Yirmeya 41:10 - MUKANDA WA MYIDI MUKULU

¹⁰ Ishemayele kuela bantu bonsu bavua bashala mu Mispa, mu lukanu, kabidi ne bana ba bakaji ba mukalenga, ne bonsu ba-vua Nebuzaradane, mfumu wa bena mvita mupeshe Ngedaliya. Pashishe, Ishemayele kuya ne bena lukanu bonsu aba bua kusomba kudi bena Amone.

Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Ku nyima Yishemaele wakakuata bantu bakashala mu Misepa, wakaya nʼabo, bana bakashi ba mukelenge mene ne bantu bonso bakashiyabo kudi Nebuzaladana, kapitene ka bansentedi ba masalayi, mu bianza bia Gedaliya, muana wa Ahikama. Yishemaele, muana wa Netanya, wakaya nʼabo mu buhika, wakabanga kusabuka musulu bua kuya kudi Bena Amona.

Yirmeya 41:10 ပူးပေါင်းရင်းမြစ်များ

Nehemya 2:10

Pashishe, Sanebalate, muena Orone, ne Tobiya, muena Amone, uvua umuambuluisha, kumvuabu lumu lua difika dianyi. Nanku kufikabu munda bikole, bua pumvuabu ne muntu mmufike bua kuambuluisha bena Izrayele.

Nehemya 2:19

Kadi, Sanebalate, muena Orone, Tobiya, muena Amone, uvua umuambuluisha, ne Ngesheme, muena Arabe, kutusekabu. Kutusendekabu, bakonka ne: — Tshinudi nuenza ntshinyi? Nudi basue kutombokela mukalenga wa bakalenga anyi?

Yirmeya 22:30

Udi wamba ne: “Bafunde muntu ewu mu mukanda wa bakalenga bu muntu udi kayi ne bana! Nsongalume awu mmupange bionsu. Muntu nansha umue wa ku ndelanganyi yende kakusomba pa nkuasa wa bukalenga bua Davide, kakuikala mfumu wa Yuda to.”

Yirmeya 38:23

Eyowa, nebafile bakaji bebe ne bana bebe ba balume kudi bena Babilone. Nansha wewe kuakunyema to. Mukalenga wa bena Babilone neakuele mu lukanu. Neabutule tshimenga etshi ne kapia.

Yirmeya 39:6

Ke kuvuaye mushipeshe kabidi bana ba balume ba mukalenga Sedekiya, tatuabu mutangile. Yeye kushipeshamu kabidi bakulu bonsu ba bena Yuda.

Yirmeya 40:14

Kumukonkabu ne: — Udi mumanye ne: Balise, mukalenga wa bena Amone, udi mutume Ishemayele, muana wa Netaniya, bua kukushipa anyi? Kadi Ngedaliya kavua mubitabe to.

Yirmeya 40:7

Mu misoku ya ku mpenga mutshivua bisumbu bia bena mvita ba bena Yuda. Balombodi ba bisumbu bia bena mvita abi, ne bantu babu, bavua bumvua muvua mukalenga wa Babilone musungule Ngedaliya, muana wa Akikame, bua ikale mulombodi wa ditunga, muvuaye kabidi mumupeshe bapele, balume, bakaji, ne bana bavuabu kabayi mua kuya nabu mu Babilone.