Yirmeya 40:8 - MUKANDA WA MYIDI MUKULU

⁸ Ke balombodi abu ba bena mvita ne bantu babu, kuya ku Mispa kuvua Ngedaliya. Bavua baye ke: Ishemayele, muana wa Netanya, Yowanane ne Yonatane bonsu babidi bana ba balume ba Kareya, Seraya, muana wa Tanekumete, ne bana balume ba Afayi wa mu Netofa, ne Yazanya wa mu Maaka.

Mukanda wa Nzambi Dihungila Dikulukulu ne Dihungila Dihia-dihia 2003

⁸ bakalua kudi Gedaliya mu Misepa. Menʼabo akadi Yishemaele, muana wa Netanya, Yohanana ne Yonatana, bana balume ba Kalea, Selaya, muana wa Tanehumeta, bana balume ba Efai, Muena Netofa, ne Yezanya, muana wa Muena Mâka, bobo mene ne bantu babo.

Yirmeya 40:8 ပူးပေါင်းရင်းမြစ်များ

2 Samuele 10:6

Bena Amone kumona ne: Davide ukadi muluishi wetu. Nanku kufutabu bena mvita binunu makumi abidi ba bena Siriya, ba mu Beterekobe ne mu Soba, bena mvita tshinunu ba mukalenga wa Maaka, ne bena mvita binunu dikumi ne bibidi ba mu Tobe.

2 Samuele 10:8

Bena Amone kuya kuela mualu wa mvita pabuipi ne tshiibi tshia tshimenga tshiabu tshinene. Bena Siriya ba mu Soba, ne ba mu Beterekobe, ne bena mvita ba mu Tobe, ne ba mu Maaka, bavua bela mualu wa mvita luseke lukuabu mu mpata.

2 Samuele 23:34

Elifelete, muana wa Akasbayi ne muikulu wa muntu wa Maaka; Eliyame, muana wa Akitofele, wa mu tshimenga tshia Ngilo;

2 Bakalenga 25:23

Balombodi ba bena mvita ne bena mvita ba bena Yuda bavua kabayi baye ne bena Babilone, bumwa ne: mukalenga Nebukadnesare mmusungule Ngedaliya bua kuikalaye mulombodi wa ditunga, kuyabu kumonangana ne Ngedaliya ku Mispa. Balombodi bavua baye bavua Ismayele, muana wa Netaniya, Yowanane, muana wa Kareya, Seraya, muana wa Tanehumete, wa mu musoku wa Netofa, ne Yazaniya, muena Maaka.

2 Bakalenga 25:25

Kadi, mu ngondu wa muanda mutekete wa tshidimu atshi, Ismayele, muana wa Netaniya, muikulu wa Elishama, wa mu diku dia bukalenga, kufika ku Mispa ne bantu dikumi. Kushipabu Ngedaliya, ne bena Yuda bakuabu, ne bena Babilone bavua ku nzubu kuende.

1 Kulondolola 11:30

Marayi wa mu tshimenga tshia Netofa, Elede muana wa Baana wa mu Netofa,

1 Kulondolola 2:48

Kalebe uvua kabidi ne mukaji mukuabu, dina diende Maaka. Kulelaye nende Shebere ne Tirana.

1 Kulondolola 2:54

Ndelanganyi ya Salma idi nenku: bena mu tshimenga tshia Betleyeme, tshia Netofa, tshia Atrote-Bete-Yowabe, tshia bibidi tshia bena Manakate, bena Sora,

Ezela 2:2

Bavua babalombola kudi Zerubabele, Yeshuwa, Nehemya, Seraya, Relaya, Mordekayi, Bilshane, Mispare, Bigvayi, Rekume ne Baana. Bungi bua bena Izrayele bavua bapingana, bilondeshile meku abu budi nenku:

Ezela 2:22

mu musoku wa Netofa, muvua bantu balume 56;

Nehemya 7:26

mu musoku wa Betleyeme ne wa Netofa muvua bantu 188;

Yirmeya 37:15

Bobu abu kufikila Yirmeya munda, kumutuutabu. Pashishe kumukangilabu mu nzubu wa Yonatane, mufundi wa mikanda ya mu bukalenga. Nzubu wende bavua bamuenze nzubu wa bena lukanu.

Yirmeya 37:20

Yirmeya kuamba kabidi ne: — Mukalenga, ndi nkulomba bua uteleje tshindi nkulomba. Kuntumi tshiakabidi kua Yonatane, mufundi wa mikanda ya mu bukalenga, bualu ndi mua kufuilamu.

Yirmeya 38:26

Kadi ubandamune ne: “Mvua nsengelela mukalenga bua kampingaji kabidi mu nzubu wa Yonatane. Bualu ndi mua kufuilamu.”

Yirmeya 40:11

Bena Yuda bavua ku bena Mowabe, ku bena Amone, ku bena Edome, nansha bavua mu ditunga dikuabu, bavua bumvua pabu bonsu ne: mukalenga wabena Babilone mmushiye bantu mu bukalenga bua Yuda, mmubateke mu bianza bia Ngedaliya.

Yirmeya 40:13

Dituku dikuabu, Yowanane, muana wa Kareya, ne balombodi bakuabu batshi vua mu mpata, kuyabu kudi Ngedaliya mu Mispa.

Yirmeya 40:14

Kumukonkabu ne: — Udi mumanye ne: Balise, mukalenga wa bena Amone, udi mutume Ishemayele, muana wa Netaniya, bua kukushipa anyi? Kadi Ngedaliya kavua mubitabe to.

Yirmeya 40:15

Ke Yowanane kuya ku Mispa mu musokoku kudi Ngedaliya umukonka ne: — Udi musue bua nye kushipa Ishemayele anyi? Muntu kakumanya bualu to. Katuena mua kuanyisha bua akushipe to. Yeye mukushipe, bena Yuda baudi wewe musangishe nebatangalake tshiakabidi. Bantu bonsu batshidi basomba mu bukalenga bua Yuda nebabutuke!

Yirmeya 40:6

Nanku Yirmeya kuya ku Mispa, muaba uvua Ngedaliya. Kusombaye munkatshi mua bantu bavua bashale mu ditunga.

Yirmeya 41:1

Kadi mu ngondu wa muanda mutekete, Ishemayele, muana wa Netaniya, muikulu wa Elishama, kufika kudi Ngedaliya mu Mispa. Ishemayele uvua wa mu diku dia bukalenga. Ku kale uvua wenza mudimu mu lubanza lua bukalenga. Uvua mufike ne bantu dikumi. Pavuabu ne Ngedaliya ku mesa badia,

Yirmeya 41:11

Yowanane, muana wa Kareya, ne balombodi ba bena mvita bavua nende, kumvuabu bualu bubi buvua Ishemayele muenze.

Yirmeya 41:2

Ishemayele kujuka musangu umue, ne bantu bavua bamufila, kutapabu Ngedaliya ne muele, kumushipa. Yeye ke uvua mukalenga wa Babilone muteke bua kulombola ditunga dia Yuda.

Yirmeya 42:1

Pashishe balombodi ba bena mvita, nangananga Yowanane, muana wa Kareya, Azarya, muana wa Oshaya, ne bantu bonsu bavua muaba awu kuyabu bonsu,

Yirmeya 42:8

Yirmeya kubikidisha Yowanane, muana wa Kareya, ne balombodi bakuabu ba bena mvita bavuaye nabu, too ne bantu bonsu bavua muaba awu.

Yirmeya 43:2

Ke Azarya, muana wa Oshaya, Yowanane, muana wa Kareya, ne bakuabu bonsu, kuandamuna Yirmeya ne dikamakama ne: — Udi ushima. Maweja-Nangila Mvidi Mukulu wetu kena mukuambile bua kutubela bua katuyi kusokoma mu Ejipitu to.

Yirmeya 43:5

Pashishe, Yowanane, ne balombodi bakuabu ba bena mvita, kuangata bena Yuda bavua bashala mu ditunga diabu, ne bonsu bavuabu bapeta mu matunga avua nabu mutumba, bakavua bamane kupingana mu ditunga dia Yuda:

Dielulula 3:14

Ndelanganyi ya Yayire, muana wa Menashe, ivua mikuate ditunga dia Argobe, divua mu Bashane, too ne ku mikalu ya bena Ngeshure ne bena Maaka. Misoku ya ditunga adi batshidi bayibikila ne: mmisoku ya Yayire.)

Yoshua 12:5

Bumfumu buende buvua butuadija ku mukuna wa Ermone, buya ku Salka, ku ditunga dijima dia Bashane, too ne ku mikalu ya bena Ngeshure ne ya bena Makati, ne ku tshitupa tshia ditunga dia Ngilaade, too ne ku ditunga dia mukalenga Sihone wa mu Eshebone.