Yirmeya 40:5 - MUKANDA WA MYIDI MUKULU

⁵ Kadi muambi Yirmeya kavua muye to. Ke Nebuzaradane kuamba kabidi ne: — Udi mua kupingana kudi Ngedaliya, muana wa Akikame, muikulu wa Shafane. Mukalenga wa mu Babilone mmumuteke bua kuludika bimenga bia bena Yuda. Uye kusomba kudiye munkatshi mua bantu. Nansha uye miaba mikuabu kuonsu kuudi mumone ne nkuimpe. Mfumu wa bena mvita balami, kupesha Yirmeya biakudia bua luendu luende, kumusankishaye kabidi ne bintu bikuabu. Bobu kulayangana bimpe.

Mukanda wa Nzambi Dihungila Dikulukulu ne Dihungila Dihia-dihia 2003

⁵ Biwashala, uhingane kudi Gedaliya, muana wa Ahikama, muana wa Shafana, wakutekabo gouverneur wa misoko ya mu Yuda kudi mukelenge wa Babulona; ushikame nʼandi munkatshi mua bantu; anyi uye biebe kuonso kukuabo kudi kuimpe ku mesu kuebe. Nunku kapitene ka bansentedi kakamuha bia kudia ne matabisha, kakamulekela.

Yirmeya 40:5 ပူးပေါင်းရင်းမြစ်များ

2 Bakalenga 22:12

Kubikidishaye Ilkiya, mutuangaji munene. Ahikame, muana wa Shafane, Akbore, muana wa Mikaya, Shafane mufundi, ne Ashaya mulombodi wa mu bukalenga, ubambila ne:

2 Bakalenga 22:14

Ilkiya, mutuangaji munene, Ahikame, Akbore, Shafane, ne Ashaya, kuya kudi muambi mukaji Ulda, uvua musombele mu tshitupa tshipiatshipia tshia Yerushalayime. Bayende wa Ulda uvua Shalume, muana wa Tikva, ne muikulu wa Arase. Shalume ke uvua ulama bilamba bia tshijila bivua mu nzubu wa Mvidi Mukulu. Bantu abu, kuambila muambi mukaji Ulda malu onsu awu.

2 Kulondolola 34:20

Kubikidishaye Ilkiya, Akikame, muana wa Shafane, Abdone, muana wa Mika, Shafane mufundi, ne Ashaya umue a ku balombodi ba mu bukalenga, kubambilaye ne:

Ezela 7:27

Ezra kuamba ne: “Tuele Maweja-Nangila Mvidi Mukulu wa bankambua betu tuasakidila. Uvua mupeshe mukalenga munene dijinga dia kunemeka nzubu wa Mvidi Mukulu wa mu Yerushalayime.

Ezela 7:6

Ezra uvua mumanye mikanda, uvua mumanye bikole meyi ne mikandu bivua Maweja-Nangila Mvidi Mukulu wa bena Izrayele muambile Moshe. Maweja-Nangila Mvidi Mukulu wende uvua mumupeteshe lumu. Ke pa wa Artashasta, mukalenga munene, mumupeshe bionsu biwaye ulomba.

Nehemya 1:11

Maweja-Nangila, ndi nkusengelela ne: utelejeku mundi nutendelela, kabidi mudibu bakutendelela kudi bantu bebe bakuabu, badi ne disanka dia kukutumbisha. Wewe, ungendeshe diakalenga mu bionsu bindi musue kuenza lelu. Ungambuluishe bua mukalenga wa bakalenga angandamune bimpe. Tshikondu atshi, meme Nehemya mvua ntangila bantu bavua balongolola maluvu a mukalenga wa bakalenga.

Yobe 22:29

Bualu Mvidi Mukulu udi unyanga midimu, idi bena ditambisha basue kuenza. Kadi udi wambuluisha bantu badi badipuekesha.

Nsumuinu 16:7

Padi Maweja-Nangila muanyishe nsombelu wa muntu, udi ubueja diumvuangana pankatshi pende ne baluishi bende.

Nsumuinu 21:1

Muoyi wa mukalenga udi bu musulu wa mayi udi Maweja-Nangila utuma kuonsu kudiye musue.

Yirmeya 15:11

Eyowa, Maweja-Nangila, milawu yabu idi mua kunkuata, bu meme tshiyi mukuenzele mudimu muanyi muonsu, bu meme tshiyi muakuile baluishi banyi kumpala kuebe, diba divuabu mu dikenga, banyingalala!

Yirmeya 26:24

Kadi Ayikame, muana wa Shafane, ke uvua mulame muambi Yirmeya bimpe. Nanku bualu bua Ayikame, bantu kabavua mua kukuata Yirmeya kumushipa to.

Yirmeya 39:14

Kutumaye diyi bua baye kuangata Yirmeya mu lubanza lua bena mvita balami ba mukalenga. Ke kumupatuishamu, bamufite kabidi kudi Ngedaliya, muana wa Akikame, ne muikulu wa Shafane. Ngedaliya uvua muanyishe bua bafile Yirmeya kuende. Ke Yirmeya kusomba mpindiewu munkatshi mua bantu bakuabu.

Yirmeya 40:4

Nanku, lelu ndi nkusulula nkanu ivuabu bakusuike ku bianza. Paudi musue kuya nanyi ku Babilone mbimpe tuye. Nenkulame. Kadi paudi kuyi musue, bidi anu bimpe. Udi mua kuya kusomba mu ditunga, muaba onsu uudi musue.

Yirmeya 41:1

Kadi mu ngondu wa muanda mutekete, Ishemayele, muana wa Netaniya, muikulu wa Elishama, kufika kudi Ngedaliya mu Mispa. Ishemayele uvua wa mu diku dia bukalenga. Ku kale uvua wenza mudimu mu lubanza lua bukalenga. Uvua mufike ne bantu dikumi. Pavuabu ne Ngedaliya ku mesa badia,

Yirmeya 41:18

Bualu bavua batshina bena Babilone, muvua Ishemayele mushipe Ngedaliya, muntu uvua mukalenga wa bena Babilone muteke bua kulombola ditunga.

Yirmeya 41:2

Ishemayele kujuka musangu umue, ne bantu bavua bamufila, kutapabu Ngedaliya ne muele, kumushipa. Yeye ke uvua mukalenga wa Babilone muteke bua kulombola ditunga dia Yuda.

Bienzedi 27:3

Butshia, tuetu kufika mu Sidone. Yuliyuse uvua unemeka Polu, wanyisha kabidi bua aye kumonangana ne balunda bende, bua bamupeshe bivuaye ukengela.

Bienzedi 27:43

Kadi bu muvua mulombodi wabu musue kupandisha Polu, kuambilaye basolayi bende ne: “Kanuenji nanku to!” Kutumaye kabidi diyi, bua bavua bamanye kuowela, badianjile kudiela mu mayi, baye ku mukuna.

Bienzedi 28:10

Bena mu tshidila kudisankisha ne bintu bishilangane. Diba dia kulayangana nabu, kutupabu bionsu bituvua tukengela bua luendu.

Ebrewu 13:6

Ke patudi tujadika ne muoyi mushindame ne: “Maweja-Nangila udi ungambuluisha, tshiena ntshina tshintu nansha tshimue. Tshidi muntu mua kungenzela ntshinyi?”