuabu, pavua Ane udila, ubenga mua kudia,