Yirmeya 40:2 - MUKANDA WA MYIDI MUKULU

² Kuyaye ne Yirmeya pa nkayende, umuambila ne: — Maweja-Nangila Mvidi Mukulu webe uvua mumanyishe bena tshimenga etshi dikenga didi dibakuata.

Mukanda wa Nzambi Dihungila Dikulukulu ne Dihungila Dihia-dihia 2003

² Kapitene ka bansentedi kakakuata Yelemiya, kakamuambila ne, Yehowa Nzambi webe wakahisha bena musoko eu ne mulau eu.

Yirmeya 40:2 ပူးပေါင်းရင်းမြစ်များ

Yirmeya 11:17

Maweja-Nangila wa bukole buonsu uvua mukune Izrayele ne Yuda. Kadi udi ubambila lelu ne: nennubutule. Dikenga edi nedinukuate bua bubi bunuvua benze. Bualu nuvua bampende, balambule mvidie Baale milambu.

Yirmeya 50:7

Muntu yonsu uvua ubapeta, uvua anu ubaluisha. Baluishi babu bavua bamba ne: “Tuetu katuena tuenza bualu bubi nansha. Bantu aba badi bena tshibawu, batombokela Maweja-Nangila uvua ubapesha bionsu bivuabu nabi dikenga. Bankambua babu bavua bamutekemena amu yeye.”

Yirmeya 52:16

Kadi uvua mushiye bena ditunga bianza bitupu bua badime madimi a mvinyo ne madimi makuabu.

Lewitiki 26:14

“Panudi nubenga kuitaba meyi anyi, nubenga kulonda mikenji yanyi,

Dielulula 28:15

Kadi panuikala kanuyi nuitaba, kanuyi nutumikila meyi ne mikenji bia Maweja-Nangila Mvidi Mukulu wenu, bindi nnumanyisha lelu ebi, neanunyoke mushindu ewu:

Dielulula 31:17

Nanku nembafikile munda, mbalekela, bua babakengeshe bikole kudi bisamba bikuabu. Nebajadike mudi makenga aa abenzekela, bualu meme Mvidi Mukulu tshiena kabidi munkatshi muabu.

Dielulula 32:19

Maweja-Nangila umona muvua bana bende bamuseka, uvua ne kanyinganyinga kakole.