Yirmeya 41:2 - MUKANDA WA MYIDI MUKULU

² Ishemayele kujuka musangu umue, ne bantu bavua bamufila, kutapabu Ngedaliya ne muele, kumushipa. Yeye ke uvua mukalenga wa Babilone muteke bua kulombola ditunga dia Yuda.

Mukanda wa Nzambi Dihungila Dikulukulu ne Dihungila Dihia-dihia 2003

² Yishemaele, muana wa Netanya, ne bantu dikumi bakadi nʼandi bakajuka, bakataha Gedaliya, muana wa Ahikama, muana wa Shafana, ne muele wa nvita, bobo bakashiha muntu wakatekabo gouverneur kudi mukelenge wa Babulona.

Yirmeya 41:2 ပူးပေါင်းရင်းမြစ်များ

2 Samuele 3:27

Bamane kufika ne Abnere ku tshiibi tshia tshimenga, Yowabe kubuela nende mu tshimenga, kuya nende pa nkayende, bu udi musue kumuambila bualu bua musokoku. Muaba awu, Yowabe kutua Abnere muela mu difu. Kumushipaye bua kusombuela lufu lua muanabu Ashayele.

2 Bakalenga 25:25

Kadi, mu ngondu wa muanda mutekete wa tshidimu atshi, Ismayele, muana wa Netaniya, muikulu wa Elishama, wa mu diku dia bukalenga, kufika ku Mispa ne bantu dikumi. Kushipabu Ngedaliya, ne bena Yuda bakuabu, ne bena Babilone bavua ku nzubu kuende.

Misambu 109:5

badi bangenzela malu mabi pa malu mimpe, bankina pandi meme mubanange.

Misambu 41:9

“Wawa ukadi mikolu ku tshiina! Bua kumukaye pa bulalu, amu yeye mufue!”

Yirmeya 40:14

Kumukonkabu ne: — Udi mumanye ne: Balise, mukalenga wa bena Amone, udi mutume Ishemayele, muana wa Netaniya, bua kukushipa anyi? Kadi Ngedaliya kavua mubitabe to.

Yirmeya 40:16

Kadi Ngedaliya kuandamuna Yowanane ne: — Kuenji bualu bua nanku to. Biudi wamba pambidi pa Ishemayele mbia dishima!

Yirmeya 40:5

Kadi muambi Yirmeya kavua muye to. Ke Nebuzaradane kuamba kabidi ne: — Udi mua kupingana kudi Ngedaliya, muana wa Akikame, muikulu wa Shafane. Mukalenga wa mu Babilone mmumuteke bua kuludika bimenga bia bena Yuda. Uye kusomba kudiye munkatshi mua bantu. Nansha uye miaba mikuabu kuonsu kuudi mumone ne nkuimpe. Mfumu wa bena mvita balami, kupesha Yirmeya biakudia bua luendu luende, kumusankishaye kabidi ne bintu bikuabu. Bobu kulayangana bimpe.

Yirmeya 40:7

Mu misoku ya ku mpenga mutshivua bisumbu bia bena mvita ba bena Yuda. Balombodi ba bisumbu bia bena mvita abi, ne bantu babu, bavua bumvua muvua mukalenga wa Babilone musungule Ngedaliya, muana wa Akikame, bua ikale mulombodi wa ditunga, muvuaye kabidi mumupeshe bapele, balume, bakaji, ne bana bavuabu kabayi mua kuya nabu mu Babilone.

Yirmeya 40:8

Ke balombodi abu ba bena mvita ne bantu babu, kuya ku Mispa kuvua Ngedaliya. Bavua baye ke: Ishemayele, muana wa Netanya, Yowanane ne Yonatane bonsu babidi bana ba balume ba Kareya, Seraya, muana wa Tanekumete, ne bana balume ba Afayi wa mu Netofa, ne Yazanya wa mu Maaka.

Yirmeya 41:3

Pashishe Ishemayele kushipa bena Yuda bonsu bavua pamue ne Ngedaliya mu Mispa. Kushipaye too ne bena mvita ba bena Babilone bavua muaba awu.

Yowanane 13:18

Tshiena ngamba buenu bonsu to. Ndi mumanye bandi musungule. Kadi mbimpe ikumbane miaku ivuabu bafunde mu Mukanda wa tshijila ne: “Muntu utuvua tudia nende diampa, ukadi unduisha.”